അണികൾക്ക് ആവേശമായി കെ. കെ. ശൈലജയുടെ റോഡ് ഷോ
ഇരിട്ടി: അണികളിലും പ്രവർത്തകരിലും ആവേശത്തിരയിളക്കി കെ.കെ. ശൈലജയുടെ മെഗാ റോഡ് ഷോ. പേരാവൂർ നിയോജകമണ്ഡലം എൽഡിഎഫ് സ്ഥാനാർഥിയായ ശൈലജയക്ക് വലിയ സ്വീകരണമാണ് എൽഡിഎഫ് പ്രവർത്തകർ ഇരിട്ടിയിൽ ഒരുക്കിയത്. വൈകുന്നേരം അഞ്ചിന് പയഞ്ചേരി കവലയിൽ നിന്നും ആരംഭിച്ച റാലിയിൽ സ്ത്രീകൾ ഉൾപ്പെടെ നൂറുകണക്കിന് എൽഡിഎഫ് പ്രവർത്തകർ അണിനിരന്നു.
തുറന്ന വാഹനത്തിൽ സിപിഎം ഇരിട്ടി ഏരിയാ സെക്രട്ടറി സക്കീർ ഹുസൈനൊപ്പം പ്രവർത്തകരെ റോഡ് ഷോയിൽ അഭിവാദ്യം ചെയ്ത കെ.കെ. ശൈലജക്കൊപ്പം സിപിഎം സംസ്ഥാന കമ്മിറ്റി അംഗം വത്സൻ പനോളി, ജില്ലാ പഞ്ചായത്ത് പ്രസിഡന്റ് ബിനോയ് കുര്യൻ, ജില്ലാ കമ്മിറ്റി അംഗങ്ങളായ എം. രാജൻ, എൽഡിഎഫ് നേതാക്കളായ ബാബുരാജ് പായം, വിപിൻ തോമസ്, ബെന്നിച്ചൻ മഠത്തിനകം, അജയൻ പായം, കെ. ശ്രീധരൻ, വി.ജി. പത്മനാഭൻ, സി.വി.എം. വിജയൻ, കെ.ജി. ദിലീപ് എന്നിവർ നേതൃത്വം നൽകി.
