കണ്ണൂർ സർവകലാശാല വാർത്തകൾ, അറിയിപ്പുകൾ
കണ്ണൂർ: ഏപ്രിൽ ഏഴിന് തുടങ്ങുന്ന അഫിലിയേറ്റഡ് കോളേജുകളിലെ നാലാം സെമസ്റ്റർ ബിരുദം (റഗുലർ, സപ്ലിമെന്ററി, ഇംപ്രൂവ്മെന്റ്) ഏപ്രിൽ 2025 പരീക്ഷകളുടെ സമയക്രമത്തിൽ മാറ്റമില്ല. സർവകലാശാല പഠന വകുപ്പിലെ രണ്ടാം സെമസ്റ്റർ എം കോം (ഫൈവ് ഇയർ ഇന്റഗ്രേറ്റഡ്) ഡിഗ്രി (സി.ബി.സി.എസ്.എസ് സപ്ലിമെന്ററി) മേയ് 2025 പരീക്ഷകൾക്ക് പിഴയില്ലാതെ ഏപ്രിൽ മൂന്ന് മുതൽ അഞ്ച് വരെയും പിഴയോടെ ഏഴുവരെയും അപേക്ഷിക്കാം. സർവകലാശാല പഠന വകുപ്പിലെ നാലാം സെമസ്റ്റർ എം കോം (ഫൈവ് ഇയർ ഇന്റഗ്രേറ്റഡ്) ഡിഗ്രി (സി ബി സി എസ് എസ് റഗുലർ, സപ്ലിമെന്ററി, ഇംപ്രൂവ്മെന്റ്) മേയ് 2025 പരീക്ഷകൾക്ക് പിഴയില്ലാതെ ഏപ്രിൽ 10 മുതൽ 16 വരെയും പിഴയോടെ 19 വരെയും അപേക്ഷിക്കാം. പരീക്ഷകൾ രാവിലെ തുടങ്ങും. എട്ടാം സെമസ്റ്റർ ഇന്റഗ്രേറ്റഡ് എം എസ് സി ഇൻ കംപ്യൂട്ടർ സയൻസ് വിത്ത് സ്പെഷ്യലൈസേഷൻ ഇൻ ആർട്ടിഫിഷ്യൽ ഇന്റലിജൻസ് ആൻഡ് മെഷീൻ ലേണിങ് (ഏപ്രിൽ 2025) പരീക്ഷകൾ രാവിലെ 10 മുതൽ ഉച്ചക്ക് ഒന്ന് വരെ നടക്കും. (വെള്ളിയാഴ്ച രാവിലെ 9.30 മുതൽ 12.30 വരെ). പരീക്ഷ തീയതിയിൽ മാറ്റമില്ല.
