അടിസ്ഥാന ശമ്പളം നാൽപതിനായിരമാക്കണം’; ഫെബ്രുവരി 21ന് പണിമുടക്കാൻ നഴ്സുമാർ
തിരുവനന്തപുരം: ശമ്പള പ്രതിസന്ധിയെ തുടർന്ന് കേരളത്തിൽ നഴ്സുമാരുടെ നേതൃത്വത്തിൽ ഈ മാസം 21ന് സംസ്ഥാന വ്യാപകമായ പണിമുടക്ക് നടക്കും. അടിസ്ഥാന ശമ്പളം നാൽപതിനായിരമാക്കണം എന്നാണ് ആവശ്യം. സംസ്ഥാനത്തെ 476 സ്വകാര്യ ആശുപത്രികളിലെ നഴ്സുമാർ പണിമുടക്കുമെന്നാണ് അറിയിപ്പ്. ഫെബ്രുവരി 21നാണ് പണിമുടക്ക് നടത്തുക. ശമ്പള പ്രതിസന്ധിയെ തുടർന്നാണ് പണിമുടക്ക് പ്രഖ്യാപിച്ചത്.
നഴ്സുമാരുടെ ശമ്പളത്തിൽ ഏഴു വർഷമായി വർദ്ധനവില്ലെന്നാണ് പറയുന്നത്. എൽഡിഎഫ് സർക്കാർ ശമ്പളം കൂട്ടാൻ ഉത്തരവിറക്കുന്നില്ലെന്ന് ആരോപിച്ചാണ് നഴ്സുമാർ പ്രതിഷേധത്തിന് ഒരുങ്ങുന്നത്. യുണൈറ്റഡ് നഴ്സസ് അസോസിയേഷൻ(യുഎൻഎ) ഭാരവാഹികളെ എൽഡിഎഫ് സർക്കാർ കള്ളക്കേസിൽ കുടുക്കുന്നു എന്നും ആരോപണമുണ്ട്.
