വയനാട് പൊഴുതന സേട്ടുകുന്നില് പുലി കൂട്ടിലായി
കല്പ്പറ്റ: വയനാട് പൊഴുതന വലിയപാറ സേട്ടുകുന്നില് ഭീതി പരത്തിയ പുലി കൂട്ടിലായി. സ്വകാര്യ സ്ഥലത്ത് വനം വകുപ്പ് സ്ഥാപിച്ച കൂട്ടിലാണ് പുലി കുടുങ്ങിയത്.
ഇന്നു രാവിലെയാണ് പുലി കൂട്ടിലായത് വനസേനയുടെ ശ്രദ്ധയില്പ്പെട്ടത്. ദിവസങ്ങളായി സേട്ടുകുന്നിലും പരിസരങ്ങളിലും പുലി സാന്നിധ്യമുണ്ട്. കഴിഞ്ഞദിവസം ആടിനെ ആക്രമിച്ചിരുന്നു. ഇതേത്തുടര്ന്നാണ് കൂട് സ്ഥാപിച്ചത്.
കൂട് സഹിതം സമീപത്തെ വനം ഓഫീസ് വളപ്പിലേക്കു മാറ്റിയ പുലി നിരീക്ഷണത്തിലാണ്. ഇതിനെ ഉള്വനത്തില് തുറന്നുവിടണോ എന്നതില് പിന്നീട് തീരുമാനമെടുക്കും. സൗത്ത് വയനാട് വനം ഡിവിഷന് പരിധിയിലാണ് സേട്ടുകുന്ന്. പുലി കൂട്ടിലായതോടെ പ്രദേശവാസികള്ക്ക് ആശ്വാസത്തിലാണ്.
