നവജാത ശിശു തൊട്ടിലില് മരിച്ച നിലയില്; കുഞ്ഞിന്റെ മരണം പിതാവ് മരിച്ച് രണ്ടാംദിനം
തൃശ്ശൂര്: നവജാത ശിശു ഉറക്കത്തില് മരിച്ച നിലയില്. ഇന്ന് പുലര്ച്ചെ നാല് മണിയോടെയാണ് 18 ദിവസം മാത്രം പ്രായമുള്ള കുഞ്ഞിനെ തൊട്ടിലില് മരിച്ച നിലയില് കണ്ടത്. പാല് തൊണ്ടയില് കുരുങ്ങിയതാവാം മരണകാരണമെന്നാണ് പ്രാഥമിക നിഗമനം.
വെള്ളറക്കാട് തറമേല്ഞാലില് വീട്ടില് സുധീഷ്-മനുരാധ ദമ്പതികളുടെ മകളാണ് മരിച്ചത്. ഇക്കഴിഞ്ഞ വെള്ളിയാഴ്ചയാണ് സുധീഷ് വാഹനാപകടത്തില് മരിച്ചത്. തിരുവനന്തപുരം നെടുമങ്ങാട് 22 ദിവസം പ്രായമുള്ള ശിശു ഇന്ന് മരിച്ചു . പറണ്ടോട് സ്വദേശിനി ബിന്ദുവിന്റെ മകള് ശ്രേയയാണ് മരിച്ചത്. രാവിലെ വീട്ടില് നിന്നും ആശുപത്രിയിലെത്തിച്ചെങ്കിലും മരിക്കുകയായിരുന്നു. പ്രായം തികയാതെ ജനിച്ച കുട്ടിയാണ്. ആശുപത്രിയില് എത്തിക്കുമ്പോള് കുഞ്ഞിന്റെ ദേഹത്ത് മഞ്ഞ നിറമായിരുന്നു. മരണ കാരണം വ്യക്തമല്ല. മൃതദേഹം നെടുമങ്ങാട് ജില്ലാ ആശുപത്രിയില് സൂക്ഷിച്ചിരിക്കുകയാണ്.
