കോഴിക്കടയുടെ മറവില് ലഹരി വില്പ്പന; കൊലക്കേസ് പ്രതിയടക്കം രണ്ടു പേര് പിടിയില്
കൊച്ചി: കോഴിക്കടയുടെ മറവില് ലഹരി വില്പ്പന നടത്തിയ യുവാക്കള് പിടിയില്. കോതമംഗലം സ്വദേശി അഭിജിത് സുകു, ഇടപ്പള്ളി സ്വദേശി മുഹമ്മദ് ഇജാസ് എന്നിവരെയാണ് എംഡിഎംഎയുമായി ഡാന്സാഫ് സംഘം പിടികൂടിയത്.
കുന്നുംപുറത്ത് പ്രവര്ത്തിക്കുന്ന കോഴിക്കട കേന്ദ്രീകരിച്ചാണ് ഇവര് ലഹരി വില്പ്പന നടത്തിയിരുന്നത്. കൊലക്കേസിലും നിരവധി ലഹരി കേസുകളിലും പ്രതിയായ അഭിജിത്താണ് ലഹരിമരുന്ന് കടയിലേക്ക് എത്തിക്കുന്നത്.
കടയില് വച്ച് ഇത് ഉപയോഗിച്ച ശേഷമാണ് ഇവര് വില്പ്പന നടത്തിയിരുന്നത്. കൊച്ചി സിറ്റി പോലീസ് കമ്മീഷണര് കാളിരാജ് മഹേഷ് കുമാറിന്റെ നിര്ദേശപ്രകാരമാണ് ഡാന്സാഫ് സംഘം റെയ്ഡ് നടത്തിയത്.
പ്രതികളുടെ ഫോണില് നിന്ന് ഡ്രഗ് ഡീലിംഗുമായി ബന്ധപ്പെട്ട നിരവധി തെളിവുകള് കണ്ടെടുത്തതായി പോലീസ് അറിയിച്ചു. സംഭവത്തില് കൂടുതല് വിപുലമായ അന്വേഷണം നടന്നുവരികയാണ്.
