കണിച്ചാർ സെന്റ് ജോർജ് പള്ളി തിരുനാളിന് നാളെ തുടക്കം
കണിച്ചാർ: കണിച്ചാർ സെന്റ് ജോർജ് പള്ളി തിരുനാൾ 16 മുതൽ 19 വരെ നടക്കും. പുതുതായി നിർമിച്ച സൺഡേ സ്കൂൾ കെട്ടിടത്തിന്റെ വെഞ്ചരിപ്പും ഇതോടൊപ്പം നടക്കും. നാളെ കൊടിയേറ്റിനും തിരുക്കർമങ്ങൾക്കും ഫാ. ജെയ്സൺ കോലക്കുന്നേൽ മുഖ്യകാർമികത്വം വഹിക്കും.
തുടർന്നുള്ള ദിവസങ്ങളിൽ ഫാ. സെബാസ്റ്റ്യൻ പൊടിമറ്റം, ഫാ. ഡോ. ഫിലിപ്പ് കവിയിൽ, ഫാ. ജോസഫ് പാറക്കാലായിൽ, ഫാ. മാത്യു തെക്കേമുറി, ഫാ. സെബാസ്റ്റ്യൻ പൊടിമറ്റം എന്നിവർ മുഖ്യകാർമികത്വം വഹിക്കും.18 ന് വൈകുന്നേരം എട്ടിന് നാടകം- ജീസസ് ബറാബാസ്. പ്രധാന തിരുനാൾ ദിനമായ 19 ന് തലശേരി ആർച്ച്ബിഷപ് ജോസഫ് പാംപ്ലാനിക്ക് സ്വീകരണവും തുടർന്ന് സൺഡേ സ്കൂൾ വെഞ്ചിരിപ്പ് കർമവും നടക്കും. തിരുക്കർമങ്ങൾക്ക് മാർ ജോസഫ് പാംപ്ലാനി മുഖ്യകാർമികത്വം വഹിക്കും. തുടർന്ന് ലദീഞ്ഞ്, പ്രദക്ഷിണം, സ്നേഹവിരുന്ന്.
