Connect with us

Breaking News

വൈറലായി ശ്രീകണ്ഠപുരത്തെ കുഞ്ഞു കാർത്തികയുടെ ‘അനുരാഗിണി’

Published

on

Share our post

ശ്രീകണ്ഠപുരം : അച്ഛനും സഹോദരനും പാട്ട് പാടുന്നത് സ്ഥിരമായി കേട്ടിരുന്ന മൂന്നു വയസ്സുകാരി. സംഗതികളൊന്നും പിടികിട്ടിയില്ലെങ്കിലും പാട്ടിൽ സ്വയമലിഞ്ഞ്‌ അവൾ  ഒരു പാട്ടങ്ങ്‌ പാടി. അച്ഛൻ വീഡിയോ എടുത്ത്  ഫെയ്സ് ബുക്കിൽ പോസ്റ്റ് ചെയ്തതോടെ കുട്ടി  സമൂഹ മാധ്യമങ്ങളിലും സംഗീത ലോകത്തും താരമായി. ജോൺസൻ മാസ്റ്ററുടെ ഹിറ്റ് ഗാനമായ ‘അനുരാഗിണി ഇതായെൻ’ എന്ന പാട്ട് പാടിയ ചുഴലിയിലെ വി കെ അശോക്–രശ്മി ദമ്പതികളുടെ മകൾ കാർത്തികയാണ് തരംഗമായത്‌.
അഞ്ച് ദിവസം മുമ്പ് പോസ്റ്റ് ചെയ്ത വീഡിയോ ദിവസങ്ങൾകൊണ്ട്  ലക്ഷക്കണക്കിന് ആൾക്കാർ കാണുകയും ഷെയറും ചെയ്‌തു.  ഓരോ വരികളും പാടുമ്പോൾ ആ കുഞ്ഞ് മുഖത്ത് വരുന്ന ഭാവങ്ങളാണ് എല്ലാവരെയും ആകർഷിച്ചത്‌. മലയാളികളുടെ മനസ് കീഴടക്കിയ ഈ ഗാനം അനായാസമാണ് ഈ കൊച്ചു മിടുക്കി പാടുന്നത്. വാക്കുകൾ തെറ്റി പോകുന്നുണ്ടെങ്കിലും അത് വകവയ്‌ക്കാതെ മനോഹര ശബ്ദത്തിലാണ് ഗാനാലാപനം. ഓരോ വരിയും ആസ്വദിച്ച് രസകരമായ മുഖഭാവങ്ങളോടു കൂടിയാണ് കുഞ്ഞ് കാർത്തിക ആലപിക്കുന്നത്. ഇതു കൂടാതെ വേറെയും  ഗാനങ്ങൾ ഈകുഞ്ഞു ഗായിക ആലപിച്ച് സമൂഹ മാധ്യമങ്ങളിൽ പങ്കുവച്ചിട്ടുണ്ട്. 
സിനിമാ നടന്മാരായ ജയസൂര്യ, സാജൻ പള്ളുരുത്തി എന്നിവർ തങ്ങളുടെ ഫെയ്സ് ബുക്ക് പേജിൽ വീഡിയോ ഷെയർ ചെയ്തിട്ടുണ്ട്. ഗായകനും ഫോട്ടോഗ്രാഫറുമാണ്‌ കാർത്തികയുടെ അച്ഛൻ  വി.കെ. അശോക്‌.  അഞ്ചാം ക്ലാസുകാരനായ സഹോദരൻ കേദാർനാഥും പാട്ടുകാരനാണ്

Share our post

Breaking News

ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ ഇ​ഡി റെ​യ്ഡ്

Published

on

Share our post

ചെ​ന്നൈ: വ്യ​വ​സാ​യി​യും സി​നി​മാ നി​ർ​മാ​താ​വു​മാ​യ ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റി​ന്‍റെ പരിശോധന. ചെ​ന്നൈ കോ​ട​മ്പാ​ക്ക​ത്തു​ള്ള ഗോ​കു​ലം ചി​റ്റ്സ് ഫി​നാ​ൻ​സി​ന്‍റെ കോ​ർ​പ്പ​റേ​റ്റ് ഓ​ഫീ​സി​ലാ​ണ് റെ​യ്ഡ്. ഇ​ഡി കൊ​ച്ചി യൂ​ണി​റ്റി​ലെ ഉ​ദ്യോ​ഗ​സ്ഥ​രും പരിശോധനയിൽ പ​ങ്കെ​ടു​ക്കു​ന്നു​ണ്ട്. രാ​വി​ലെ മു​ത​ലാ​ണ് പ​രി​ശോ​ധ​ന ആ​രം​ഭി​ച്ച​ത്. 2023 ഏ​പ്രി​ലി​ൽ ഗോ​കു​ലം ഗോ​പാ​ല​നെ ഇ​ഡി ചോ​ദ്യം​ചെ​യ്തി​രു​ന്നു. കൂ​ടു​ത​ൽ വി​വ​ര​ങ്ങ​ൾ ല​ഭ്യ​മ​ല്ല.


Share our post
Continue Reading

Breaking News

ഊട്ടിയിലേക്ക് യാത്രപോയ മലയാളി യുവാവ് കടന്നൽ കുത്തേറ്റ് മരിച്ചു

Published

on

Share our post

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കോഴിക്കോട് വടകര സ്വദേശി പി. സാബിർ (26) ആണ് മരിച്ചത്. സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. മറ്റൊരു സുഹൃത്ത് രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് ദാരുണ സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്. കടന്നൽ കൂടിന് കല്ലെറിഞ്ഞപ്പോൾ തേനീച്ചകൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.


Share our post
Continue Reading

Breaking News

കണ്ണൂർ ജില്ലയിൽ അടുത്ത മണിക്കൂറിൽ ഇടിമിന്നലോട് കൂടിയ മഴയ്ക്ക് സാധ്യത

Published

on

Share our post

തിരുവനന്തപുരം: അടുത്ത 3 മണിക്കൂറിൽ കണ്ണൂർ ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.


Share our post
Continue Reading

Trending

error: Content is protected !!