കണ്ണൂരില്‍ ലോറിയുമായി കൂട്ടിയിടിച്ച കാറിന്റെ എൻജിന് തീപ്പിടിച്ചു; ദുരന്തം ഒഴിവായത് തലനാരിഴയ്ക്ക്
കണ്ണൂര്‍: താഴെചൊവ്വയില്‍ അപകടത്തില്‍പ്പെട്ട കാറിന് തീപ്പിടിച്ചു. വ്യാഴാഴ്ച ഉച്ചകഴിഞ്ഞാണ് സംഭവം. ലോറിയുമായി കൂട്ടിയിടിച്ച കാറിന്റെ എന്‍ജിനില്‍ തീ പടരുകയായിരുന്നു.
കൂട്ടിയിടി ഉണ്ടായ ഉടന്‍ യാത്രക്കാര്‍ വാഹനത്തില്‍ നിന്ന് പുറത്തിറങ്ങിയതിനാല്‍ വലിയ ദുരന്തം ഒഴിവായി. അപകടത്തില്‍ ആര്‍ക്കും പരിക്കേറ്റിട്ടില്ല. അപകടം നടന്നയുടനെ ഓടിക്കൂടിയ നാട്ടുകാര്‍ ചേര്‍ന്ന് തീ അണച്ചു.
