സംസ്ഥാന സ്കൂൾ കലോത്സവം; സംഘാടക സമിതി രൂപീകരിച്ചു
കൊച്ചി: സംസ്ഥാന സ്കൂൾ കലോത്സവത്തിന്റെ സുഗമമായ നടത്തിപ്പിനായി വിശാലമായ സംഘാടക സമിതി രൂപീകരിച്ചു. ഗവർണർ രാജേന്ദ്ര വിശ്വനാഥ് അർലേക്കർ, മുഖ്യമന്ത്രി വി.ഡി. സതീശൻ, പ്രതിപക്ഷ നേതാവ് പിണറായി വിജയൻ, മന്ത്രിമാരായ എൻ.ഷംസുദ്ദീൻ, റോജി എം. ജോൺ, അനൂപ് ജേക്കബ്,വി.ഇ.അബ്ദുൾ ഗഫൂർ എന്നിവരാണ് മുഖ്യരക്ഷാധികാരികൾ.
എംപിമാരായ ഹൈബി ഈഡൻ, ബെന്നി ബഹനാൻ, ഡീൻ കുര്യാക്കോസ്, ഫ്രാൻസിസ് ജോർജ്, ഹാരിസ് ബീരാൻ, ജെബി മേത്തർ എന്നിവരും എംഎൽഎമാരായ അൻവർ സാദത്ത്,വി.പി. സജീന്ദ്രൻ, മാത്യു കുഴൽനാടൻ, ഉമ തോമസ്, മുഹമ്മദ് ഷിയാസ്, ടോണി ചമ്മിണി, മനോജ് മൂത്തേടൻ, ദീപക് ജോയ്, ഷിബു തെക്കുംപുറം, മേയർ അഡ്വ. വി.കെ. മിനിമോൾ, ജില്ലാ പഞ്ചായത്ത് പ്രസിഡന്റ് കെ.ജി.രാധാകൃഷ്ണൻ, പൊതുവിദ്യാഭ്യാസ വകുപ്പ് സ്പെഷൽ സെക്രട്ടറി ഡോ.ഡി. സജിത് ബാബു , ജില്ലാ കളക്ടർ ജി.പ്രിയങ്ക, കൊച്ചി സിറ്റി പൊലിസ് കമ്മീഷണർ കാളിരാജ് മഹേഷ് കുമാർ എന്നിവർ രക്ഷാധികാരികളാണ്.
ടി.ജെ. വിനോദ് എംഎൽഎ ചെയർമാനും ഡെപ്യൂട്ടി മേയർ സുധീർ വൈസ് ചെയർമാനായും പ്രവർത്തിക്കും. പൊതുവിദ്യാഭ്യാസ ഡയറക്ടർ അരുൺ കെ. വിജയനാണ് ജനറൽ കോ-ഓർഡിനേറ്റർ.
