എംഡിഎംഎ; രണ്ട് പേരെ കണ്ണൂർ സിറ്റി പോലീസ് പിടികൂടി
കണ്ണൂർ: കുറുവയിൽ വെച്ച് കണ്ണൂർ സിറ്റി പോലീസിന്റെ വാഹന പരിശോധനക്കിടെ 2 പേരെ മാരക ലഹരിമരുന്നായ എംഡിഎംഎ സഹിതം പിടികൂടി. ദക്ഷിണ കർണാടക സ്വദേശി മുഹമ്മദ് അസ്ഫാക് (26), കണ്ണൂർ ചാല സ്വദേശി ഫാറാഷ് കെ (35) എന്നിവരാണ് പിടിയിലായത്. ഇവരിൽ നിന്നും 24.04 ഗ്രാം എംഡിഎംഎ കണ്ടെടുക്കുകയും ചെയ്തു. കണ്ണൂർ സിറ്റി പോലീസ് സ്റ്റേഷൻ എസ്.ഐ യൂനുസ് സി.എമ്മിന്റെ നേതൃത്വത്തിൽ എസ്.ഐ ഷാജ് ടി.എം, എ.എസ്.ഐ മുഹമ്മദ്, എസ്.സി.പി.ഒ താജുദ്ദീൻ, ഡാൻസാഫ് ടീം അംഗങ്ങൾ എന്നിവർ ചേർന്നാണ് പ്രതികളെ പിടികൂടിയത്.
