കോളയാട്: വ്യാപാര മേഖല കടുത്ത പ്രതിസന്ധി അഭിമുഖീകരിക്കുമ്പോൾ സ്‌കൂളുകൾ കേന്ദ്രീകരിച്ച് നടത്തുന്ന സ്റ്റേഷനറി കച്ചവടം നിർത്താൻ നടപടി സ്വീകരിക്കണമെന്ന് വ്യാപാരി വ്യവസായി ഏകോപന സമിതി കോളയാട് യൂണിറ്റ് പൊതുയോഗം ആവശ്യപ്പെട്ടു. സംസ്ഥാന ജനറൽ സെക്രട്ടറി ദേവസ്യ മേച്ചേരി ഉദ്ഘാടനം ചെയ്തു. കെ.ജെ. മനോജ് അധ്യക്ഷത വഹിച്ചു.

ജില്ലാ വൈസ് പ്രസിഡന്റ് കെ.കെ. രാമചന്ദ്രൻ, സെക്രട്ടറി എ. സുധാകരൻ, പി. പുരുഷോത്തമൻ, വി. ഹരീന്ദ്രൻ, എൻ. ഷൈജു, റോയ് പൗലോസ് എന്നിവർ സംസാരിച്ചു. ഭാരവാഹികൾ: കെ.ജെ. മനോജ് (പ്രസി.), എൻ. ഷൈജു (ജന.സെക്ര.), മഷൂദ് നെല്ലേരി (ഖജാ.).

കോളയാട്: പഞ്ചായത്ത് പരിധിയിൽ സ്വകാര്യ സ്ഥലത്ത് അപകടാവസ്ഥയിലുള്ള മരങ്ങൾ ഉടമകളുടെ ഉത്തരവാദിത്വത്തിൽ മുറിച്ചു മാറ്റണമെന്ന് പഞ്ചായത്ത് സെക്രട്ടറി അറിയിച്ചു. അല്ലാത്തപക്ഷം ഇത്തരം മരങ്ങൾകൊണ്ടുണ്ടാകുന്ന അപകടങ്ങൾക്ക് സ്ഥലമുടമ ഉത്തരവാദിയായിരിക്കുമെന്നും സെക്രട്ടറി അറിയിച്ചു.

കോളയാട്: കോളയാട് മഖാം ഉറൂസ് സമാപിച്ചു. സമാപന സമ്മേളനത്തിൽ വളവിൽ മൂസ അധ്യക്ഷത വഹിച്ചു. ലുഖ്മാനുൽ ഹക്കീം സഖാഫി പുല്ലാര മുഖ്യ പ്രഭാഷണം നടത്തി. പി. മഹറൂഫ്, സലാം വായന്നൂർ, പി. മുസ്തഫ, എ.പി. ഇബ്രാഹിം ഹാജി, കെ.കെ. മുഹമ്മദ് ഹാജി, ഒ.കെ. അഷറഫ്, എം.കെ. കാദർഹാജി, അലി അക്ബർ സഖാഫി എന്നിവർ സംസാരിച്ചു.

മുഹയുദ്ധീൻ മുസ്ല്യാർ പ്രാർത്ഥനകൾക്കും ഹാദിനഭാൻ ഖിറാഅത്തിനും മഹല്ല് ഖത്തീബ് അബ്ദുൾ നാസർ ദാരിമി കട്ടിപ്പാറ ദിഖ്‌റ ദുആ മജ്‌ലീസിനും നേതൃത്വം നൽകി.