കോഴിക്കോട് നിന്ന് കാണാതായ പതിനാലുകരി പീഡനത്തിന് ഇര; പ്രതി അറസ്റ്റില്‍
കോഴിക്കോട് മുക്കത്ത് നിന്നും കാണാതായ പതിനാലുകരി പീഡനത്തിന് ഇരയായതായി കണ്ടെത്തല്‍. തിരുവമ്പാടി സ്വദേശിയായ ബഷീറാണ് കുട്ടിയെ പീഡിനത്തിനിരയാക്കിയത്. പ്രതിയായ ബഷീറിനെ മുക്കം പൊലീസ് അറസ്റ്റ് ചെയ്തു.കാണാതായ കുട്ടിയെ കോയമ്പത്തൂരില്‍ നിന്നും കണ്ടെത്തിയിരുന്നു. പിന്നാലെ കേസില്‍ മൊഴിയെടുക്കവെയാണ് പീഡന വിവരം അറിയുന്നത്. കുട്ടിയെ കൊണ്ടുപോയ ഇടുക്കി സ്വദേശി അജയ്യെ അറസ്റ്റ് ചെയ്തിരുന്നു. ഇയാള്‍ റിമാന്‍ഡിലാണ്ഇന്നലെയാണ് കോയമ്പത്തൂര്‍ റെയില്‍വേ സ്റ്റേഷനില്‍നിന്ന് കുട്ടിയെ കണ്ടെത്തിയത്. തുടര്‍ന്ന് മുക്കം പൊലീസെത്തി തിരിച്ച് കൊണ്ടുവരികയായിരുന്നു.കഴിഞ്ഞ ശനിയാഴ്ചയാണ് കുട്ടിയെ കാണാതായത്. സ്‌കൂളിലേക്ക് പോകുന്നുവെന്ന് പറഞ്ഞ് വീട്ടില്‍നിന്ന് ഇറങ്ങിയ കുട്ടി വീട്ടിലെ മൊബൈല്‍ ഫോണും കൈയില്‍ കരുതിയിരുന്നു. പിന്നാലെ ഫോണ്‍ ടവര്‍ ലൊക്കേഷന്‍ പരിശോധിച്ച് നടത്തിയ അന്വേഷണത്തിലാണ് കുട്ടിയെ കണ്ടെത്തിയത്..
