വീടുകളിൽ വെള്ളം കയറി; മുഴപ്പിലങ്ങാട് സർവീസ് റോഡ് പൊളിച്ച് ഓവുചാൽ ഒരുക്കി

മു​ഴ​പ്പി​ല​ങ്ങാ​ട്: കാ​ല​വ​ർ​ഷം ശ​ക്ത​മാ​യി വീ​ടു​ക​ളി​ൽ വെ​ള്ളം​ക​യ​റി​യ​തോ​ടെ ദേ​ശീ​യ​പാ​ത നി​ർ​മാ​ണ​ത്തി​ന്റെ ഭാ​ഗ​മാ​യു​ള്ള സർവീസ് റോ​ഡ് പൊ​ളി​ച്ച് ഓ​വു​ചാ​ൽ ഒ​രു​ക്കി അ​ധി​കൃ​ത​ർ. മ​ല​ക്ക് താ​ഴെ റോ​ഡ് പ്ര​ദേ​ശ​ത്തെ വെ​ള്ള​ക്കെ​ട്ടി​ന് പ​രി​ഹാ​ര​മാ​യാ​ണ് നി​ല​വി​ലെ സർവീസ് റോ​ഡ് മ​ണ്ണു​മാ​ന്തി യ​ന്ത്രം ഉ​പ​യോ​ഗി​ച്ച് പൊ​ളി​ക്കു​ന്ന​ത്.

വെ​ള്ള​ക്കെ​ട്ട് കാ​ര​ണം പു​റ​ത്തി​റ​ങ്ങാ​ൻ ക​ഴി​യാ​തെ 50ഓ​ളം കു​ടും​ബ​ങ്ങ​ൾ ഇ​വി​ടെ ദു​രി​ത​ത്തി​ലാ​യ സാ​ഹ​ച​ര്യ​ത്തി​ൽ ആ​ർ.​ഡി.​ഒ.​യു​ടെ നി​ർ​ദേ​ശ​പ്ര​കാ​ര​മാ​ണ് ന​ട​പ​ടി.

ദേ​ശീ​യ​പാ​ത നി​ർ​മാ​ണം ന​ട​ന്നു​കൊ​ണ്ടി​രി​ക്കെ നേ​രെ​ത്തെ ഉ​ണ്ടാ​യ ഓ​വു​ചാ​ൽ ത​ട​സ്സ​പ്പെ​ട്ട​താ​ണ് പ്ര​ദേ​ശ​ത്ത് വെ​ള്ള​ക്കെ​ട്ടി​ന് കാ​ര​ണ​മാ​യ​തെ​ന്ന് ചൂ​ണ്ടി​ക്കാ​ട്ട​പ്പെ​ടു​ന്നു. സർവീസ് റോ​ഡ് പൊ​ളി​ക്കു​ന്ന​തോ​ടെ മ​ല​ക്ക് താ​ഴെ കെ​ട്ടി​ക്കി​ട​ക്കു​ന്ന വെ​ള്ള​ത്തെ ഇ​തു വ​ഴി തി​രി​ച്ചു​വി​ടാ​നാ​വു​മെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്.

നി​ല​വി​ലെ സർവീസ് റോ​ഡ് ഇ​ല്ലാ​താ​വു​ന്ന​തോ​ടെ ഇ​തു​വ​ഴി​യു​ള്ള യാ​ത്രാ​സൗ​ക​ര്യ​വും ഇ​ല്ലാ​താ​കും. ഇ​ത് വാ​ഹ​ന​ഗ​താ​ഗ​ത​ത്തോ​ടൊ​പ്പം കാ​ൽ​ന​ട​യാ​ത്ര​യും ദു​രി​ത​ത്ത​ലാ​വും.