കോളയാട്: കോളയാട് മഖാം ഉറൂസ് സമാപിച്ചു. സമാപന സമ്മേളനത്തിൽ വളവിൽ മൂസ അധ്യക്ഷത വഹിച്ചു. ലുഖ്മാനുൽ ഹക്കീം സഖാഫി പുല്ലാര മുഖ്യ പ്രഭാഷണം നടത്തി. പി. മഹറൂഫ്, സലാം വായന്നൂർ, പി. മുസ്തഫ, എ.പി. ഇബ്രാഹിം ഹാജി, കെ.കെ. മുഹമ്മദ് ഹാജി, ഒ.കെ. അഷറഫ്, എം.കെ. കാദർഹാജി, അലി അക്ബർ സഖാഫി എന്നിവർ സംസാരിച്ചു.

മുഹയുദ്ധീൻ മുസ്ല്യാർ പ്രാർത്ഥനകൾക്കും ഹാദിനഭാൻ ഖിറാഅത്തിനും മഹല്ല് ഖത്തീബ് അബ്ദുൾ നാസർ ദാരിമി കട്ടിപ്പാറ ദിഖ്‌റ ദുആ മജ്‌ലീസിനും നേതൃത്വം നൽകി.

കോളയാട്: കോളയാട് മഖാം ഉറൂസ് തുടങ്ങി.മഹല്ല് രക്ഷാധികാരി നെല്ലേരി അബ്ദുള്ള ഹാജി പതാകയുയർത്തി. ഖത്തീബ് അബ്ദുൾ നാസർ ദാരിമി കട്ടിപ്പാറയുടെ നേതൃത്വത്തിൽ മഖാം സിയാറത്തും മതവിജ്ഞാന സദസും നടന്നു.മഹല്ല് പസിഡന്റ് പി.ഇബ്രാഹിം ഹാജി അധ്യക്ഷത വഹിച്ചു.

ഹമീദ് നെല്ലേരി, എ.ടി.കെ.മുഹമ്മദ്, കെ.പി.അസീസ്, ഒ.കെ.അഷ്‌റഫ് എന്നിവർ സംസാരിച്ചു. ശനിയാഴ്ച രാത്രി ഏഴിന്സിദ്ധിക്ക് സഖാഫിയുടെ പ്രഭാഷണവും തുടർന്ന് സുബൈർ തോട്ടിക്കലിന്റെ കഥാപ്രസംഗവും. ഞായറാഴ്ച ഉച്ചക്ക് 12ന് അന്നദാനവും രാത്രി ഏഴിന് ലുഖ്മാനുൽ ഹക്കീം സഖാഫി പുല്ലാരയുടെ പ്രഭാഷണവും.

കോളയാട്: പെരുവയിൽ ഇടുമ്പ പുഴക്ക് കുറുകെ പുനർനിർമിക്കുന്ന കടലുകണ്ടം പാലം യാഥാർഥ്യത്തിലേക്ക്. 19 വർഷങ്ങളുടെ കാത്തിരിപ്പിനൊടുവിൽ പാലത്തിൻ്റെ കോൺക്രീറ്റ് പ്രവൃത്തികൾക്ക് വ്യാഴാഴ്ച തുടക്കമായി. നിരവധി കുടുംബങ്ങളുടെ ഏറെക്കാലമായുള്ള ആവശ്യമാണ് രണ്ടു കോടി 35 ലക്ഷം രൂപയുടെ പദ്ധതിയിലൂടെ പൂർത്തിയാവുന്നത്.

പുഴക്ക് കുറുകെ 2005-ൽ നിർമിച്ച പാലം ശക്തമായ മഴവെള്ളപ്പാച്ചിലിൽ തകർന്നിരുന്നു. മഴയിൽ ഒലിച്ചെത്തിയ വലിയ മരത്തടികൾ തൂണുകളിലിടിച്ചതിനാലാണ് നിർമിച്ച് മാസങ്ങൾക്കുള്ളിൽ പാലം തകരാൻ കാരണം.

കടലുകണ്ടം, ചന്ദ്രോത്ത്, ആക്കം മൂല, കളാങ്കണ്ടി കോളനികളിലെ നൂറോളം കുടുംബങ്ങൾക്ക് പ്രധാന ടൗണുകളിലേക്ക് എത്തിച്ചേരാനുള്ള ഏകാശ്രയമായിരുന്നു ഈ പാലം. പട്ടികവർഗ വകുപ്പിൻ്റെ 2022-23 വർഷത്തെ കോർപ്പസ് ഫണ്ടുപയോഗിച്ചാണ് പാലം പുനർനിർമിക്കുന്നത്.