കൈതേരിയില് കാണാതായ യുവാവ് തോട്ടില് മരിച്ച നിലയില്
കണ്ണൂര്: കൂത്തുപറമ്പില് കാണാതായ യുവാവിനെ തോട്ടില് മരിച്ച നിലയില് കണ്ടെത്തി. കൈതേരിയിടത്തില് കലാശപ്പറമ്പത്ത് രാരിഷ് (45) ആണ് മരിച്ചത്. ഇയാളെ കഴിഞ്ഞ ദിവസമാണ് കാണാതായത്.
അതേസമയം, കണ്ണൂര് ജില്ലയില് മഴയുടെ ശക്തി കുറഞ്ഞതിനെത്തുടര്ന്ന് താഴ്ന്ന പ്രദേശങ്ങളില് നിന്നും വെള്ളം ഇറങ്ങിത്തുടങ്ങി. പുലര്ച്ചെ പെയ്ത ശക്തമായ മഴയില് ശ്രീകണ്ഠപുരം ടൗണില് വെള്ളം കയറിയെങ്കിലും പുഴയിലെ ജലനിരപ്പ് താഴ്ന്നതോടെ വെള്ളമിറങ്ങി.
മാടായിയിലും പയ്യന്നൂരിലും വീട് തകര്ന്ന് ഏഴ് വയസുകാരനുള്പ്പെടെ രണ്ട് പേര്ക്ക് പരിക്കേറ്റു. മാടായി കുളവയല് റോഡിലെ വീട് പുലര്ച്ചെ കാറ്റില് തകര്ന്നു വീണാണ് ഏഴ് വയസുകാരന് പാര്ത്ഥിപിന് പരിക്കേറ്റത്.
