Kannur
പരിയാരം കാർഷിക കർമ്മസേന വിപണനകേന്ദ്രത്തിലുണ്ട് പച്ചക്കറിക്കൊപ്പം തൈകളും വിത്തുകളും
പരിയാരം: പച്ചക്കറി വാങ്ങാനായി കാർഷിക കർമ്മസേന വിപണനകേന്ദ്രത്തിൽ എത്തുന്നവർക്ക് നൽകുന്നത് പച്ചക്കറി മാത്രമല്ല, തൈകളും വിത്തുകളും കൂടിയാണ്. കൂടെ ഒരു ഉപദേശവും -ഒരു കാന്താരി തൈയെങ്കിലും നിങ്ങൾ വളർത്തിയെടുക്കൂ. പരിയാരം കൃഷിഭവന്റെ നേതൃത്വത്തിൽ കാർഷിക കർമ്മസേന ചിതപ്പിലെപൊയിലിൽ പഞ്ചായത്ത് ഓഫീസിനു സമീപം ആരംഭിച്ച പ്രദേശിക പച്ചക്കറി വിപണന കേന്ദ്രത്തിലാണ് പച്ചക്കറികൾക്കൊപ്പം തൈകളും ലഭ്യമാക്കുന്നത്.
തെങ്ങ്, കവുങ്ങ്, പ്ലാവ്, കുരുമുളക്, പച്ചക്കറി തൈകൾ, വിത്തുകൾ, പാഷൻഫ്രൂട്ട്, കാന്താരി, പച്ചമുളക് തൈകളുടെ നാടൻ ജനുസുകളാണ് ഇവിടെ വില്പന നടത്തുന്നത്. പച്ചക്കറി വാങ്ങാനെത്തുന്നവർ തൈകൾ കിട്ടുമോ എന്ന് അന്വേഷിച്ചപ്പോഴാണ് തൈകളുടെ വിപണനസാധ്യത കൂടി ഇവർ ഉപയോഗപ്പെടുത്തിയത്.കൃഷിഭവനിലേക്ക് ഉത്പാദിപ്പിച്ച് നൽകുന്ന തൈകളാണ് പച്ചക്കറി വിപണനകേന്ദ്രം വഴി വിൽക്കുന്നത്.
എന്തെങ്കിലും ഒന്ന് വീട്ടുവളപ്പിലോ ഗ്രോബാഗിലോ വളർത്തിയെടുക്കണമെന്ന് സ്‌നേഹപൂർവ്വം നിർബന്ധിക്കുകയാണിവർ. കാർഷിക രംഗത്ത് ഇന്ന് കർഷകർ നേരിടുന്ന ഒരു പ്രധാന പ്രശ്നം വിപണനമാണെന്ന് തിരിച്ചറിഞ്ഞതോടെയാണ് പഞ്ചായത്ത് പരിധിയിൽ ഉത്പാദിപ്പിക്കുന്ന പച്ചക്കറികൾ വില്പന നടത്താൻ കാർഷിക കർമ്മസേന താത്കാലിക വിപണന കേന്ദ്രം തുറന്നത്.
മുക്കുന്ന് സ്വദേശികളായ ഇന്ദിര, സതി, ശാന്ത എന്നീ കർമ്മ സേനാംഗങ്ങളാണ് വിപണന കേന്ദ്രം നിയന്ത്രിക്കുന്നത്. പഞ്ചായത്ത് പരിധിയിലെ എല്ലാ കർഷകർക്കും തങ്ങളുടെ ഉത്പന്നങ്ങൾ ഇവിടെ വിപണനം ചെയ്യുവാനുള്ള സൗകര്യവുമുണ്ട്. പഞ്ചായത്തിലെ മറ്റൊരു പ്രദേശമായ പുഷ്പഗിരിയിലും കർമ്മസേനയുടെ നേതൃത്വത്തിൽ തിങ്കൾ, ചൊവ്വ, ബുധൻ ദിവസങ്ങളിൽ ആഴ്ച്ചച്ചന്ത നടത്തുന്നുണ്ട്.ജൈവവള നിർമ്മാണ യൂണിറ്റ് ആരംഭിക്കാനും കാർഷികകർമ്മസേനക്ക് പദ്ധതിയുണ്ട്.
