കേന്ദ്ര ബജറ്റ് 2026: ഏഴ് അതിവേഗ റെയിൽ ഇടനാഴികൾ; കേരളമില്ല
ന്യൂഡൽഹി : മൂന്നാം നരേന്ദ്ര മോദി സർക്കാരിന്റെ മൂന്നാം ബജറ്റ് കേന്ദ്ര ധനമന്ത്രി നിർമല സീതാരാമൻ അവതരിപ്പിക്കുന്നു. ബജറ്റിൽ കേരളം പ്രതീക്ഷിച്ചിരുന്ന അതിവേഗ റെയിൽ, എയിംസ് അടക്കമുള്ള പ്രഖ്യാപനങ്ങളില്ല. രാജ്യത്ത് ഏഴിടങ്ങളിൽ അതിവേഗ റെയിൽ ഇടനാഴി പ്രഖ്യാപിച്ചെങ്കിലും പട്ടികയിൽ കേരളം ഉൾപ്പെട്ടില്ല.
തീരദേശ ടൂറിസം പദ്ധതിയിലും കടലാമകളുടെ ആവാസവ്യവസ്ഥ സംരക്ഷിക്കുന്നതിനുള്ള പദ്ധതികളിലും കേരളത്തെ ഉൾപ്പെടുത്തി. നാളികേര ഉൽപ്പാദനം വികസിപ്പിക്കാൻ പ്രത്യേക പദ്ധതി ആവിഷ്കരിക്കും. കേരളത്തെ ഉൾപ്പെടുത്തി അപൂർവ ധാതു ഇടനാഴിയും പ്രഖ്യാപിച്ചു.
- ദേശീയ മാനസിക ആരോഗ്യ കേന്ദ്രം സ്ഥാപിക്കും
- ഇന്ത്യ ആസ്ഥാനമായി ക്ലൗഡ് സേവനങ്ങൾ നൽകുന്ന കമ്പനികൾ 2047 വരെ നികുതി നൽകേണ്ട
- പുതിയ ആദായനികുതി നിയമം 2026 ഏപ്രിൽ ഒന്നിന് നിലവിൽ വരും
- സേവന മേഖലയിൽ നിർമിത ബുദ്ധിയുടെ പ്രത്യാഘാതം പരിശോധിക്കാൻ സമിതി
- കന്നുകാലി വളർത്തലിന് സബ്സിഡി
- എല്ലാ ജില്ലകളിലും വനിതാ ഹോസ്റ്റൽ
- ആദായനികുതി റിട്ടേൺ സമയപരിധി നീട്ടി
- കേരളത്തെ ഉൾപ്പെടുത്തി അപൂർവ ധാതു ഇടനാഴി
- സൂക്ഷ്മ സംരംഭകർക്ക് 2000 കോടി
- അഞ്ച് പ്രാദേശിക മെഡിക്കൽ ഹബ്ബുകൾ
- അനിമേഷൻ, ഗെയിമിങ്, കോമിക് മേഖലകളിലെ വികസനം ലക്ഷ്യമിട്ട് കണ്ടന്റ് ക്രിയേറ്റർ ലാബുകൾ ആരംഭിക്കും
- കാൻസർ, പ്രമേഹ മരുന്നുകളുടെ വില കുറയുംകന്നുകാലി വളർത്തലിന് സബ്സിഡി
