അരിയിൽ ഷുക്കൂർ വധക്കേസ്: ഏഴ് പ്രതികൾക്കും ജീവപര്യന്തം

Share our post

കൊച്ചി: അരിയിൽ ഷുക്കൂർ വധക്കേസിൽ കുറ്റക്കാരെന്ന് കണ്ടെത്തിയ 13 പ്രതികൾക്കുള്ള ശിക്ഷ വിധിച്ച് എറണാകുളത്തെ പ്രത്യേക സിബിഐ കോടതി. ഒന്നാം പ്രതി കെ.വി സുമേഷിന് ജീവപര്യന്തമാണ് ശിക്ഷ വിധിച്ചിരിക്കുന്നത്. ഏഴ് പ്രതികൾക്ക് ജീവപര്യന്തമാണ് ശിക്ഷ.

ഒന്നര പതിറ്റാണ്ടോളം നീണ്ട നിയമപോരാട്ടങ്ങൾക്കൊടുവിലാണ് സിബിഐ പ്രത്യേക കോടതി ശിക്ഷ വിധി പ്രസ്താവിക്കുന്നത്. കേസിൽ സിപിഎം സംസ്ഥാന സെക്രട്ടേറിയറ്റ് അംഗം പി. ജയരാജൻ, സംസ്ഥാന കമ്മിറ്റി അംഗം ടി.വി രാജേഷ്, സംസ്ഥാന സെക്രട്ടറി എം.വി ഗോവിന്ദന്റെ മകൻ ശ്യാംജിത്ത് ഉൾപ്പെടെയുള്ള 18 പേരെ കോടതി വെറുതെ വിട്ടിരുന്നു. ഒന്നാംപ്രതി കെ.വി സുമേഷ് ഉൾപ്പെടെ 13 പേർ കുറ്റക്കാരെന്നും കോടതി വിധിച്ചു.

മണിക്കൂറുകൾ നീണ്ട തടങ്കലിന് പിന്നാലെ കൊലപാതകം

സംഭവദിവസം ക്രിക്കറ്റ് കളിക്കിടെ പരിക്കേറ്റ സുഹൃത്തിനെ ആശുപത്രിയിലേക്ക് കൊണ്ടുപോകുന്നതിനിടെയാണ് ഷുക്കൂറും സംഘവും ആക്രമിക്കപ്പെട്ടതെന്നാണ് കേസ് രേഖകളിലുള്ളത്. സിപിഎം പ്രവർത്തകർ പിന്തുടരുന്നതായി ഭയന്ന സംഘം കണ്ണപുരം കീഴറയിലെ മുഹമ്മദ് കുഞ്ഞിയുടെ വീട്ടിൽ അഭയം തേടി. എന്നാൽ, വീട് വളഞ്ഞെത്തിയ സംഘം ഇവരെ മണിക്കൂറുകളോളം തടഞ്ഞുവെച്ചെന്നും ഷുക്കൂറിന്റെയും കൂടെയുണ്ടായിരുന്നവരുടെയും ചിത്രങ്ങൾ മൊബൈൽ ഫോണിൽ പകർത്തിയെന്നുമാണ് സിബിഐയുടെ കുറ്റപത്രത്തിലെ ആരോപണം.

തുടർന്ന് ഷുക്കൂറിനെയും കേസിലെ സാക്ഷിയായ സക്കറിയെയും സമീപത്തെ വയലിലേക്ക് കൊണ്ടുപോയി. അവിടെവെച്ച് ആക്രമണമുണ്ടായെന്നും സക്കറിയ രക്ഷപ്പെട്ടെങ്കിലും ഷുക്കൂർ കുത്തേറ്റു മരിച്ചെന്നുമാണ് കേസ്. പി. ജയരാജനും ടി.വി രാജേഷും ചികിത്സയിലായിരുന്ന തളിപ്പറമ്പ് സഹകരണ ആശുപത്രിയിൽവെച്ച് കൊലപാതകത്തിനുള്ള ഗൂഢാലോചന നടന്നുവെന്നാണ് സിബിഐ ആരോപിക്കുന്നത്.