കാർഷിക കർമ്മസേനാ പ്രസിഡന്റ് കെ. മോഹനൻ, സെക്രട്ടറി ടി. ചന്ദ്രൻ എന്നിവരാണ് പ്രവർത്തനങ്ങൾ ഏകോപിപ്പിക്കുന്നത്.കൃഷിക്കായി രണ്ടര ഏക്കർപരിയാരം ഗ്രാമപഞ്ചായത്ത് അധീനതയിലുള്ള പുളിയൂൽ ആലുള്ളപൊയിലിലെ രണ്ടരയേക്കർ സ്ഥലത്താണ് കാർഷിക കർമ്മസേന പച്ചക്കറി കൃഷി നടത്തുന്നത്. വെള്ളരി, പാവയ്ക്ക, താലോലി, പടവലങ്ങ, ചിരങ്ങ, വെണ്ട എന്നിവയാണ് കൃഷി ചെയ്തത്. ഇടത്തട്ടുകാരെ പൂർണമായും ഒഴിവാക്കി ന്യായവിലയ്ക്കാണ് വില്പന.
Kannur
സി.പി.എമ്മിന്‍റെ അഭിമാനം, രാജ്യത്ത് ഏറ്റവും കൂടുതൽ അംഗങ്ങളുള്ള കണ്ണൂർ ജില്ലയിൽ ഇനി മൂന്ന് നാൾ സമ്മേളന ചൂട്
കണ്ണൂർ: രാജ്യത്ത് തന്നെ സി.പി.എമ്മിന് ഏറ്റവും കൂടുതൽ അംഗങ്ങളുള്ള, പാർട്ടിയുടെ കരുത്തുറ്റ കോട്ടയെന്നറിയപ്പെടുന്ന കണ്ണൂർ ജില്ലയിൽ സമ്മേളനത്തിന്‍റെ കൊടിയുയർന്നു. ഇനി 3 നാൾ കണ്ണൂർ ജില്ലയിൽ സമ്മേളനത്തിന്‍റെ ചൂടായിരിക്കും. തളിപ്പറമ്പിലാണ് സി പി എം കണ്ണൂർ ജില്ലാ സമ്മേളനത്തിന് കൊടി ഉയർന്നത്. സ്വന്തം ജില്ലയിലെ സമ്മേളനത്തിൽ മുഖ്യമന്ത്രി പിണറായി വിജയനും സംസ്ഥാന സെക്രട്ടറി എം വി ഗോവിന്ദനും മൂന്ന് ദിവസവും പങ്കെടുക്കുന്നുണ്ട്. പ്രതിനിധി സമ്മേളനം പൊളിറ്റ് ബ്യൂറോ അംഗം കൂടിയായ മുഖ്യമന്ത്രി പിണറായി വിജയനാണ് ഉദ്ഘാടനം ചെയ്യുക.
