എസ്ബിഐ പണിമുടക്ക് മാറ്റി; തീരുമാനം ജീവനക്കാരുമായി നടത്തിയ ചര്ച്ചയില്
തിങ്കള്, ചൊവ്വ ദിവസങ്ങളില് നടത്താനിരുന്ന എസ്ബിഐ പണിമുടക്ക് മാറ്റിവച്ചു. ജീവനക്കാരുമായി മാനേജ്മെന്റ് നടത്തിയ ചര്ച്ചയിലാണ് തീരുമാനമായത്. ശനിയും ഞായറും അവധിയും തിങ്കളും ചൊവ്വയും പണിമുടക്കും ബുധനാഴ്ച ബക്രീദ് അവധി കൂടി വരുമ്പോള് അഞ്ചു ദിവസം ബാങ്കിങ് ഇടപാടുകള് മുടങ്ങിയേക്കുമെന്ന തരത്തിലായിരുന്നു നേരത്തേ സൂചനകള് വന്നത്. എന്നാല് ചര്ച്ചയില് തീരുമാനമായതോടെ ഉപഭോക്താക്കള്ക്ക് വലിയ ആശ്വാസമാണ് ഇതോടെ വരുന്നത്.
പൊതുജനത്തിന് വലിയ ആശ്വാസമാകുന്ന തീരുമാനമാണ് മാനേജ്മെന്റും ജീവനക്കാരുമായി നടത്തിയ ചര്ച്ചയിലൂടെ കൈവന്നത്. ജീവനക്കാര് പ്രധാനമായും ഉന്നയിച്ച ആവശ്യങ്ങള് അനുഭാവപൂര്വം പരിഗണിക്കാമെന്ന് മാനേജ്മെന്റ് നല്കിയ ഉറപ്പിന്മേലാണ് പണിമുടക്ക് മാറ്റിയത്. സര്ക്കിള് മാറിയുള്ള ട്രാന്സ്ഫര് ഒഴിവാക്കുക, ജീവനക്കാരുടെ കുറവ് നികത്തുക, എന്നീ ആവശ്യങ്ങളായിരുന്നു ജീവനക്കാര് പ്രധാനമായും ഉന്നയിച്ചത്.
ഇവയെല്ലാം വൈകാതെ പരിഗണിക്കുമെന്ന ഉറപ്പാണ് ജീവനക്കാര്ക്ക് ലഭിക്കുന്നത്. ഇന്നും നാളെയും അവധിയാണെങ്കിലും തിങ്കളും ചൊവ്വയും സാധാരണ രീതിയില് തന്നെ ബാങ്കിങ് ഇടപാടുകള് നടത്താനാകും.
