മാ​ഹി: അ​റ്റ​കു​റ്റ​പ്പ​ണി ന​ട​ത്തു​ന്ന​തി​നാ​യി അ​ട​ച്ചി​ട്ട മാ​ഹി​പാ​ല​ത്തി​ൽ അ​ന​ധി​കൃ​ത​മാ​യി ഇ​രു​ച​ക്ര​വാ​ഹ​ന​ങ്ങ​ൾ ക​ട​ന്നു. ചൊ​വ്വാ​ഴ്ച വൈ​കീ​ട്ടോ​ടെ​യാ​ണ്​ ഇ​രു​ച​ക്ര വാ​ഹ​ന​ങ്ങ​ൾ പാ​ല​ത്തി​ലേ​ക്ക് അ​ന​ധി​കൃ​ത​മാ​യി പ്ര​വേ​ശി​ച്ച​ത്.മാ​ഹി​യി​ലേ​ക്ക് ക​ട​ക്കു​ന്ന ഭാ​ഗ​ത്ത് ക​ഷ്ടി​ച്ച് ഒ​രാ​ൾ​ക്ക് പോ​വാ​നു​ള്ള വ​ഴി​യി​ലൂ​ടെ സാ​ഹ​സി​ക​മാ​യി ക​മ്പി​ക​ൾ​ക്ക് ഇ​ട​യി​ലൂ​ടെ​യാ​ണ് ക​ട​ന്നു​പോ​യ​ത്.

അ​തി​നി​ടെ ഇ​രു​ച​ക്ര​വാ​ഹ​ന​വു​മാ​യി ക​ട​ക്കാ​ൻ ശ്ര​മി​ച്ച മ​ധ്യ​വ​യ​സ്ക​ൻ ക​മ്പി വീ​ലു​ക​ൾ​ക്കി​ട​യി​ൽ കു​ടു​ങ്ങി സ്കൂ​ട്ട​റു​മാ​യി വീ​ണ​തോ​ടെ നാ​ട്ടു​കാ​ർ മാ​ഹി പൊ​ലീ​സ് സ്റ്റേ​ഷ​നി​ൽ വി​വ​ര​മ​റി​യി​ച്ചു. തു​ട​ർ​ന്ന് പൊ​ലീ​സെ​ത്തി പാ​ല​ത്തി​ലേ​ക്ക് ക​ട​ക്കു​ന്ന വ​ഴി​യ​ട​ച്ചു. ന്യൂ​മാ​ഹി ഭാ​ഗ​ത്ത് വാ​ഹ​ന​ങ്ങ​ൾ ക​ട​ന്നു​പോ​കാ​നാ​വാ​ത്ത രീ​തി​യി​ൽ ബാ​രി​ക്കേ​ഡ് സ്ഥാ​പി​ക്കാ​ത്ത​തും ഇ​രു​ഭാ​ഗ​ത്തും പൊ​ലീ​സ് കാ​വ​ലി​ല്ലാ​ത്ത​തു​മാ​ണ് ഇ​രു​ച​ക്ര​വാ​ഹ​ന​ങ്ങ​ൾ പ്ര​വേ​ശി​ക്കാ​ൻ കാ​ര​ണ​മാ​യ​ത്.

ഇ​രു​ഭാ​ഗ​ത്തും പൊ​ലീ​സി​നെ ഡ്യൂ​ട്ടി​ക്കി​ട​ണ​മെ​ന്ന ആ​വ​ശ്യ​മു​യ​ർ​ന്നി​ട്ടു​ണ്ട്.അ​റ്റ​കു​റ്റ​പ്പ​ണി ആ​രം​ഭി​ച്ച പാ​ല​ത്തി​ന്‍റെ പ്ര​വൃ​ത്തി ര​ണ്ടാം ദി​വ​സ​ത്തി​ലേ​ക്ക് ക​ട​ക്കു​മ്പോ​ൾ പാ​ല​ത്തി​ന് മു​ക​ളി​ലു​ള്ള ടാ​റി​ങ്​ പൂ​ർ​ണ​മാ​യി ഇ​ള​ക്കി മാ​റ്റി​യി​ട്ടു​ണ്ട്.24 മ​ണി​ക്കൂ​റും പാ​ല​ത്തി​ന്‍റെ അ​റ്റ​കു​റ്റ​പ്പ​ണി ന​ട​ത്തു​ന്ന​തി​നു​ള്ള ത​യാ​റെ​ടു​പ്പി​ലാ​ണ് ക​രാ​ർ ക​മ്പ​നി​യെ​ങ്കി​ലും കൊ​ടും​ചൂ​ട്​ ത​ട​സ്സമാ​വു​ക​യാ​ണ്.

തലശ്ശേരി: തലശ്ശേരി മാടപ്പീടികയിൽ പറമ്പിൽ കളിച്ചു കൊണ്ടിരിക്കുകയായിരുന്ന കുട്ടി കൽത്തൂൺ ദേഹത്ത് വീണു മരിച്ചു. പാറാൽ ചൈത്രത്തിൽ മഹേഷിന്റെ മകൻ കെ.പി ശ്രീനികേത് (14) ആണ് മരിച്ചത്.

