പ്രിയങ്ക ഗാന്ധി എംപി ഷൂട്ടിംഗ് താരം വിദർശയുടെ വീട്ടിലെത്തി
കോഴിക്കോട്: ഏഷ്യൻ ഗെയിംസിൽ രണ്ട് മെഡലുകൾ നേടി രാജ്യത്തിന്റെ അഭിമാനമായി മാറിയ ഷൂട്ടിംഗ് താരം വിദർശ കെ. വിനോദിന്റെ കോഴിക്കോട് തിരുവമ്പാടിയിലെ വീട്ടിൽ പ്രിയങ്ക ഗാന്ധി എംപി സന്ദർശനം നടത്തി. വിദർശയുടെ മാതാപിതാക്കളെ നേരിൽ കണ്ട പ്രിയങ്ക, അവരുടെ നേട്ടത്തിൽ സന്തോഷവും അഭിമാനവും രേഖപ്പെടുത്തി.
നമ്മുടെ കുട്ടികൾ വലിയ കഴിവുള്ളവരാണെന്നും ശരിയായ പരിശീലനവും പിന്തുണയും ലഭിച്ചാൽ അന്താരാഷ്ട്ര വേദികളിൽ തിളങ്ങാനും വിജയങ്ങൾ സ്വന്തമാക്കാനും അവർക്ക് സാധിക്കുമെന്ന് പ്രിയങ്ക കൂട്ടിച്ചേർത്തു.
വനിതകളുടെ 50 മീറ്റർ റൈഫിൾ 3 പൊസിഷൻസ് ടീം ഇനത്തിൽ ഇന്ത്യക്കായി വെള്ളി മെഡൽ സ്വന്തമാക്കിയ സംഘത്തിൽ വിദർശയും ഉൾപ്പെട്ടിരുന്നു. നേരത്തെ വനിതകളുടെ 10 മീറ്റർ എയർ റൈഫിൾ ടീം ഇനത്തിലും വിദർശ അടങ്ങിയ ടീം വെള്ളി മെഡൽ നേടിയിരുന്നു.