ജയരാജനും രാജേഷിനുമെതിരെ ഗൂഢാലോചനക്കുറ്റം

അന്നത്തെ സിപിഎം കണ്ണൂർ ജില്ലാ സെക്രട്ടറി പി. ജയരാജനും കല്യാശ്ശേരി എംഎൽഎയായിരുന്ന ടി.വി രാജേഷിനുമെതിരെ കൊലപാതക ഗൂഢാലോചനക്കുറ്റമാണ് സിബിഐ ചുമത്തിയിരിക്കുന്നത്. കേസിൽ യഥാക്രമം 32, 33 പ്രതികളാണ് ഇരുവരും. സിപിഎം സംസ്ഥാന സെക്രട്ടറി എം.വി. ഗോവിന്ദന്റെ മകൻ ശ്യാംജിത്തും കേസിലെ പ്രതിപ്പട്ടികയിലുണ്ട്.

വാഹനവ്യൂഹത്തിന് നേരെയുണ്ടായ ആക്രമണത്തിന് പിന്നാലെ ആശുപത്രിയിൽ ചികിത്സയിലായിരുന്ന ജയരാജനും രാജേഷും കൊലപാതകത്തിനുള്ള ഗൂഢാലോചനയിൽ പങ്കാളികളായെന്നാണ് അന്വേഷണസംഘത്തിന്റെ വാദം. എന്നാൽ, ഇവർക്കെതിരെ മൊഴി നൽകിയിരുന്ന രണ്ട് പ്രധാന സാക്ഷികൾ വിചാരണയ്ക്കിടെ കോടതിയിൽ ഹാജരായിരുന്നില്ലെന്നതും കേസിൽ ശ്രദ്ധേയമാണ്.

കോടതി വെറുതെവിട്ട 18 പ്രതികൾ

1. രണ്ടാം പ്രതി – ഗണേശൻ

2. നാലാം പ്രതി – വിജേഷ്

3. അഞ്ചാം പ്രതി – കെ. പ്രകാശൻ

4. ആറാം പ്രതി – ഉമേശൻ

5. എട്ടാം പ്രതി – ലതീഷ്

6. പതിനൊന്നാം പ്രതി – സി.എൻ. മോഹനൻ

7. പതിമൂന്നാം പ്രതി – നിതിൻ

8. പതിനേഴാം പ്രതി – സുധാകരൻ

9. പതിനെട്ടാം പ്രതി – നവീൻ

10. പത്തൊൻപതാം പ്രതി – ശ്യാംജിത്ത്

11. ഇരുപത്തിയൊന്നാം പ്രതി – ഷാജി

12. ഇരുപത്തിരണ്ടാം പ്രതി – പ്രകാശൻ മുതുവാനി

13. ഇരുപത്തിമൂന്നാം പ്രതി – അജയകുമാർ എൻ.പി.

14. ഇരുപത്തിനാലാം പ്രതി – രാജീവൻ പി.എസ്.

15. ഇരുപത്തൊൻപതാം പ്രതി – ബാബു

16. മുപ്പതാം പ്രതി – യു.വി. വേണു

17. മുപ്പത്തിരണ്ടാം പ്രതി – പി. ജയരാജൻ

18. മുപ്പത്തിമൂന്നാം പ്രതി – ടി.വി. രാജേഷ്

കുറ്റക്കാരെന്ന് കണ്ടെത്തിയ 13 പ്രതികൾ

1-ാം പ്രതി: സുമേഷ്

3-ാം പ്രതി: അനൂപ്

7-ാം പ്രതി: പവിത്രൻ

9-ാം പ്രതി: മനോഹരൻ

10-ാം പ്രതി: എം.വി. ദിനേശൻ

12-ാം പ്രതി: ബിജുമോൻ

14-ാം പ്രതി: ഇ.പി. രാധാകൃഷ്ണൻ

15-ാം പ്രതി: ഷിജിൻ മോഹൻ

16-ാം പ്രതി: കെ.വി. സജിത്ത്

25-ാം പ്രതി: വി.വി. മോഹനൻ

26-ാം പ്രതി: പുരുഷോത്തമൻ

27-ാം പ്രതി: പി.കെ. അജിത് കുമാർ

28-ാം പ്രതി: പി.പി. സുരേശൻ


Share our post
Copyright © All rights reserved. | Newsphere by AF themes.
error: Content is protected !!