ക​ണ്ണൂ​ർ: സ്ത്രീ​ക​ൾ​ക്കും കു​ട്ടി​ക​ൾ​ക്കും നേ​രെ​യു​ള്ള അ​തി​ക്ര​മം കൂ​ടി​വ​രു​ന്ന സാ​ഹ​ച​ര്യ​ത്തി​ൽ പി​ടി​മു​റു​ക്കി വ​നി​ത ശി​ശു​വി​ക​സ​ന വ​കു​പ്പ്. സ്ത്രീ​ക​ൾ​ക്ക് സ്വ​ന്തം താ​മ​സ​സ്ഥ​ല​ത്തു നി​ന്നു​ത​ന്നെ ഓ​ൺ​ലൈ​നാ​യി കൗ​ൺ​സ​ലി​ങ്, നി​യ​മ​സ​ഹാ​യം, പൊ​ലീ​സ് സ​ഹാ​യം എ​ന്നി​വ യ​ഥാ​സ​മ​യം ഉ​റ​പ്പാ​ക്കു​ന്ന ‘കാ​തോ​ർ​ത്ത്’ പ​ദ്ധ​തി​യി​ൽ ര​ജി​സ്റ്റ​ർ ചെ​യ്യാം. 2021 ഫെ​ബ്രു​വ​രി അ​വ​സാ​ന​ത്തോ​ടെ​യാ​ണ് പ​ദ്ധ​തി ആ​രം​ഭി​ച്ച​തെ​ങ്കി​ലും ഭൂ​രി​ഭാ​ഗം സ്ത്രീ​ക​ൾ​ക്കും ഇ​ത്ത​രം സം​വി​ധാ​ന​ങ്ങ​ളെ കു​റി​ച്ച് അ​റി​വി​ല്ല. ഓ​ൺ​ലൈ​ൻ ര​ജി​സ്റ്റ​ർ ചെ​യ്യു​ന്ന​തി​ലൂ​ടെ സ്ത്രീ​ക​ൾ​ക്ക് പ​ണ​ച്ചെ​ല​വും യാ​ത്രാ​ക്ലേ​ശ​വും സ​മ​യ​ന​ഷ്ട​വും ഒ​ഴി​വാ​ക്കാം. പ്ര​ശ്ന പ​രി​ഹാ​ര​ത്തി​നാ​യി പ​ല​വ​ട്ടം സ​ർ​ക്കാ​ർ സ്ഥാ​പ​ന​ങ്ങ​ളി​ൽ ക​യ​റി​യി​റ​ങ്ങേ​ണ്ടി വ​രി​ല്ല. അ​ടി​യ​ന്ത​ര പ്ര​ശ്ന പ​രി​ഹാ​ര​വും ഈ ​പ​ദ്ധ​തി​യി​ലൂ​ടെ സാ​ധ്യ​മാ​ക്കാം.

ക​ണ്ണൂ​ർ: പ​ക​ർ​ച്ച​വ്യാ​ധി​ക്കെ​തി​രെ വ​ർ​ഷം മു​ഴു​വ​ൻ നീ​ണ്ടു നി​ൽ​ക്കു​ന്ന സ​മ​ഗ്ര ആ​രോ​ഗ്യ ജാ​ഗ്ര​ത പ​ദ്ധ​തി​യു​മാ​യി ജി​ല്ല ആ​രോ​ഗ്യ വ​കു​പ്പ്. തി​ങ്ക​ളാ​ഴ്ച ന​ട​ന്ന ജി​ല്ല ആ​സൂ​ത്ര​ണ സ​മി​തി യോ​ഗ​ത്തി​ലാ​ണ് ജി​ല്ല മെ​ഡി​ക്ക​ൽ ഓ​ഫി​സ​ർ പ​ദ്ധ​തി അ​വ​ത​രി​പ്പി​ച്ച​ത്.മ​ഞ്ഞ​പ്പി​ത്തം അ​ട​ക്ക​മു​ള്ള പ​ക​ർ​ച്ച​വ്യാ​ധി​ക​ളെ ഫ​ല​പ്ര​ദ​മാ​യി ചെ​റു​ക്കു​ന്ന​തി​നാ​ണ് വി​വി​ധ പ​ഞ്ചാ​യ​ത്ത് -മു​നി​സി​പ്പാ​ലി​റ്റി​ക​ളു​ടെ വാ​ർ​ഷി​ക പ​ദ്ധ​തി​യി​ൽ ഉ​ൾ​പ്പെ​ടു​ത്തി സ​മ​ഗ്ര ആ​രോ​ഗ്യ​ജാ​ഗ്ര​ത പ​ദ്ധ​തി ജി​ല്ല​യി​ൽ ന​ട​പ്പാ​ക്കാ​ൻ ഉ​ദ്ദേ​ശി​ക്കു​ന്ന​ത്.ഇ​തി​ന്റെ ഭാ​ഗ​മാ​യി ഫീ​ൽ​ഡ്ത​ല​ത്തി​ൽ വാ​ട്ട​ർ സാ​മ്പ്ൾ ക​ല​ക്ഷ​ൻ, അ​തി​ന്റെ ട്രാ​ൻ​സ്പോ​ർ​ട്ട്, അം​ഗീ​കൃ​ത ഗ​വ. ലാ​ബു​ക​ളി​ലെ ജ​ല പ​രി​ശോ​ധ​ന, കു​ടി​വെ​ള്ള സ്രോ​ത​സ്സു​ക​ൾ ക്ലോ​റി​നേ​ഷ​ൻ ചെ​യ്യ​ൽ, ഡെ​ങ്കി​പ്പ​നി -മ​ലേ​റി​യ തു​ട​ങ്ങി​യ കൊ​തു​ക് ജ​ന്യ രോ​ഗ​ങ്ങ​ൾ​ക്കെ​തി​രെ​യു​ള്ള ഉ​റ​വി​ട ന​ശീ​ക​ര​ണം, ഫോ​ഗി​ങ് എ​ന്നി​വ ന​ട​ത്തും. ഇ​തി​ന്റെ ഭാ​ഗ​മാ​യി വാ​ർ​ഡ്ത​ല​ത്തി​ൽ ബോ​ധ​വ​ത്ക​ര​ണ ക്ലാ​സു​ക​ൾ, പോ​സ്റ്റ​ർ ല​ഘു​ലേ​ഖ വി​ത​ര​ണം എ​ന്നി​വ​യും മ​റ്റു പ​രി​പാ​ടി​ക​ളും പ​ദ്ധ​തി​യി​ൽ ഉ​ൾ​പ്പെ​ടു​ത്തി എ​ല്ലാ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലും ന​ട​പ്പാ​ക്കും.യോ​ഗ​ത്തി​ൽ പ​ങ്കെ​ടു​ത്ത മു​ഴു​വ​ൻ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന പ്ര​തി​നി​ധി​ക​ളും സ​ഹാ​യ സ​ഹ​ക​ര​ണ​ങ്ങ​ൾ വാ​ഗ്ദാ​നം ചെ​യ്ത​താ​യി ജി​ല്ല മെ​ഡി​ക്ക​ൽ ഓ​ഫി​സ​ർ ഡോ. ​പീ​യു​ഷ് എം. ​ന​മ്പൂ​തി​രി​പ്പാ​ട് അ​റി​യി​ച്ചു.

