തുലാമഴ; ഇടിമിന്നലിൽ ഒരു മരണം
ചാവശ്ശേരി: എളമ്പയിലെ മേലെക്കണ്ടി വീട്ടിൽ എം.കെ. രവീന്ദ്രൻ (50) ഇടിമിന്നലേറ്റ് മരിച്ചു. ബുധനാഴ്ച വൈകീട്ടാണ് സംഭവം. കൃഷിയിടത്തിൽ പോയ രവീന്ദ്രനെ കാണാതായതിനെ തുടർന്ന് നടത്തിയ തിരച്ചിലിലാണ് കൂരൻമുക്കിന് സമീപം പറമ്പിൽ മിന്നലേറ്റ്‌ മരിച്ചനിലയിൽ കണ്ടെത്തിയത്.
മൃതദേഹം പോസ്റ്റ്മോർട്ടത്തിനായി കണ്ണൂർ ഗവ. മെഡിക്കൽ കോളേജ്‌ ആസ്‌പത്രിയിലേക്ക് മാറ്റി. അച്ഛൻ: ബാലൻ, അമ്മ: നാരായണി. ഭാര്യ: വനജ (ഉളിയിൽ, തെക്കൻപൊയിൽ). മക്കൾ: അർച്ചന, നന്ദിത.
