ലങ്കാഡി ചാമ്പ്യൻഷിപ്പിൽ താരമായി പേരാവൂരിലെ സഹോദരങ്ങൾ നിവേദിതയും നൈനികയും

പേരാവൂർ: സംസ്ഥാന ലങ്കാഡി അസോസിയേഷൻ നടത്തിയ ഒന്നാമത് സംസ്ഥാന ലങ്കാഡി ചാമ്പ്യൻഷിപ്പിൽ താരങ്ങളായി പേരാവൂരിലെ സഹോദരങ്ങൾ. ജൂനിയർ ഗേൾസ് വിഭാഗത്തിൽ പേരാവൂർ സ്വദേശിനി നിവേദിത സ്വർണ മെഡൽ നേടിയപ്പോൾ സഹോദരി നൈനിക സബ് ജൂനിയർ ഗേൾസ് വിഭാഗത്തിലാണ് സ്വർണ മെഡൽ നേടിയത്.പേരാവൂർ സെയ്ന്റ് ജോസഫ് ഹൈസ്‌കൂൾ പത്താം ക്ലാസ് വിദ്യാർത്ഥിനിയാണ് നിവേദിത. തൊണ്ടിയിൽ സെയ്ന്റ് ജോൺസ് യു.പി സ്‌കൂൾ ആറാം ക്ലാസ് വിദ്യാർത്ഥിനിയാണ് നൈനിക .സ്‌കൂൾ ഗെയിംസ് ജില്ല ചാമ്പ്യൻഷിപ്പിൽ റണ്ണറപ്പ് കിരീടം നേടിയ ഹാൻഡ്‌ബോൾ, ബാസ്‌കറ്റ്‌ബോൾ ടീം അംഗവുമായിരുന്നു നൈനിക. ഇരുവരും ചേനംച്ചിറ സതീശൻ ആനന്ദ് , ഇന്ദു സതീശൻദമ്പതികളുടെ മക്കളാണ് . സാന്ത്വനം സ്‌പോർട്‌സ് അക്കാദമിയുടെ കീഴിൽ തങ്കച്ചൻ കോക്കാട്ടിന്റെ കീഴിലാണ് പരിശീലനം.