11 കിലോഗ്രാം കഞ്ചാവുമായി യുവാവ് പിടിയിൽ
തളിപ്പറമ്പ്: 11 കിലോഗ്രാം കഞ്ചാവുമായി യുവാവ് പിടിയിൽ. കുറുമാത്തൂർ കണിച്ചാമലിലെ പി. ശരത്കുമാറാണ് (32) പിടിയിലായത്. തളിപ്പറമ്പ് റേഞ്ച് എക്സൈസ് ഇൻസ്പെക്ടർ എൻ. വൈശാഖിന്റെ നേതൃത്വത്തിൽ ആണ് അറസ്റ്റ് ചെയ്തത്. തളിപ്പറമ്പിലും പരിസര പ്രദേശങ്ങളിലും കഞ്ചാവ് വിൽപ്പന നടത്തുന്ന പ്രധാനിയാണ് ഇയാൾ. എക്സൈസ് സംഘം ശരത്കു മാറിന്റെ വീട്ടിൽ നടത്തിയ റെയ്ഡിലാണ് കഞ്ചാവ് കണ്ടെടുത്തത്. മാസങ്ങളായി ഇയാൾ എക്സൈസിന്റെ നിരീക്ഷണ ത്തിലായിരുന്നു.
തളിപ്പറമ്പ്, കുറുമാത്തൂർ, ചപ്പാരപ്പടവ്, ധർമ്മശാല, പരിയാരം ഭാഗങ്ങളിൽ കഞ്ചാവ് വിതരണം ചെയ്യുന്നത് യുവാവാണ് മൊത്തമായും ചില്ലറയായും ചെറുകിട വിൽപനക്കാർക്കും ആവശ്യ ക്കാർക്കും എത്തിച്ചുനൽകുന്നതാണ് ശരത്കു മാറിന്റെ രീതി. പുഷ്പഗിരിയിൽ മത്സ്യക്കച്ച വടം നടത്തിവരികയാണ് ഇയാൾ. പ്രിവന്റീവ് ഓഫീസർമാരായ എ. അസീസ്, ടി.വി. കമലാക്ഷൻ, സിവിൽ ഓഫീസർമാരായ ഉല്ലാസ് ജോസ്, ഇ.എച്ച്. ഫെമിൻ, ആരതി, ഡ്രൈവർ അനിൽകുമാർ എന്നിവരും യുവാ വിനെ പിടികൂടിയ സംഘത്തിലുണ്ടായിരുന്നു.
