കണ്ണൂരിൽ മെത്തഫിറ്റമിനുമായി യുവതി അറസ്റ്റില്‍
കണ്ണൂർ : പരിയാരത്ത് മെത്തഫിറ്റമിനുമായി യുവതി അറസ്റ്റില്‍. പയ്യന്നൂര്‍ വെള്ളൂര്‍ കിഴക്കുമ്പാട് പയ്യന്‍ചാല്‍ വീട്ടില്‍ പി. പ്രജിതയെയാണ് (30) പാപ്പിനിശ്ശേരി എക്സൈസ് ഇന്‍സ്പെക്ടര്‍ ഇ.വൈ.ജസീറലിയും സംഘവും പരിയാരം ആയുര്‍വ്വേദ മെഡിക്കല്‍ കോളേജിന് സമീപം വെച്ച് 0.375 മില്ലി ഗ്രാം മെത്തഫിറ്റാമിന്‍ കൈവശം വെച്ച കുറ്റത്തിന് പിടികൂടിയത്. യുവതി മെത്തഫിറ്റമിന്‍ വില്‍പ്പനക്ക് ശ്രമിക്കുന്നിനിടയിലാണ് സംഭവം. പരിയാരം മെഡിക്കല്‍ കോളേജ് പോലുള്ള പരിസരങ്ങള്‍ തിരഞ്ഞെടുക്കുന്നത് തിരക്ക് ഉള്ള സ്ഥലങ്ങളില്‍ ആള്‍ക്കാര്‍ ശ്രദ്ധിക്കില്ല എന്ന വിശ്വാസത്തിലാണ്. കണ്ണൂര്‍-കാസര്‍ഗോഡ് ജില്ലകളില്‍ യുവാക്കള്‍ക്ക് രാസലഹരി എത്തിക്കുന്ന സംഘത്തിലെ പ്രധാന കണ്ണിയാണ് ഇപ്പോള്‍ പിടിയിലായതെന്ന് എക്സൈസ് പറഞ്ഞു.
