സ്വന്തം വോട്ട് പോലുമില്ല; ബിജെപി സ്ഥാനാര്ഥിക്ക് ആകെ ലഭിച്ചത് ഒരു വോട്ട്
രാജസ്ഥാനിൽ നടന്ന തദ്ദേശ സ്വയംഭരണ തെരഞ്ഞെടുപ്പിൽ ബിജെപി സ്ഥാനാർഥിക്ക് ലഭിച്ചത് വെറും ഒരു വോട്ട് മാത്രം. ഡിഡ്വാന-കുചാമൻ ജില്ലയിലെ പർബത്സർ നഗരസഭയിലെ 13-ാം വാർഡിൽ നിന്ന് മല്സരിച്ച കൈലാഷ് ചന്ദ് എന്ന സ്ഥാനാർത്ഥിക്കാണ് ഈ ദാരുണമായ തിരിച്ചടി നേരിട്ടത്. കോൺഗ്രസ് സ്ഥാനാര്ഥി ഹിന ഖാനത്തിന് 376 വോട്ടുകള് നേടി വിജയിച്ചു. സ്വതന്ത്ര സ്ഥാനാർഥി റഷീദ് ഖാൻ 195 വോട്ടുകളും നേടി.
തനിക്ക് ഒരു വോട്ട് മാത്രം ലഭിച്ചതിനെക്കുറിച്ച് കൈലാഷ് ചന്ദിന്റെ പ്രതികരണമിങ്ങനെ: “എനിക്ക് ലഭിച്ചത് ഒരു വോട്ടാണ്. എന്റെ സ്വന്തം വോട്ട് 12-ാം വാർഡിലാണ്. എന്നാൽ പാർട്ടി എന്നെ അയൽ വാർഡായ 13-ലാണ് മത്സരിപ്പിച്ചത്. 13-ാം വാർഡിലെ ആരോ ഒരാൾ എനിക്ക് വോട്ട് ചെയ്തിട്ടുണ്ട്.”
