ഇരിട്ടി : ആറളം ഫാം ഗവ.ഹൈസ്‌കൂളില്‍ ഈ അധ്യയന വര്‍ഷം ഒന്ന് മുതല്‍ പ്ലസ്ടു വരെയുള്ള ക്ലാസ്സുകളില്‍ പഠിക്കുന്ന വിദ്യാര്‍ഥികള്‍ക്ക് പ്രഭാതഭക്ഷണം നല്‍കുന്നതിന് പട്ടികവര്‍ഗ്ഗ സ്ത്രീകള്‍ അംഗങ്ങളായിട്ടുള്ള കുടുംബശ്രീ യൂണിറ്റുകളില്‍ നിന്നും ക്വട്ടേഷന്‍ ക്ഷണിച്ചു. ജൂലൈ രണ്ടിന് ഉച്ചക്ക് രണ്ട് മണി വരെ ക്വട്ടേഷന്‍ സ്വീകരിക്കും ഫോണ്‍: 0497 2700357.

ഇരിട്ടി : ഇരിട്ടി ട്രൈബല്‍ എക്സ്റ്റന്‍ഷന്‍ ഓഫീസ് പരിധിയില്‍ പ്രര്‍ത്തിക്കുന്ന ഇരിട്ടി, വയത്തൂര്‍, വെളിമാനം പ്രീ-മെട്രിക് ഹോസ്റ്റലുകളിലേക്ക് കുക്ക്, വാച്ച് വുമണ്‍ തസ്തികകളില്‍ താല്‍ക്കാലിക നിയമനം നടത്തുന്നു. പ്രായപരിധി 18നും 45നും ഇടയില്‍. കുക്ക് തസ്തികക്ക് എട്ടാം ക്ലാസും, പ്രവൃത്തി പരിചയവുമാണ് യോഗ്യത. വാച്ച് വുമണിന് എസ്.എസ്.എല്‍.സി.

യോഗ്യതയുള്ള സ്ത്രീകളായ ഉദ്യോഗാര്‍ഥികള്‍ വെള്ളക്കടലാസില്‍ തയ്യാറാക്കിയ അപേക്ഷ, ജാതി, യോഗ്യതാ സര്‍ട്ടിഫിക്കറ്റുകള്‍ സഹിതം ജൂണ്‍ 25ന് രാവിലെ 10.30ന് ഇരിട്ടി ബ്ലോക്ക് പഞ്ചായത്തില്‍ പ്രവര്‍ത്തിക്കുന്ന ട്രൈബല്‍ എക്സ്റ്റന്‍ഷന്‍ ഓഫീസില്‍ നടക്കുന്ന വാക്ക് ഇന്‍ ഇന്റര്‍വ്യൂവിന് പങ്കെടുക്കണം. ഫോണ്‍: 9496070388

ഇരിട്ടി : 60 കിലോ കഞ്ചാവുമായി വാഹന സഹിതം ഒരാളെ ഇരിട്ടിയിൽ എക്സൈസ് സംഘം പിടികൂടി. ചൊക്ലി മേനപ്രം കൈതോൽ പീടികയിൽ കെ.പി. ഹക്കീം (46) എന്നയാളെയാണ് എക്‌സൈസ് ഇൻസ്‌പെക്ടർ പ്രജീഷ് കുന്നുമ്മലിന്റെ നേതൃത്വത്തിൽ ഇരിട്ടി ടൗണിൽ വെച്ച് അറസ്റ്റ് ചെയ്തത്.

പാർട്ടിയിൽ അസിസ്റ്റന്റ് എക്‌സൈസ് ഇൻസ്‌പെക്ടർമാരായ ടി.കെ. വിനോദൻ, കെ.പി. പ്രമോദ്, കെ.വി.സുരേഷ്, പ്രിവെന്റീവ് ഓഫീസർ (ഗ്രേഡ്) ഷൈബി കുര്യൻ, വി.കെ. അനിൽകുമാർ, സിവിൽ എക്‌സൈസ് ഓഫീസർമാരായ വി. ശ്രീനിവാസൻ, കെ.രമീഷ്‌, സന്ദീപ് ഗണപതിയാടൻ, വി. ശരണ്യ എന്നിവരും ഉണ്ടായിരുന്നു.