കണ്ണൂർ: പാസ്പോർട്ടില്‍ പങ്കാളിയുടെ പേര് ചേർക്കാൻ വിവാഹ സർട്ടിഫിക്കറ്റ് ഇനി സമർപ്പിക്കേണ്ടതില്ല. പാസ്പോർട്ടില്‍ തിരുത്തലുകളും മാറ്റങ്ങളും വരുത്തുന്ന പ്രക്രിയ ലളിതമാക്കാനുള്ളശ്രമത്തിന്റെ ഭാഗമായാണ് കേന്ദ്ര വിദേശകാര്യ മന്ത്രാലയത്തിന്റെ നടപടി. വിവാഹ സർട്ടിഫിക്കറ്റിന് പകരം ദമ്പതികള്‍ ഒരുമിച്ചുള്ള ഫോട്ടോയോടൊപ്പം സത്യവാങ്മൂലം എഴുതി സമർപ്പിച്ചാല്‍ മതിയാകും. വിവാഹ സർട്ടിഫിക്കറ്റ് വിതരണം ചെയ്യുന്നതില്‍ ഇന്ത്യയിലെ ഓരോ സംസ്ഥാനങ്ങളിലും നില നില്‍ക്കുന്ന മാനദണ്ഡങ്ങള്‍ വ്യത്യസ്തമാണ്. അതിനാല്‍ പല മേഖലയില്‍ ഉള്ളവരും വിവാഹസർട്ടിഫിക്കറ്റിന് അപേക്ഷിക്കാറില്ല. വിവാഹ സർട്ടിഫിക്കറ്റില്ലാത്ത നിരവധി പേരുള്ള സാഹചര്യത്തിലാണ് ഇത്തരമൊരു മാറ്റം വരുത്താൻ കേന്ദ്രസർക്കാർ തീരുമാനിച്ചത്.

മുണ്ടേരി: മുണ്ടേരി കടവ് റോഡിൽ മുളഡിപ്പോയ്ക്ക് സമീപത്തെ വാടക വീട്ടിൽ നിന്ന് കൊൽക്കത്ത സ്വദേശികളായ ദമ്പതികളിൽ നിന്ന് 14 കിലോ കഞ്ചാവ് പിടികൂടി. പശ്ചിമ ബംഗാൾ സ്വദേശികളായ ജാക്കിർ സിക്‌ദാർ, അലീമ ബീബി എന്നിവരാണ് പിടിയിലായത്. ഇരുവരും താമസിക്കുന്ന വാടക കെട്ടിടത്തിൽ നിന്ന് 14 കിലോ കഞ്ചാവാണ് കണ്ടെത്തിയത്. ചക്കരക്കൽ പോലീസ് ഇൻസ്പെക്ടർ എം പി ആസാദിൻ്റെ നേതൃത്വത്തിലുള്ള ടീമാണ് പ്രതികളെ പിടികൂടിയത്.

ക​ണ്ണൂ​ർ: ഇ​ത്ത​വ​ണ​ത്തെ വി​ഷു വി​പ​ണ​ന മേ​ള​ക​ളി​ലെ താ​ര​മാ​ണ് കു​ടും​ബ​ശ്രീ ജെ.​എ​ൽ.​ജി​ക​ളി​ൽ​നി​ന്ന് ഉ​ൽ​പാ​ദി​പ്പി​ച്ച ജൈ​വ ക​ണി വെ​ള്ള​രി. അ​ഴീ​ക്കോ​ട്‌, പ​യ്യ​ന്നൂ​ർ, കാ​ങ്കോ​ൽ, പെ​രി​ങ്ങോം, ആ​ല​ക്കോ​ട്, സി.​ഡി.​എ​സു​ക​ളി​ൽ​നി​ന്ന് വി​ഷു സീ​സ​ണി​ൽ ഏ​റ്റ​വും അ​ധി​കം വ​രു​മാ​നം നേ​ടി​യെ​ടു​ക്കാ​ൻ ക​ണി വെ​ള്ള​രി കൃ​ഷി​ക്ക് സാ​ധി​ച്ചി​ട്ടു​ണ്ട്. ദി​വ​സ​വും അ​ൽ​പ സ​മ​യം മ​ണ്ണി​ൽ ഇ​റ​ങ്ങി പ​ണി​യെ​ടു​ക്കാ​ൻ മാ​റ്റി​വെ​ച്ചാ​ൽ ല​ക്ഷ​ങ്ങ​ൾ വ​രു​മാ​നം നേ​ടാ​മെ​ന്ന് തെ​ളി​യി​ച്ചി​രി​ക്കു​ക​യാ​ണ് ഈ ​കു​ടും​ബ​ശ്രീ ജെ.​എ​ൽ.​ജി ക​ർ​ഷ​ക​ർ. വൈ​കു​ന്നേ​ര​ങ്ങ​ളി​ൽ ഒ​രു നേ​ര​മ്പോ​ക്കി​നാ​യി തു​ട​ങ്ങി ഇ​ന്ന് നെ​ൽ​കൃ​ഷി​യും പ​ച്ച​ക്ക​റി​യും, ത​ണ്ണി മ​ത്ത​ൻ കൃ​ഷി​യു​മാ​യി കാ​ർ​ഷി​ക മേ​ഖ​ല​യി​ൽ ത​ല​യെ​ടു​പ്പോ​ടെ നി​ൽ​ക്കു​ക​യാ​ണ് ക​ണ്ണൂ​ർ ജി​ല്ല.പ​തി​ന​ഞ്ചു വ​ർ​ഷം പൂ​ർ​ത്തി​യാ​ക്കു​ന്ന തി​രു​വോ​ണം ജെ.​എ​ൽ.​ജി ആ​റ് ഏ​ക്ക​റി​ൽ നെ​ല്ലും എ​ട്ട് ഏ​ക്ക​റി​ൽ ത​ണ്ണി​മ​ത്ത​ൻ, വെ​ള്ള​രി, മ​ത്ത​ൻ, ചീ​ര, പ​ട​വ​ലം, താ​ലോ​രി, പ​യ​ർ എ​ന്നി​വ​യാ​ണ് കൃ​ഷി ചെ​യ്യു​ന്ന​ത്. ക​ണ്ണൂ​ർ മാ​ർ​ക്ക​റ്റി​ലും. കു​ടും​ബ​ശ്രീ ആ​ഴ്ച ച​ന്ത​ക​ളി​ലും, നേ​രി​ട്ട് കൃ​ഷി സ്ഥ​ല​ത്തു​മാ​ണ് വി​ൽ​പ​ന. ക​ണി വെ​ള്ള​രി​യും മ​റ്റ് പ​ച്ച​ക്ക​റി ഉ​ൽ​പ​ന്ന​ങ്ങ​ളും വി​ഷു വി​പ​ണ​ന മേ​ള​യി​ൽ ല​ഭ്യ​മാ​ണ്. അ​യ​ൽ​ക്കൂ​ട്ടം പ്ര​വ​ർ​ത്ത​ക​രാ​യ ബീ​ന കു​മാ​രി, ഷീ​ബ, പ്ര​ജാ​ത, ദീ​പ, ര​മ്യ എ​ന്നി​വ​രാ​ണ് മ​ണ്ണി​ൽ പൊ​ന്നു വി​ള​യി​ക്കു​ന്ന ക​ർ​ഷ​ക​ർ.