മസിനഗുഡി വഴി ഊട്ടിക്ക് പോകാം! പാത വീണ്ടും തുറന്നു
ഗൂഡലൂർ: തമിഴ്നാട് ടൈഗര് റിസര്വ് കേന്ദ്രമായ മുതുമല- മസിനഗുഡി വഴി ഊട്ടിയിലേക്കുള്ള പാത മദ്രാസ് ഹൈക്കോടതിയുടെ ഇത്തരവിനെ തുടര്ന്നു ഭാഗികമായി വീണ്ടും തുറന്നു. ഒരു ദിവസം 200 വാഹനങ്ങള്ക്കു മാത്രമാണ് യാത്ര അനുവദിക്കുക.
നേരത്തെ ഹൈക്കോടതി ഉത്തരവിനെ തുടര്ന്നു ഈ പാത അടച്ചിരുന്നു. എന്നാല് നീലഗിരി കലക്ടറുടെ ഉത്തരവിന്റെ അടിസ്ഥാനത്തില് താത്കാലികമായി തുറന്നിരുന്നു. അത് വീണ്ടും അടച്ചു. അതാണ് വീണ്ടും ഹൈക്കോടതി ഇടപെടലിനെ തുടര്ന്നു തുറന്നത്.
ഈ വഴിയുള്ള യാത്രക്കാരുടേയും ടൈഗര് റിസര്വിലെ മൃഗങ്ങളുടേയും സുരക്ഷ കണക്കിലെടുത്താണ് പാത അടച്ചിരുന്നത്. എന്നാല് തദ്ദേശീയരായ ആളുകളുടെ വാഹങ്ങള് കടത്തിവിട്ടിരുന്നു. അതോടൊപ്പം വിനോദ സഞ്ചാരികള്ക്ക് തദ്ദേശീയ വാഹനമുപയോഗിച്ച് സഞ്ചരിക്കാനുള്ള അനുമതിയും നല്കിയിരുന്നു.
35ഓളം ഹെയര്പിന് വളവുകളുള്ള മസിനഗുഡി വഴി ഊട്ടിയിലേക്കുള്ള പാതയില് ഒട്ടേറെ വാഹനങ്ങള് അപടകത്തില്പ്പെട്ടിട്ടുണ്ട്. നിരവധി യാത്രക്കാര് മരിക്കുകയും ചെയ്തിട്ടുണ്ട്.
