സോളാർ പ്ലാന്റ് നിർമാണം പൂർത്തിയായി
മട്ടന്നൂർ: കണ്ണൂർ രാജ്യാന്തര വിമാനത്താവളത്തിൽ വൈദ്യുത ചാർജ് കുറയ്ക്കുകയെന്ന ലക്ഷ്യത്തോടെ സോളാർ പ്ലാന്റ് നിർമാണത്തിന്റെ പ്രവൃത്തി പൂർത്തിയായി. വൈദ്യുത ഉപയോഗം ആരംഭിച്ചെങ്കിലും അടുത്ത മാസം അവസാനത്തോടെ സോളാറിന്റെ ഉദ്ഘാടനം നടത്താനുള്ള ശ്രമത്തിലാണ് കിയാൽ.നാലുമെഗാവാട്ടിന്റെ സോളാർ പവർ പ്ലാന്റാണ് സ്ഥാപിച്ചിരിക്കുന്നത്. വിമാനത്താവളത്തിലെ കാർ പാർക്കിംഗ് ഏരിയയിലും പരിസര പ്രദേശങ്ങളിലുമായാണ് സോളാർ പ്ലാന്റ് സ്ഥാപിച്ചിട്ടുള്ളത്. കിയാലും ഓറിയാന പവറെന്ന കമ്പനിയും ചേർന്നാണ് പദ്ധതി നടപ്പാക്കുന്നത്.
വിമാനത്താവളത്തിലെ വൈദ്യുത ചാർജ് ഇനത്തിൽ 30 മുതൽ 40 ശതമാനം വരെ കുറവുണ്ടാക്കാൻ സോളാർ പദ്ധതിയിലുടെ സാധിക്കുമെന്നാണ് പ്രതീക്ഷ. കഴിഞ്ഞ ജനുവരി അവസാനത്തോടെ പദ്ധതിയുടെ നിർമാണം പൂർത്തിയായിരുന്നു. കഴിഞ്ഞ ജൂലൈ മാസമാണ് പ്രവൃത്തി ആരംഭിച്ചത്. കിയാൽ എംഡി സി. ദിനേശ് കുമാർ, ചീഫ് ഫിനാൻഷ്യൽ ഓഫീസർ ജയകൃഷ്ണൻ എന്നിവർ ചേർന്നാണ് ഉദ്ഘാടനം നിർവഹിച്ചത്. സോളാർ പദ്ധതിയുടെ പ്രവൃത്തി പൂർത്തിയായതിനാൽ ഉപയോഗവും ആരംഭിച്ചു. നിയമസഭാ തെരഞ്ഞെടുപ്പ് വന്നതി
