ഓണം പ്രമാണിച്ച് ബെംഗളൂരു-കണ്ണൂർ സ്പെഷ്യൽ ട്രെയിൻ; സ്റ്റോപ്പുള്ള സ്റ്റേഷനുകളും സമയവും അറിയാം
ബെംഗളൂരു: ഓണക്കാലം പ്രമാണിച്ച് ബെംഗളൂരുവിൽ നിന്ന് കേരളത്തിലേക്ക് സ്പെഷ്യൽ ട്രെയിൻ അനുവദിച്ചു. ഓഗസ്ത് 20ന് ബെംഗളൂരു കന്റോൺമെന്റിൽ നിന്ന് കണ്ണൂരിലേക്കും 21ന് കണ്ണൂരിൽ നിന്ന് ബെംഗളൂരുവിലേക്കുമാണ് പ്രത്യേക ട്രെയിൻ സർവീസ് പ്രഖ്യാപിച്ചിരിക്കുന്നത്.
ബെംഗളൂരു കന്റോൺമെന്റ്-കണ്ണൂർ ട്രെയിൻ 20ന് രാത്രി 10.30ന് പുറപ്പെടും, 21ന് ഉച്ചയ്ക്ക് 12.50ന് കണ്ണൂരിലെത്തും.
കണ്ണൂർ-ബെംഗളൂരു കന്റോൺമെന്റ് ട്രെയിൻ 21ന് വൈകുന്നേരം 4.10ന് കണ്ണൂരിൽ നിന്ന് പുറപ്പെടും, 22ന് രാവിലെ 6 മണിക്ക് ബെംഗളൂരുവിലെത്തും.
23 കോച്ചുകളാണുണ്ടാവുക. പാലക്കാട് വഴിയാണ് സർവീസ്. ബെംഗളൂരു, കൃഷ്ണരാജപുരം, ബംഗരപേട്ട്, കുപ്പം, സേലം, ഈറോഡ്, തിരുപ്പൂർ, പോഡാനൂർ. പാലക്കാട്, ഷൊർണൂർ, തിരൂർ, പരപ്പനങ്ങാടി, കോഴിക്കോട്, വടകര, തലശ്ശേരി, കണ്ണൂർ എന്നിങ്ങനെയാണ് സ്റ്റേഷനുകൾ.
