Breaking News
തീരം കാക്കേണ്ടേ? അഞ്ചല്ല, അമ്പതു പേർ വേണം

കണ്ണൂർ: തീരസൗന്ദര്യം ആസ്വദിക്കാൻ ബീച്ചുകളിൽ എത്തുന്നവർക്ക് സുരക്ഷയൊരുക്കാൻ ആവശ്യത്തിന് ലൈഫ് ഗാർഡുമാരെ നിയമിക്കാൻ മടിച്ച് ടൂറിസം വകുപ്പ്. ഏറെ പരാതികൾക്കൊടുവിൽ ലൈഫ് ഗാർഡുമാരെ നിയമിക്കാൻ ഡി.ടി.പി.സി തീരുമാനിച്ചെങ്കിലും നാലുപേരെ മാത്രമാണ് പരിഗണിക്കുകയെന്നാണ് അധികൃതർ നൽകുന്ന വിവരം.
അമ്പതുപേരെങ്കിലും വേണ്ടസ്ഥാനത്താണ് അഞ്ചുപേരെ നിയമിക്കാനുള്ള നീക്കം. ജില്ലയിലെ ബീച്ചുകളിൽ സുരക്ഷയൊരുക്കാൻ നിലവിൽ 12 ലൈഫ് ഗാർഡുമാർ മാത്രമാണുള്ളത്. ആയിരക്കണക്കിന് സഞ്ചാരികളെത്തുന്ന പയ്യാമ്പലം, മുഴപ്പിലങ്ങാട് ബീച്ചുകളിൽ അഞ്ചു വീതവും ധർമടത്ത് രണ്ടുപേരും.
എട്ടിക്കുളം, ചൂടാട്ട്, ചാൽ ബീച്ചുകളിൽ ആരുമില്ല. ധർമടത്തും ചൂട്ടാടും കഴിഞ്ഞവർഷം സഞ്ചാരികൾ കടലിൽ മുങ്ങിമരിച്ചിരുന്നു. ഈ സാഹചര്യത്തിലാണ് ഡി.ടി.പി.സി ഇടപെട്ട് ലൈഫ് ഗാർഡുമാരെ നിയമിക്കാൻ തീരുമാനിച്ചത്.
സാധാരണ ടൂറിസം വകുപ്പാണ് ലൈഫ് ഗാർഡുമാരെ നിയമിക്കുക. കൂടുതൽ പേരെ നിയമിക്കണമെന്നാവശ്യപ്പെട്ട് സമർപ്പിച്ച റിപ്പോർട്ട് ധനവകുപ്പ് മടക്കിയതായാണ് വിവരം. പുതുതായി നിയമിക്കുന്നവരിൽ രണ്ടുപേരെ ചൂട്ടാടും മറ്റുള്ളവരെ ചാൽ, മുഴപ്പിലങ്ങാട് ബീച്ചുകളിലും പരിഗണിക്കും.
ദീപാവലി ആഘോഷിക്കാനെത്തി ധർമടം ബീച്ചില് കുളിക്കാനിറങ്ങിയ ഗൂഡല്ലൂർ സ്വദേശികളായ രണ്ടുപേരാണ് കഴിഞ്ഞവർഷം മുങ്ങിമരിച്ചത്. ധർമടത്ത് സുരക്ഷ ശക്തമാക്കാൻ കുറഞ്ഞത് എട്ടുപേരെങ്കിലും വേണം. തുരുത്ത് ഭാഗത്തും പാർക്കിലും രണ്ടുപേർ വീതമുണ്ടെങ്കിലേ സഞ്ചാരികളെ നിയന്ത്രിക്കാനും ശ്രദ്ധിക്കാനുമാവൂ.
ഞായറാഴ്ചകളിലും ഉത്സവ സീസണുകളിലും പതിനായിരത്തിന് മുകളിൽ സന്ദർശകരെത്തുന്ന പയ്യാമ്പലം, മുഴപ്പിലങ്ങാട് ബീച്ചുകളിൽ ഒരു ഷിഫ്റ്റിൽ 10 പേരെങ്കിലും സുരക്ഷയൊരുക്കണം. അഞ്ചു കിലോമീറ്ററിൽ വ്യാപിച്ചുകിടക്കുന്ന മുഴപ്പിലങ്ങാട് ഡ്രൈവ് ഇൻ ബീച്ചിൽ കിലോമീറ്ററിൽ രണ്ടുപേരെങ്കിലും വേണം.
