ഒരുമിച്ച് പിറന്ന മൂന്ന് സഹോദരങ്ങൾക്ക് ഫുൾ എ പ്ലസ് നേട്ടവുമായി രണ്ട് വീടുകൾ
പയ്യന്നൂർ : ഒരുമിച്ച് പിറന്ന മൂന്ന് സഹോദരങ്ങൾക്ക് ഫുൾ എ പ്ലസ് നേട്ടം. എടാട്ട് സംസ്‌കൃത സർവകലാശാലയ്ക്ക് സമീപം കുരുക്കളോട്ട് ഹൗസിൽ കെ. പ്രസാദിന്റെയും എം. രജിതയുടെയും മക്കളായ കെ. നീരജ, കെ. നിരഞ്ജന, കെ. നിവേദ് എന്നിവരാണ് ഈ നേട്ടത്തിനർഹരായത്. നീരജയും നിരഞ്ജനയും പയ്യന്നൂർ സെയ്ന്റ് മേരീസ് ഗേൾസ് ഹൈസ്‌കൂളിലേയും നിവേദ് തായിനേരി എസ്.എ.ബി.ടി.എം സ്കൂളിലെയും വിദ്യാർഥിയാണ്.
ഒരുമിച്ച് പിറന്ന സഹോദരങ്ങളായ വിഷ്ണുപ്രിയ, ഹരിപ്രിയ, ലക്ഷ്മിപ്രിയ എന്നിവരും മുഴുവൻ എ പ്ലസ് നേടി. പയ്യന്നൂർ സെയ്ന്റ് മേരീസ് ഗേൾസ് ഹൈസ്‌കൂളിലെ വിദ്യാർഥികളാണിവർ. തൃക്കരിപ്പൂർ തങ്കയത്തെ കമ്മാടത്ത് ഹൗസിൽ പി.വി. നികേഷിന്റെയും ടി. സിനിയുടെയും മക്കളാണ്. ഒന്നുമുതൽ ഒൻപതുവരെ ഒരേ ക്ലാസിലാണ് പഠിച്ചത്. പത്താം ക്ലാസിൽ മാത്രം ഒരാൾ ക്ലാസ് മാറുകയായിരുന്നു.
