പേരാവൂർ : അമ്പെയ്ത്ത് അസോസിയേഷൻ നടത്തുന്ന ജില്ല അമ്പെയ്ത്ത് ചാമ്പ്യൻഷിപ്പ് വെള്ളി , ശനി ദിവസങ്ങളിൽ പേരാവൂർ ജിമ്മി ജോർജ് സ്റ്റേഡിയത്തിൽ നടക്കും. മത്സരാർഥികൾ വെള്ളിയാഴ്ച രാവിലെ ഏഴിന് സ്റ്റേഡിയത്തിൽ റിപ്പോർട്ട് ചെയ്യണം. സീനിയർ വിഭാഗത്തിൽ പങ്കെടുക്കുന്നവർ ശനിയാഴ്ച രാവിലെ ഏഴിനാണ് എത്തേണ്ടത്. രണ്ട് ഫോട്ടോയും വയസ് തെളിയിക്കുന്ന രേഖയും കരുതണം. ബുധനാഴ്ച വൈകുന്നേരത്തിനകം രജിസ്ട്രർ ചെയ്യണം. ഫോൺ. 9447936455, 9400045729.

പേരാവൂർ : പെൻഷൻ കുടിശിക തീർത്ത് മാസാമാസം വിതരണം ചെയ്യാനും പേരാവൂർ താലൂക്കാസ്പത്രി കെട്ടിട നിർമാണം ത്വരിതപ്പെടുത്താനും എ.കെ.ടി.എ പേരാവൂർ യൂണിറ്റ് സമ്മേളനം ആവശ്യപ്പെട്ടു. ജില്ലാ ജോ.സെക്രട്ടറി കെ.വി.പുഷ്പജൻ ഉദ്ഘാടനം ചെയ്തു. ഇ.നിഷ അധ്യക്ഷയായി. പി.കെ. ഓമന, പി.കെ.ബിന്ദു , മധുസുദനൻ , കെ.വി.സുധ, വി.പി.ബേബി ,കെ.ജിതേഷ് എന്നിവർ സംസാരിച്ചു. ഫിദാ ഷെറിൻ ചികിത്സാ സഹായം 10,000 രൂപ ചികിത്സ സഹായ കമ്മിറ്റിക്ക് കൈമാറി.

പേരാവൂർ: എസ്.വൈ.എസ് എഴുപതാം വാർഷികത്തോടനുബന്ധിച്ച് പേരാവൂരിൽ സൗഹൃദ ചായക്കട ഒരുക്കി. മനുഷ്യപ്പറ്റിന്റെ രാഷ്ട്രീയം എന്ന പ്രമേയം പ്രചരണമാക്കിയാണ് ചായക്കട ഒരുക്കിയത്. പരിപാടി വീക്ഷിക്കാനെത്തിയവർക്കും ടൗണിലെത്തിയ ഉപഭോക്താക്കൾക്കും സൗജന്യമായി ചായയും പലഹാരവും നല്കി.

സ്വിദ്ദിഖ് മഹ്മൂദി വിളയിൽ ഉദ്ഘാടനം ചെയ്തു. ഇരിട്ടി സോൺ സെക്രട്ടറി ഇബ്രാഹിം പുഴക്കര അധ്യക്ഷത വഹിച്ചു. മിദ്‌ലാജ് സഖാഫി, ഷഫീഖ് പേരാവൂർ, ജസീർ ചെവിടിക്കുന്ന്, ശബീർ കൊട്ടാരത്തിൽ, അരിപ്പയിൽ മജീദ് , സിറാജ് പൂക്കോത്ത് എന്നിവർ സംസാരിച്ചു.