ഇത്തരത്തിൽ സുരക്ഷയൊരുക്കാൻതന്നെ വേണം 10 പേർ. ഏഷ്യയിലെതന്നെ ഏറ്റവും വലിയ ഡ്രൈവ് ഇൻ ബീച്ചായ മുഴപ്പിലങ്ങാട്ട് ആയിരക്കണക്കിന് വാഹനങ്ങളാണ് എത്തുന്നത്. പയ്യാമ്പലത്ത് 10 പേരെങ്കിലും ഒരു ഷിഫ്റ്റിൽ വേണമെന്നിരിക്കെ ആകെ അഞ്ചുപേർ മാത്രമാണുള്ളത്. ഒരുദിവസം രണ്ടുപേർ, അടുത്തദിവസം മൂന്നുപേർ എന്നിങ്ങനെയാണ് നിലവിൽ ക്രമീകരണം.
അവധി ദിവസങ്ങളിൽ മുഴുവൻപേരും സുരക്ഷയൊരുക്കാനുണ്ടാവും. ഓരോ 200 മീറ്ററിലും ലൈഫ് ഗാർഡുമാർ ആവശ്യമാണ്. നടപ്പാതതന്നെ ഒരുകിലോമീറ്ററിൽ അധികമുണ്ട്. ചാൽ ബീച്ചിൽ മൂന്നുപേരെങ്കിലും ഒരു ഷിഫ്റ്റിൽ ആവശ്യമാണ്. ഫൗണ്ടേഷൻ ഫോർ എൻവയൺമെന്റൽ എജുക്കേഷന്റെ ബ്ലൂ ഫ്ലാഗ് ബീച്ച് പട്ടികയിൽ ഇടം പിടിക്കാനൊരുങ്ങുന്ന ചാൽ ബീച്ചിൽ സഞ്ചാരികളുടെ സുരക്ഷയും പ്രധാനമാണ്.
കേരളത്തിൽ കാപ്പാട് ബീച്ച് മാത്രമാണ് ബ്ലൂ ഫ്ലാഗ് ബീച്ച് പട്ടികയിലുള്ളത്. പയ്യന്നൂർ ഭാഗത്തെ സഞ്ചാരികളെത്തുന്ന എട്ടിക്കുളത്ത് നാലുപേരെങ്കിലും സുരക്ഷയൊരുക്കാനാവശ്യമാണ്. ജില്ലയിലെ ബീച്ചുകളിൽ കടലിൽ കുളിക്കാനാണ് പലരും എത്തുന്നത്. ഒഴുക്കിൽപെട്ട് സന്ദർശകർ അപകടത്തിൽപെടുന്നത് നിത്യസംഭവമാണ്. ലൈഫ് ഗാർഡും മത്സ്യത്തൊഴിലാളികളും ചേർന്ന് സാഹസികമായാണ് ആളുകളെ രക്ഷിക്കുന്നത്.
കോവിഡിനു ശേഷം കാഴ്ചകളും അനുഭവങ്ങളും തേടി ബീച്ചുകളിലേക്ക് സഞ്ചാരികളുടെ ഒഴുക്കാണ്. രാത്രിയിലടക്കം ആയിരക്കണക്കിനു പേരാണ് എത്തുന്നത്. നിലവിൽ രാവിലെ എട്ടു മുതൽ വൈകീട്ട് ഏഴുവരെയാണ് ലൈഫ് ഗാർഡുമാരുടെ ഡ്യൂട്ടി.
Breaking News
ജമ്മു കശ്മീരിൽ ഭീകരാക്രമണം; 24 പേർ കൊല്ലപ്പെട്ടു

ദില്ലി: ജമ്മു കശ്മീരിലെ പഹൽഗാമിൽ വിനോദസഞ്ചാരികൾക്ക് നേരെയുണ്ടായ ആക്രമണത്തിൽ 24 പേർ കൊല്ലപ്പെട്ടു. 13 പേർക്ക് പരുക്കേറ്റെന്നും പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു. ഗുജറാത്ത്, മഹാരാഷ്ട്ര, തമിഴ്നാട്, കർണാടക സംസ്ഥാനങ്ങളിൽ നിന്നുള്ളവരാണ് കൊല്ലപ്പെട്ടതെന്നാണ് ലഭിക്കുന്ന വിവരം. മരിച്ചവരിൽ ഒരാൾ കർണാടകത്തിൽ നിന്നുള്ള റിയൽ എസ്റ്റേറ്റ് ബിസിനസുകാരൻ മഞ്ജുനാഥ റാവുവാണ്. പഹൽ ഗാമിലുണ്ടായ ഭീകരാക്രമണം ഞെട്ടിപ്പിക്കുന്നതും വേദനാജനകവുമെന്ന് രാഷ്ട്രപതി ദ്രൗപതി മുർമു പ്രതികരിച്ചു. തീർത്തും മനുഷ്യത്വരഹിതമായ പ്രവർത്തിയാണെന്നും നിരപരാധികളായവരെ ആക്രമിക്കുന്നത് ഭയാനകവും മാപ്പ് അർഹിക്കാത്ത തെറ്റാണെന്നും രാഷ്ട്രപതി ചൂണ്ടിക്കാട്ടി. കുറ്റക്കാരെ ഒരാളെയും വെറുതെ വിടില്ലെന്നും ക്രൂരമായ ആക്രമണം നടത്തിയവരെ നിയമത്തിന് മുന്നില് കൊണ്ടുവരുമെന്നും പ്രധാനമന്ത്രി സമൂഹ മാധ്യമമായ എക്സിൽ പങ്കുവെച്ച കുറിപ്പിൽ പ്രതികരിച്ചു. ഭീകരരുടെ അജണ്ട നടപ്പാകില്ലെന്നും ഭീകരവാദത്തിനെതിരായ പോരാട്ടം കൂടുതൽ ശക്തമാക്കുമെന്നും അദ്ദേഹം വ്യക്തമാക്കി.
