പ​ള്ളു​രു​ത്തി: കു​ടും​ബ​ശ്രീ ഗ്രൂ​പ്പു​ക​ളു​ടെ പേ​രി​ൽ വ്യാ​ജ രേ​ഖ​ക​ൾ നി​ർ​മി​ച്ച് കോ​ടി​ക​ളു​ടെ ത​ട്ടി​പ്പ് ന​ട​ന്നെ​ന്ന പ​രാ​തി​യി​ൽ പ​ള്ളു​രു​ത്തി സ്വ​ദേ​ശി​നി​ക​ളാ​യ ര​ണ്ട് സ്ത്രീ​ക​ളെ പൊ​ലീ​സ് അ​റ​സ്റ്റ് ചെ​യ്തു.കാ​ൽ നൂ​റ്റാ​ണ്ടി​ലേ​ക്ക് ക​ട​ന്ന കു​ടും​ബ​ശ്രീ​യു​ടെ വി​ശ്വ​സ്ത​ത​യെ ത​ന്നെ ചോ​ദ്യം ചെ​യ്യു​ന്ന രീ​തി​യി​ലാ​ണ് സ്ത്രീ​ക​ള​ട​ങ്ങു​ന്ന സം​ഘം ത​ട്ടി​പ്പു​ക​ൾ ന​ട​ത്തി​യ​ത്. പ​ള്ളു​രു​ത്തി എ​സ്.​ഡി.​പി.​വൈ റോ​ഡി​ൽ ക​ള​ത്തി​ൽ പ​റ​മ്പി​ൽ ദീ​പ (41), ന​മ്പ്യാ​പു​രം താ​യ്ക്കാ​ട്ട് പ​റ​മ്പി​ൽ നി​ഷ (41) എ​ന്നി​വ​രാ​ണ് പി​ടി​യി​ലാ​യ​ത്.

ഇ​രു​വ​രും ത​ട്ടി​പ്പി​ലെ പ്ര​ധാ​ന ഏ​ജ​ന്റു​മാ​രാ​ണെ​ന്നാ​ണ്​ പൊ​ലീ​സ് അ​റി​യി​ച്ച​ത്. ഏ​ഴോ​ളം വാ​യ്പ​ക​ളി​ൽ നി​ന്നാ​യി ല​ക്ഷ​ങ്ങ​ളാ​ണ് ഇ​വ​ർ ത​ട്ടി​യെ​ടു​ത്ത​ത്‌. ത​ട്ടി​പ്പ് സം​ബ​ന്ധി​ച്ച തെ​ളി​വു​ക​ൾ ശേ​ഖ​രി​ച്ചാ​ണ് ഇ​രു​വ​രെ​യും വീ​ടു​ക​ളി​ൽ​നി​ന്ന് പൊ​ലീ​സ് അ​റ​സ്റ്റ് ചെ​യ്ത​ത്.നി​ഷ ദൃ​ശ്യ​യെ​ന്ന കു​ടും​ബ​ശ്രീ ഗ്രൂ​പ്പി​ലെ അം​ഗ​മാ​ണ്. മൈ​ക്രോ​ഫി​നാ​ൻ​സു​കാ​ർ​ക്ക് വാ​യ്പ​ക്കാ​യി സ്ത്രീ​ക​ളെ ക​ണ്ടെ​ത്തി ന​ൽ​കു​ന്ന​യാ​ളാ​ണ് ദീ​പ. ഇ​ത്ത​ര​ത്തി​ൽ മൈ​ക്രോ ഫി​നാ​ൻ​സ് വാ​യ്പ​ക്കാ​യി ശേ​ഖ​രി​ച്ച രേ​ഖ​ക​ൾ ഉ​പ​യോ​ഗി​ച്ചാ​ണ് ത​ട്ടി​പ്പ് ന​ട​ത്തി​യ​തെ​ന്ന് പൊ​ലീ​സ് പ​റ​ഞ്ഞു.

നി​ര​വ​ധി വീ​ട്ട​മ്മ​മാ​രാ​ണ് ഇ​വ​രു​ടെ ത​ട്ടി​പ്പി​ന് ഇ​ര​യാ​യി​ട്ടു​ള്ള​തെ​ന്നാ​ണ് അ​റി​യു​ന്ന​ത്. വാ​യ്പ ത​ട്ടി​പ്പി​ൽ ബാ​ങ്ക് അ​ധി​കൃ​ത​ർ​ക്കും പ​ങ്കു​ണ്ടോ​യെ​ന്ന സം​ശ​യ​വും ഉ​യ​ർ​ന്നി​ട്ടു​ണ്ട്. ഇ​ക്കാ​ര്യ​വും പ​രി​ശോ​ധി​ക്കു​മെ​ന്ന് പൊ​ലീ​സ് പ​റ​ഞ്ഞു. കൊ​ച്ചി ന​ഗ​ര​സ​ഭ 13, 20 ഡി​വി​ഷ​നു​ക​ളി​ലെ കൗ​ൺ​സി​ല​ർ​മാ​രാ​യ വി.​എ ശ്രീ​ജി​ത്ത്, പി.​എ​സ്. വി​ജു എ​ന്നി​വ​ർ കൊ​ച്ചി സി​റ്റി ക​മീ​ഷ​ണ​ർ​ക്ക് ന​ൽ​കി​യ പ​രാ​തി​യി​ൽ മ​ട്ടാ​ഞ്ചേ​രി അ​സി. ക​മീ​ഷ​ണ​ർ കെ.​ആ​ർ. മ​നോ​ജി​ന്‍റെ നേ​തൃ​ത്വ​ത്തി​ലു​ള്ള പ്ര​ത്യേ​ക സം​ഘം ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​ക​ൾ പി​ടി​യി​ലാ​യ​ത്.

പ​ശ്ചി​മ​കൊ​ച്ചി മേ​ഖ​ല​യി​ലെ ചി​ല ഡി​വി​ഷ​നു​ക​ളി​ലാ​ണ് കൗ​ൺ​സി​ല​ർ​മാ​ർ, സി.​ഡി.​എ​സ്, എ.​ഡി.​എ​സ് ഭാ​ര​വാ​ഹി​ക​ൾ, ഉ​ദ്യോ​ഗ​സ്ഥ​ർ എ​ന്നി​വ​രു​ടെ വ്യാ​ജ ഒ​പ്പും സീ​ലും രേ​ഖ​ക​ളും ത​യാ​റാ​ക്കി ത​ട്ടി​പ്പ്​ ന​ട​ത്തി​യ​ത്. പ​ല ഡി​വി​ഷ​നു​ക​ളി​ലും ലി​ങ്കേ​ജ് വാ​യ്പ​ക​ൾ​ക്കാ​യി എ.​ഡി.​എ​സ് ഭാ​ര​വാ​ഹി​ക​ൾ ക​മീ​ഷ​ൻ വാ​ങ്ങു​ന്ന​താ​യും പ​രാ​തി​യു​ണ്ട്.