വായന്നൂരിൽ കേഴമാൻ കുട്ടി ചത്ത നിലയിൽ
വായന്നൂർ: പാറമ്മൽ ഉന്നതിക്ക് സമീപം ശാന്തയുടെ കൃഷിസ്ഥലത്ത് കേഴമാൻ കുട്ടിയെ ചത്ത നിലയിൽ കണ്ടെത്തി. സംഭവമറിഞ്ഞ ഉടൻ നാട്ടുകാർ വനം വകുപ്പ് അധികൃതരെ വിവരം അറിയിച്ചു. തുടർന്ന് സെക്ഷൻ ഫോറസ്റ്റ് ഓഫീസർ രതീഷ് കുമാറിന്റെ നേതൃത്വത്തിൽ നകുൽ, അഭിജിത് എന്നിവരടങ്ങുന്ന വനം വകുപ്പ് സംഘം സ്ഥലത്തെത്തി പരിശോധന നടത്തി.നായ്ക്കൾ ഓടിച്ചതിനെത്തുടർന്നുണ്ടായ ഭയത്തിൽ ഹൃദയാഘാതം സംഭവിച്ചാവാം കേഴമാൻ ചത്തതെന്നാണ് അധികൃതരുടെ നിഗമനം. ജഡം വെറ്ററിനറി ആശുപത്രിയിലേക്ക് മാറ്റി. പോസ്റ്റ്മോർട്ടത്തിന് ശേഷം ജഡം സംസ്കരിക്കുമെന്ന് അധികൃതർ അറിയിച്ചു.
