കണ്ണൂർ: സംസ്ഥാനത്ത് ക്രിസ്തുമസ്, പുതുവത്സരാഘോഷം നടക്കുന്ന കാലയളവിൽ മദ്യത്തിന്റെയും മയക്കുമരുന്നിന്റെയും മറ്റു ലഹരി പദാർത്ഥങ്ങളുടെയും ഉപഭോഗം, വിപണനം, സംഭരണം എന്നിവ കൂടുവാൻ സാധ്യതയുള്ളതിനാൽ എക്സൈസ് വകുപ്പ് ഡിസംബർ ഒമ്പത് രാവിലെ ആറ് മണി മുതൽ 2025 ജനുവരി നാലിന് രാത്രി 12 മണി വരെയുള്ള കാലയളവിൽ സ്‌പെഷ്യൽ എൻഫോഴ്‌സ്‌മെന്റ് ഡ്രൈവ് പ്രഖ്യാപിച്ച് കർശന നടപടികൾ സ്വീകരിച്ചു. ഇതിന്റെ ഭാഗമായി മദ്യം, മയക്കു മരുന്നുമായി ബന്ധപ്പെട്ട കുറ്റകൃത്യങ്ങൾ തടയുന്നതിനായുള്ള ക്രമീകരണങ്ങൾ നടത്തി.

ജില്ലാതല കൺട്രോൾ റൂം

കണ്ണൂർ അസി. എക്സൈസ് കമ്മീഷണറുടെ മേൽനോട്ടത്തിൽ ഒരു എക്സൈസ് പ്രിവന്റീവ് ഓഫീസറുടെ നേതൃത്വത്തിൽ 24 മണിക്കൂറും പ്രവർത്തിക്കുന്ന ജില്ലാതല കൺട്രോൾ എക്സൈസ് ഡിവിഷൻ ഓഫീസിൽ ഡിസംബർ ഒമ്പത് രാവിലെ ആറ് മണി മുതൽ പ്രവർത്തനം ആരംഭിച്ചു. കൺട്രോൾ റൂമിൽ ലഭിക്കുന്ന പരാതികളിൽ അതാത് സമയം തന്നെ തുടർ നടപടികൾ സ്വീകരിക്കും.

സ്ട്രൈക്കിംഗ് ഫോഴ്സ്

ജില്ലയിലെ താലൂക്ക് പരിധികളിൽ എക്സൈസ് സർക്കിൾ ഇൻസ്പെക്ടർമാരുടെ മേൽനോട്ടത്തിൽ 24 മണിക്കൂറും പ്രവർത്തിക്കുന്ന താലൂക്ക് തല സ്ട്രൈക്കിംഗ് ഫോഴ്സ് യൂണിറ്റുകൾ ഡിസംബർ ഒമ്പത് മുതൽ പ്രവർത്തിച്ചു വരുന്നുണ്ട്. ഇതിൽ ഒരു എക്സൈസ് ഇൻസ്പെക്ടർ, ഒരു പ്രിവന്റീവ് ഓഫീസർ, രണ്ട് സിവിൽ എക്സൈസ് ഓഫീസർമാർ, ഒരു ഡ്രൈവർ എന്നിവർ വാഹന സഹിതം ഉണ്ടായിരിക്കും. ജില്ലയിലെ അതിർത്തി പ്രദേശങ്ങൾ, കോളനികൾ എന്നിവിടങ്ങളിൽ പ്രത്യേക ശ്രദ്ധ കേന്ദ്രീകരിച്ച് സംയുക്ത പരിശോധനകളും നടത്തും.

ഇന്റലിജൻസ് ടീം

ജില്ലയിലെ 12 റെയിഞ്ചുകളിലും പ്രിവന്റീവ് ഓഫിസർ/ സിവിൽ എക്സൈസ് ഓഫീസർ എന്നിവർ ഉൾപ്പെടുന്ന ഇന്റലിജൻസ് ടീമിനെ നിയോഗിച്ച് റെയിഞ്ച് പരിധിയിലെ വ്യാജമദ്യ നിർമ്മാണവും, വിതരണവും, ശേഖരങ്ങളും, സ്ഥിരം കുറ്റവാളികളെക്കുറിച്ചുളള വിവരങ്ങളും ശേഖരിച്ച് നടപടികൾ സ്വീകരിച്ചു വരുന്നുണ്ട്.

ഇതര സംസ്ഥാന തൊഴിലാളികളുടെ ഇടയിൽ വ്യാജമദ്യത്തിന്റെയും മയക്കുമരുന്നിന്റെയും ഉപയോഗം വ്യാപകമാകുന്നതിനാൽ ഇതര സംസ്ഥാന തൊഴിലാളികളുടെ കേന്ദ്രങ്ങളിലും താമസ സ്ഥലങ്ങളിലും നിരീക്ഷണങ്ങളും പരിശോധനയും നടത്തിവരുന്നുണ്ട്.