30 വർഷങ്ങൾക്ക് ശേഷം തളിപ്പറമ്പിൽ നടക്കുന്ന സി പി എം ജില്ലാ സമ്മേളനത്തിന് ഉണ്ടപ്പറമ്പ് മൈതാനത്താണ് ചെമ്പതാക ഉയർന്നത്. കരിവെള്ളൂർ രക്തസാക്ഷി നഗറിൽ നിന്ന് പി കരുണാകരൻ ഉദ്ഘാടനം ചെയ്ത് പി ജയരാജൻ ജാഥാ ലീഡറായി തളിപ്പറമ്പിൽ എത്തിച്ച പതാക ഉണ്ടപ്പറമ്പ് മൈതാനത്തെ പൊതു സമ്മേളന നഗരിയിൽ സംഘാടക സമിതി ചെയർമാൻ ടി കെ ഗോവിന്ദനാണ് ഉയർത്തിയത്. കടലിരമ്പം പോലെ മുദ്രാവാക്യം വിളിച്ച സഖാക്കൾ ഇനി 3 നാൾ ഗൗരവമേറിയ വിഷയങ്ങളിൽ ചർച്ച നടത്തും. കെ കെ എൻ പരിയാരം സ്മാരക ഹാളിലെ കോടിയേരി ബാലകൃഷ്ണൻ നഗറിൽ പ്രതിനിധി സമ്മേളനം ഉദ്ഘാടനം ചെയ്യുന്ന മുഖ്യമന്ത്രി തന്നെയാകും മൂന്നാം തിയതി വൈകിട്ട് ഉണ്ടപ്പറമ്പ് മൈതാനത്ത് നടക്കുന്ന പൊതു സമ്മേളനവും ഉദ്ഘാടനം ചെയ്യുക.
കേരള സംസ്ഥാന വനിതാ വികസന കോർപ്പറേഷന്റെ ഫിനിഷിങ് സ്കൂളായ റീച്ചില്‍ കുറഞ്ഞ നിരക്കില്‍ എൻ.എസ്.ഡി.സി അംഗീകൃത കോഴ്സുകളായ പൈത്തണ്‍ പ്രോഗ്രാമിങ്, ഡാറ്റാ സയൻസ് എന്നിവയിലേക്ക് ഓണ്‍ലൈൻ പരിശീലനത്തിന് അപേക്ഷ ക്ഷണിച്ചു.ഒരു ബാച്ചില്‍ 25 പേർക്കാണ് പ്രവേശനം. പ്ലസ്ടു, ഡിഗ്രി കഴിഞ്ഞവർക്ക് പൈത്തണ്‍ പ്രോഗ്രാമിങ്ങിലേക്കും ഡിഗ്രി കഴിഞ്ഞവർക്ക് ഡാറ്റാ സയൻസിലേക്കും അപേക്ഷിക്കാം. അപേക്ഷിക്കേണ്ട അവസാന തീയതി ഫെബ്രുവരി 15, വിശദവിവരങ്ങള്‍ക്ക് ഫോണ്‍: 9496015002, 9496015051. വെബ്സൈറ്റ്: www.reach.org.in.
ഡി.ടി.പി.സിയുടെ കീഴിലുള്ള വിവിധ കേന്ദ്രങ്ങളിലേക്ക് ട്രെയിനികളെ നിയമിക്കുന്നു. പ്ലസ് ടൂ/ഡിപ്ലോമ യോഗ്യതയുള്ളവർക്ക് അപേക്ഷിക്കാം. സോഷ്യൽ മീഡിയ പേജുകൾ കൈകാര്യം ചെയ്ത പരിചയം/ പോസ്റ്റർ ഡിസൈനിങ്/ ടൂറിസം യോഗ്യത/ ഫ്രണ്ട് ഓഫീസ് മാനേജ്‌മെൻറ്/മാർക്കെറ്റിങ്/ ടൂറിസവുമായി ബന്ധപെട്ടള്ള ജോലി പരിചയം തുടങ്ങിയവ ഉള്ളവർക്ക് മുൻഗണന. ബയോഡാറ്റ സഹിതമുള്ള അപേക്ഷ info@dtpckannur.com എന്ന ഇ മെയിലിലേക്ക് ഫെബ്രുവരി അഞ്ചിന് വൈകീട്ട് അഞ്ചിനകം അയക്കണം. തെരഞ്ഞെടുക്കപ്പെടുന്നവർക്ക് സ്‌റ്റൈപ്പെന്റ് ലഭിക്കും. ഫോൺ: 0497-2706336 .
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur1 year ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
-
Breaking News10 months ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