തലശേരി: സ്‌ത്രീത്വത്തെ അപമാനിക്കുന്ന പ്രസ്‌താവന നടത്തിയ ഹൈക്കോടതി റിട്ട. ജസിറ്റ്‌സ്‌ ബി. കമാൽപാഷക്ക്‌ എൽ.ഡി.എഫ്‌ വടകര മണ്ഡലം സ്ഥാനാർഥി കെ കെ ശൈലജ വക്കീൽ നോട്ടീസ്‌ അയച്ചു. അപക്വവും അനവസരത്തിലുളളതും വസ്‌തുതാവിരുദ്ധവുമായ പ്രസ്‌താവന പിൻവലിച്ച്‌ മാപ്പ്‌ പറയണമെന്നാണ്‌ ആവശ്യം.

വീഡിയോ സംപ്രേഷണം ചെയ്‌ത ഓൺലൈൻ ചാനലിലൂടെ നോട്ടീസ്‌ കൈപ്പറ്റിയ ഉടൻ ഖേദ പ്രകടനം നടത്തണമെന്നും അല്ലാത്ത പക്ഷം സിവിൽ/ക്രിമിനൽ നടപടികൾ സ്വീകരിക്കുമെന്നും അഡ്വ കെ. വിശ്വൻ മുഖേന അയച്ച നോട്ടീസിൽ വ്യക്തമാക്കി. യൂ ട്യൂബ്‌ ചാനലിൽ ‘കെ കെ ശൈലജ പുലിവാൽ പിടിക്കും, ഷാഫി പറമ്പിലിന്‌ ലക്ഷ്യംവെച്ചത്‌ തിരിച്ചടിച്ചു’ എന്ന പ്രതികരണത്തിനെതിരെയാണ്‌ നിയമനടപടി.

എൽ.ഡി.എഫ്‌ സ്ഥാനാർഥിയുടെ വാർത്താസമ്മേളനത്തിലെ മുഴവൻ ഭാഗങ്ങളും പരിശോധിക്കാതെയും വിവിധ സ്‌റ്റേഷനുകളിലെ പരാതികളെക്കുറിച്ച്‌ അന്വേഷിക്കാതെയുമാണ്‌ വീഡിയോ ഇറക്കിയത്‌. മുൻ ന്യായാധിപൻ എന്ന സ്ഥാനത്തിരിക്കുന്ന താങ്കൾ നടത്തിയ പ്രസ്‌താവന ക്രിമിനൽ കുറ്റവും ആഷേപം ഉന്നയിച്ച യു.ഡി.എഫ്‌ സ്ഥാനാർഥിയെയും നേതാക്കളെയും പ്രവർത്തകരെയും വെള്ളപൂശുന്നതുമാണ്‌.

വ്യാജ വീഡിയോകളും മോർഫ്‌ ചയ്‌ത ഫോട്ടോകളും ലൈംഗിക ചുവയുള്ള ആക്ഷേപങ്ങളം ആരോപണങ്ങളും നവമാധ്യമങ്ങളിലൂടെ വ്യാപകമായി പ്രചരിപ്പിച്ചതിനെതിരെയാണ്‌ വിവിധ സ്‌റ്റേഷനുകളിൽ പരാതി നൽകിയതും പൊലീസ്‌ കേസെടുത്തതും. ഈ വസ്‌തുത പരിശോധിക്കാതെയാണ്‌ ഇപ്രകാരമുള്ള പ്രസ്‌താവന നടത്തിയത്‌. എന്റെ കക്ഷിയുടെ മാന്യതക്ക്‌ മേലുള്ള കടന്നുകയറ്റമാണിത്‌.

യു.ഡി.എഫ്‌ സ്ഥാനാർഥി, നേതാക്കൾ, പ്രവർത്തകർ എന്നിവർ നടത്തുന്ന അടിസ്ഥാന രഹിതമായ പ്രസ്‌താവനയിൽ താങ്കളും പങ്കുചേരുകയാണുണ്ടായത്‌. കുറ്റകരമായ ഗൂഢാലോചന ഇതിലുണ്ട്‌. കുറ്റവാളികൾ്ക്കു വേണ്ടി വീഡിയോ പ്രചാരണം നടത്തിയത്‌ അതീവ ഗൗരവമുള്ളതാണ്‌. യു.ഡി.എഫുകാർ പോലും ഉന്നയിക്കാത്ത ആക്ഷേപങ്ങളടക്കം താങ്കൾ ഉന്നയിച്ചു. പൊലീസ്‌ അന്വേഷണത്തിലുള്ള പരാതിയിൽ യാതൊരു തെളിവും ഇല്ലാതെ ഇപ്രകാരം അഭിപ്രായ പ്രകടനം നടത്തുന്നത്‌ ഒട്ടും ആശാസ്യമല്ല.

യു.ഡി.എഫ്‌ സ്ഥാനാർഥിയെ സഹായിക്കാനും സ്വതന്ത്രവും നീതിപൂർവവുമായ തെരഞ്ഞെടുപ്പ്‌ പ്രക്രിയയെ സ്വാധീനിക്കാനും ഇത്തരമൊരുപ്രസ്‌താവന നടത്തിയത്‌. താങ്കളുടെ രാഷ്‌ട്രീയ താൽപര്യമാണ്‌ പ്രതികരണത്തിൽ പ്രകടമാവുന്നതെന്നും വക്കീൽ നോട്ടീസിൽ പറയുന്നു.