നിയോജക മണ്ഡലം/താലൂക്ക്/പഞ്ചായത്തുതലത്തിൽ ജനകീയ കമ്മിറ്റികൾ വിളിച്ചു ചേർത്ത് ജനപ്രതിനിധികളിൽ നിന്നും, ഗവ. ഉദ്യോഗസ്ഥരിൽ നിന്നും കുടുംബശ്രീ അംഗങ്ങളിൽ നിന്നും മറ്റും അബ്കാരി കുറ്റകൃത്യങ്ങളെക്കുറിച്ചുളള വിവരങ്ങൾ ശേഖരിച്ച് നടപടികൾ സ്വീകരിക്കും.

അതിർത്തി പ്രദേശങ്ങളിലെ ചെക്ക് പോസ്റ്റുകളിൽ പരിശോധനകൾ ശക്തമാക്കുന്നതിനായി ബോർഡർ പട്രോളിംഗ് യൂനിറ്റ് 24 മണിക്കൂറും പ്രവർത്തിച്ചുവരുന്നു. പൊലിസ്, റവന്യൂ, ഫോറസ്റ്റ്, ഭക്ഷ്യസുരക്ഷാ വിഭാഗം, ഡ്രഗ്സ് കൺട്രോൾ, കർണാടക എക്സൈസ്/പോലീസ് തുടങ്ങിയ വകുപ്പുകളുമായി ചേർന്ന് സംയുക്ത പരിശോധനകൾ നടത്തും.

മദ്യം/മയക്കുമരുന്നുകളുമായി ബന്ധപ്പെട്ട പരാതികൾ താഴെപ്പറയുന്ന നമ്പരുകളിൽ അറിയിക്കാവുന്നതാണ്. മദ്യം/മയക്കുമരുന്ന് കേസുകൾ കണ്ടുപിടിക്കാനുതകുന്ന വിവരങ്ങൾ നൽകുന്നവരുടെ വിവരങ്ങൾ പൂർണ്ണമായും രഹസ്യമായി സൂക്ഷിക്കും. ഫോൺ : 04972 706698

എക്‌സൈസ് ഉദ്യോഗസ്ഥരുടെ ഫോൺ നമ്പറുകൾ

ഡിവിഷനൽ കൺട്രോൾ റൂം എക്സൈസ് ഡിവിഷൻ ഓഫീസ്,
കണ്ണൂർ-04972 706698
ടോൾ ഫ്രീ നമ്പരുകൾ-1800 425 6698 155358

താലൂക്ക് തല കൺട്രോൾ റൂം എക്സൈസ് സർക്കിൾ ഓഫീസുകൾ
കണ്ണൂർ-04972 749973, തളിപ്പറമ്പ്-04960 201020, കൂത്തുപറമ്പ്-04902 362103, ഇരിട്ടി-04902 472205
അസി. എക്സൈസ് കമ്മീഷണർ, കണ്ണൂർ 9496002873, 04972 749500
സിഐ, സ്പെഷ്യൽ സ്‌ക്വാഡ്, കണ്ണൂർ: 9400069698, 04972 749500, സിഐ, കണ്ണൂർ-9400069693, 04972 749973. ഇൻസ്പെക്ടർ, കണ്ണൂർ-9400069701, 04972 749971,

പാപ്പിനിശ്ശേരി-9400069702, 04972 789650
സിഐ തളിപ്പറമ്പ്-9400069695, 04602 201020, ഇൻസ്പെക്ടർ തളിപ്പറമ്പ്-9400069704, 04602 203960, ആലക്കോട-9400069705, 04602 256797, ശ്രീകണ്ഠാപുരം-9400069706, 04602 232697, പയ്യന്നൂർ- 9400069703, 04985 202340
സിഐ കൂത്തുപറമ്പ്-9400069696, 04902 362103, ഇൻസ്പെക്ടർ തലശ്ശേരി-9400069712, 04902 359808, കൂത്തുപറമ്പ-9400069707, 04902 365260,

പിണറായി-9400069711, 04902 383050, ന്യൂമാഹി ചെക്ക്പോസ്റ്റ് -9496499819, 04902 335000, സിഐ ഇരിട്ടി-04902 472205, ഇൻസ്പെക്ടർ, മട്ടന്നൂർ- 9400069709, 04902 473660, ഇരിട്ടി-9400069710, 04902 494666, പേരാവൂർ-9400069708, 04902 446800, കൂട്ടുപുഴ ചെക്ക്പോസ്റ്റ്- 9400069713, 04902 421441