കൊച്ചിയിലെ സിറ്റി യൂണിയൻ ബാങ്കുകളിൽ ബോംബ് ഭീഷണി; സന്ദേശമെത്തിയത് സിപിഐ മാവോയിസ്റ്റ് എന്ന പേരിൽ

അമോണിയം നൈട്രേറ്റ് പോലുള്ള സ്ഫോടക വസ്തുക്കൾ വെച്ചിട്ടുണ്ടെന്നും സ്ഫോടനം നടക്കുമെന്നുമാണ് സന്ദേശത്തിലുണ്ടായിരുന്നത്. നിലവിൽ ഇത് വ്യാജ ഭീഷണിയാണെന്ന നിഗമനത്തിലാണ് പോലീസ്. എന്നാൽ മറ്റ് ജില്ലകളിലെ സിറ്റി യൂണിയൻ ബാങ്കുകളിലേക്കും ഇത്തരത്തിൽ ഭീഷണി സന്ദേശം എത്തിയിട്ടുണ്ടെന്നാണ് റിപ്പോർട്ടുകൾ. തമിഴ്നാട്, പാലക്കാട് ജില്ലകളിലും സമാനമായ രീതിയിൽ പരിശോധന നടക്കുന്നുണ്ട്. എങ്കിലും സംശയാസ്പദമായ രീതിയിൽ ഒന്നും കണ്ടെത്താൻ സാധിച്ചിട്ടില്ല.