ചെറുവാഞ്ചേരിയിൽ മര ഉരുപ്പടികൾ കത്തി നശിച്ചു
ചെറുവാഞ്ചേരി: ചെറുവാഞ്ചേരി കല്ലുവളപ്പിൽ മര ഉരുപ്പടികൾ കത്തിനശിച്ചു.ചിറ്റാരിപ്പറമ്പ് സ്വദേശി ഗോവിന്ദന്റെ ഉടമസ്ഥതയിലുള്ള കടയ്ക്ക് സമീപം സൂക്ഷിച്ച മര ഉരുപ്പടികളാണ് കത്തിനശിച്ചത്.ബുധനാഴ്ച പുലർച്ചെ രണ്ടരയോടെയാണ് സംഭവം.
കൂത്തുപറമ്പ്,പാനൂർ അഗ്നിരക്ഷാ സേനകളുടെ സമയോചിതമായ പ്രവർത്തനത്തിലൂടെ തീ നിയന്ത്രിച്ചു.കൂത്തുപറമ്പ് സ്റ്റേഷൻ ഇൻചാർജ് ഒ.കെ.രജീഷ് ,അസി. സ്റ്റേഷൻ ഓഫീസർ രതീശൻ ആയില്യത്ത്,പി.വി.വിപിൻ,സി.കെ.രാരിഷ് ,ഒ.എ.മനോജ് ,സുനിൽ എന്നിവർ രക്ഷാപ്രവർത്തനത്തിൽ പങ്കെടുത്തു.