Breaking News
ആലക്കോട്ട് വിറകുവെട്ടുന്നതിനിടെ അബദ്ധത്തിൽ മുത്തശ്ശിയുടെ വെട്ടേറ്റ് ഒന്നരവയസുകാരൻ മരിച്ചു

ആലക്കോട്: ആലക്കോട് കോളി മലയില് മുത്തശ്ശി വിറകുവെട്ടുന്നതിനിടയില് അബദ്ധത്തില് വെട്ടെറ്റ് ഒന്നര വയസുകാരന് മരിച്ചു. പുലിക്കരി വിഷ്ണു-പ്രിയ ദമ്പതികളുടെ മകന് ദയാല് ആണ് മരിച്ചത്. കണ്ണിന് കാഴ്ച്ചക്കുറവുള്ള എണ്പത് വയസുള്ള പ്രിയയുടെ അമ്മ നാരായണി വിറകുവെട്ടിക്കൊണ്ടിരിക്കെ വീട്ടുമുറ്റത്ത് കളിച്ചു കൊണ്ടിരുന്ന കുട്ടി പെട്ടെന്ന് ഓടി വന്നത് കാണാന് കഴിയാതെ വെട്ടേല്ക്കുകയായിരുന്നു. ഇന്ന് വൈകുന്നേരം 5 മണിയോടെയാണ് സംഭവം. ഉടന് ആലക്കോട് സഹകരണ ആശുപതിയില് എത്തിച്ചെങ്കിലും രക്ഷിക്കാനായില്ല. മൃതദേഹം പോസ്റ്റ്മോര്ട്ടത്തിനായി പരിയാരം കണ്ണൂര് ഗവ.മെഡിക്കല് കോളേജിലേക്ക് മാറ്റി. വിഷ്ണു-പ്രിയ ദമ്പതികള്ക്ക് രണ്ട് കുഞ്ഞുങ്ങളാണുള്ളത്. മൂത്ത പെണ്കുട്ടി അംഗന്വാടിയില് പഠിക്കുന്നു.
Breaking News
10 ലിറ്റർ നാടൻ ചാരായവുമായി പാൽച്ചുരം സ്വദേശി പേരാവൂർ എക്സൈസിന്റെ പിടിയിൽ

പേരാവൂർ : 10 ലിറ്റർ ചാരായവുമായി പാൽചുരം പുതിയങ്ങാടി സ്വദേശിയെ പേരാവൂർ എക്സൈസ് പിടികൂടി. അസി.എക്സൈസ് ഇൻസ്പെക്ടർ എൻ. പത്മരാജനും പാർട്ടിയും ചൊവ്വാഴ്ച രാവിലെ നടത്തിയ പരിശോധനയിലാണ് പുതിയങ്ങാടി ഗാന്ധിഗ്രാമം നഗറിലെ കുന്നിൽ വീട്ടിൽ കെ. ജി.സുരേഷിനെ (59) എക്സൈസ് പിടികൂടിയത്. കൂത്തുപറമ്പ് ജെഎഫ്സിഎം കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. റെയ്ഡിൽ എക്സൈസ് ഉദ്യോഗസ്ഥരായ സന്തോഷ് കൊമ്പ്രാങ്കണ്ടി, ഇ.വിജയൻ, കെ. സുനീഷ്, പി. എസ്.ശിവദാസൻ, വി. സിനോജ് എന്നിവരും പങ്കെടുത്തു.
-
Local News2 years ago
പേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്