മട്ടന്നൂർ : കണ്ണൂര്‍ വിമാനത്താവളത്തിലെ പാര്‍ക്കിംഗ് ഏറിയയില്‍ നിര്‍ത്തിയിട്ട ഇരുചക്ര വാഹനം മോഷണം പോയതായി പരാതി.കാര- പേരാവൂര്‍ സ്വദേശിനിയും എയര്‍പോര്‍ട്ട് പോസ്റ്റ് ഓഫീസ് താല്ക്കാലിക ജീവനക്കാരിയുമായ നൈഷ ഷാജിയുടെ വാഹനമാണ് മോഷണം പോയത്. ഈ വാഹനം ഒരാള്‍ ഡ്രൈവ് ചെയ്ത് പോകുന്ന സി.സി. ടി.വി. ദൃശ്യം ലഭിച്ചിട്ടുണ്ട്.വാഹനം ശ്രദ്ധയില്‍പ്പെട്ടാല്‍ അടുത്തുള്ള പൊലീസ് സ്റ്റേഷനില്‍ വിവരം അറിയിക്കേണ്ടതാണ്.

മട്ടന്നൂർ: പഴശ്ശി പദ്ധതിയിലെ കുടിവെള്ള പദ്ധതി ശുചീകരണ ഭാഗമായി പദ്ധതിയുടെ എല്ലാ ഷട്ടറുകളും ഞായറാഴ്ച രാവിലെ തുറക്കും.നിലവിലുള്ള സംഭരണശേഷി 15 മീറ്ററായി നിലനിർത്തുന്നതിന്റെ ഭാഗമായാണ് ഷട്ടർ തുറക്കുന്നത്.വളപട്ടണം പുഴയുടെ രണ്ട് ഭഗങ്ങളിലും താമസിക്കുന്നവർ ജാഗ്രത പാലിക്കണമെന്ന് ജലസേചന വിഭാഗം എക്സിക്യൂട്ടിവ് എൻജിനീയർ അറിയിച്ചു.

മട്ടന്നൂർ: എംപ്ലോയ്മെന്റ് എക്സ്ചേഞ്ചിന്റെ മൾട്ടി പർപ്പസ് ജോബ് ക്ലബ്ബ് സ്വയം തൊഴിൽ പദ്ധതിക്കായി പേര് രജിസ്റ്റർ ചെയ്ത ഉദ്യോഗാർഥികളിൽ നിന്ന് അപേക്ഷ ക്ഷണിച്ചു.വായ്പ തുക പത്ത് ലക്ഷം വരെയും സബ്സിഡി 25 ശതമാനവുമാണ്. പ്രായപരിധി 21നും 45നും മധ്യേ. നിയമാനുസൃത വയസ്സിളവ് ലഭിക്കും.അപേക്ഷ ഫോറം മട്ടന്നൂർ എംപ്ലോയ്മെന്റ് എക്സ്ചേഞ്ചിൽ ലഭിക്കും. പദ്ധതികളെ കുറിച്ച് അറിയാൻ 0490 2474700 എന്ന നമ്പറിൽ ബന്ധപ്പെടാം.