കണ്ണൂർ സർവകലാശാല വാർത്തകൾ

കണ്ണൂർ സർവകലാശാല വാർത്തകൾ വിശദമായി അറിയാം

മേഴ്‌സി ചാൻസ്: കണ്ണൂർ സർവകലാശാല പഠന വകുപ്പുകളിലെ ഒന്ന്, രണ്ട്, മൂന്ന്, നാല്, അഞ്ച്, ആറ് സെമസ്റ്റർ എം.എ /എം.എസ്‌.സി /എം.എഡ് /എം.സി.എ / എം.സി.എ (ലാറ്ററൽ എൻട്രി) /എം.എൽ.ഐ എസ്.സി/ എൽ എൽ എം /എം ബി എ/എം പി എഡ് ഡിഗ്രി (സി സി എസ് എസ് -2015 അഡ്മിഷൻ മുതൽ 2019 അഡ്മിഷൻ വരെ ഒറ്റത്തവണ മേഴ്‌സി ചാൻസ് സപ്ലിമെന്ററി) പരീക്ഷകൾക്ക് പിഴയില്ലാതെ എട്ടുമുതൽ 22 വരെയും പിഴയോട് കൂടി 27 വരെയും അപേക്ഷിക്കാം. എം.പി.എഡ് ഒഴികെയുള്ള പ്രോഗ്രാമുകൾക്കും 2016 മുതൽ 2019 അഡ്മിഷൻ വരെയും ഓൺലൈനായി അപേക്ഷിക്കാം. വിശദമായ പരീക്ഷാ വിജ്ഞാപനം സർവകലാശാല വെബ്‌സൈറ്റിൽ.

ഹാൾ ടിക്കറ്റ്: അഫിലിയേറ്റഡ് കോളേജുകളിലെ ഫെബ്രുവരി 12-ന് തുടങ്ങുന്ന ഒന്നാം സെമസ്റ്റർ എം.എസ്‌.സി അപ്ലൈഡ് സൈക്കോളജി (റഗുലർ -2023 അഡ്മിഷൻ), ഒക്ടോബർ 2023 പരീക്ഷകളുടെ ഹാൾ ടിക്കറ്റുകളും നോമിനൽ റോളുകളും വെബ്സൈറ്റിൽ നിന്ന് ഡൗൺലോഡ് ചെയ്യാം. ഹാൾ ടിക്കറ്റുകൾ ലഭിക്കാത്ത വിദ്യാർഥികൾ ബന്ധപ്പെടുക.

പുതുക്കിയ ടൈം ടേബിൾ: ഒന്നാം സെമസ്റ്റർ പി.ജി.ഡി.എൽ.ഡി, (റഗുലർ/ സപ്ലിമെന്ററി) നവംബർ 2023 പരീക്ഷകളുടെ പുതുക്കിയ ടൈം ടേബിൾ സർവകലാശാല വെബ്‌സൈറ്റിൽ ലഭ്യമാണ്.

പ്രായോഗിക പരീക്ഷകൾ: ഒന്നാം സെമസ്റ്റർ എം.എസ്‌.സി ബോട്ടണി ഡിഗ്രി, ഒക്ടോബർ 2023 പ്രായോഗിക പരീക്ഷകൾ 12-നും ഫോറസ്ട്രി പ്രായോഗിക പരീക്ഷകൾ 17-നും അതത് കോളേജിൽ നടക്കും.

മൂന്നാം സെമസ്റ്റർ എം.സി.എ ഡിഗ്രി നവംബർ 2023 പ്രായോഗിക പരീക്ഷകൾ 13, 15, 16, 19 തീയതികളിൽ അതത് കോളേജിൽ നടക്കും. വിശദമായ ടൈം ടേബിൾ വെബ്‌സൈറ്റിൽ.