കണ്ണൂർ: എംപ്ലോയ്‌മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോ ആൻഡ് മോഡൽ കരിയർ സെന്റർ കണ്ണൂർ വിവിധ സ്വകാര്യ സ്ഥാപനങ്ങളിലെ ജോലി ഒഴിവുകളിൽ 28-ന് രാവിലെ പത്തിന് സൗജന്യ പ്ലേസ്മെന്റ് ഡ്രൈവ് നടത്തും.സൂപ്പർവൈസർ, ഓഫിസ് സ്റ്റാഫ്, സിസിടിവി ടെക്‌നീഷ്യൻ, സെയിൽസ് എക്സിക്യൂട്ടീവ്, ബിസിനസ് ഡവലപ്മെന്റ് എക്സിക്യൂട്ടീവ്, പ്രൊഡക്ട് പ്രൊക്യൂർമെന്റ്, ഓഫിസ് അസിസ്റ്റന്റ് മാനേജർ, ഡിജിറ്റൽ മാർക്കറ്റിങ് എക്സിക്യൂട്ടീവ്, കാറ്റലോഗ് എക്സിക്യൂട്ടീവ്, അക്കൗണ്ടന്റ്, ടെലി സെയിൽസ് എക്സിക്യൂട്ടീവ്, ഡ്രൈവർ, ഫീൽഡ് മാർക്കറ്റിങ് എക്സിക്യൂട്ടീവ്, ഓഫിസ് സ്റ്റാഫ്, സൂപ്പർവൈസർ, സെയിൽസ് എക്സിക്യൂട്ടീവ് (ഫീൽഡ് ജോബ്), ഗെസ്റ്റ് റിലേഷൻ എക്സിക്യൂട്ടീവ്, സോഫ്റ്റ്‌വെയർ ഡെവലപ്പേഴ്സ്, അഡ്മിൻ, എച്ച് ആർ അസിസ്റ്റന്റ്, പ്രോംപ്റ്റ് എൻജിനീയർ, ഡിജിറ്റൽ മാർക്കറ്റിങ് മെൻറ്റേഴ്‌സ്, മാർക്കറ്റിങ് കോഡിനേറ്റേഴ്‌സ് തസ്തികകളിലാണ് ഒഴിവുകൾ.

പ്ലസ്ടു/ ബിരുദം/ ബികോം/ എംകോം/ ഐടിഐ/ ഡിപ്ലോമ/ ബിടെക്/ എംടെക്/ ബിസിഎ/ എംസിഎ/ എംബിഎ/ ബിഎസ്‌സി കംപ്യൂട്ടർ സയൻസ് യോഗ്യതയുള്ള ഉദ്യോഗാർഥികൾ അന്നേ ദിവസം രാവിലെ 9.30ന് കണ്ണൂർ യൂണിവേഴ്സിറ്റി താവക്കര ആസ്ഥാനത്തിലെ സെൻട്രൽ ലൈബ്രറി മന്ദിരം യൂണിവേഴ്സിറ്റി എംപ്ലോയ്‌മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയിൽ എല്ലാ അസ്സൽ സർട്ടിഫിക്കറ്റുകളും മൂന്ന് സെറ്റ് ബയോഡാറ്റയും സഹിതം എത്തണം.
ഫോൺ: 0497 2703130