പേരാവൂർ: പേരാവൂർ സ്‌പോർട്‌സ് ഫൗണ്ടേഷൻ സംഘടിപ്പിക്കുന്ന ആറാമത് പേരാവൂർ മാരത്തൺ (10.5) ഡിസംബർ 21 ശനിയാഴ്ച രാവിലെ ആറുമണിക്ക് ജിമ്മിജോർജ് സ്റ്റേഡിയത്തിൽ നിന്നാരംഭിക്കും. മാരത്തണിന്റെ സംഘാടക സമിതി രൂപവത്കരണ യോഗം തൊണ്ടിയിൽ ഉദയ ഓഡിറ്റോറിയത്തിൽ ആർച്ച് പ്രീസ്റ്റ് ഫാദർ.മാത്യു തെക്കേ മുറിയിൽ ഉദ്ഘാടനം ചെയ്തു. പി.എസ്.എഫ് പ്രസിഡന്റ് സ്റ്റാൻലിജോർജ് അധ്യക്ഷനായി.

ജില്ലാ പഞ്ചായത്തംഗം ജൂബിലി ചാക്കോ, പഞ്ചായത്തംഗം കെ.വി.ബാബു, പി.എസ്.എഫ് ജനറൽ സെക്രട്ടറി എം.സി.കുട്ടിച്ചൻ, ട്രഷറർ പ്രദീപൻ പുത്തലത്ത്, കെ.കെ.രാമചന്ദ്രൻ, കെ.ശശീന്ദ്രൻ, കെ.വിനോദ്കുമാർ, ഒ.മാത്യു, ജോണി തോമസ് വടക്കേക്കര, അനൂപ് നാരായണൻ, അബ്രഹാം തോമസ് എന്നിവർ സംസാരിച്ചു.

ലവ് ടു ആശ’ സണ്ണി ജോസഫ് എം. എൽ. എ ഉദ്ഘാടനം ചെയ്യുന്നു

പേരാവൂര്‍: പഞ്ചായത്തിലെ ആശാ തൊഴിലാളികളെ എച്ച്.ആര്‍.സി ആദരിച്ചു. പേരാവൂരിൽ നടന്ന ‘ലവ് ടു ആശ’ സണ്ണി ജോസഫ് എം. എൽ. എ ഉദ്ഘാടനം ചെയ്തു.
പേരാവൂര്‍ പഞ്ചായത്ത് പ്രസിഡന്റ് പി.പി വേണുഗോപാലൻ അധ്യക്ഷനായി.
മലയോരമേഖലയിലെ നിസ്വാര്‍ത്ഥ സേവനത്തിന് ഡോ.വി. രാമചന്ദ്രനെയും എം. എഫ്. എ ചെയർമാൻ എം.സി കുട്ടിച്ചനെയും ആദരിച്ചു.

പാലന വെല്‍നസ് പ്രൊവൈഡേഴ്‌സ് ചെയര്‍മാന്‍ ഡോ. ബിജു ശിവാനന്ദന്‍ സെമിനാര്‍ നയിച്ചു. പേരാവൂർ പഞ്ചായത്ത് വൈസ് പ്രസിഡന്റ് നിഷ ബാലകൃഷ്ണന്‍, കെ. വി. ശരത്ത്, റജീന സിറാജ് , ഷാനി ശശീന്ദ്രന്‍, എച്ച്.ആര്‍.സി കോ ഫൗണ്ടര്‍ മനോജ് രോഹിണി, എച്ച്.ആര്‍.സി കോ. ഫൗണ്ടര്‍മാരായ ആറളം അബ്ദുറഹ്മാന്‍ ഹാജി, മണികണ്ഠന്‍, വി. പി. അരുൺ മോഹൻ, പി. വി.ഷംസീര്‍ എന്നിവർ സംസാരിച്ചു.

ആശാവര്‍ക്കര്‍മാരായ എം.ഷീബ, കെ. കെ.ഷീബ , കെ.റീന,വല്‍സമ്മ ജോസഫ്, സുഹറ അസീസ്, എൻ. കെ.നന്ദിനി , കെ.നിഷ, സുധ സുധീര്‍, ബീന സന്തോഷ്,എം. വിലാസിനി, ഷീബാ സുരേഷ്,പി.രജിത , കെ.പ്രീത, സ്മിതാ രാജന്‍, കെ.ഷൈജ ,കെ. വൈ. ത്രേസ്യാമ്മ , എൻ. കെ.ഉഷ എന്നിവരെയാണ് ആദരിച്ചത്.

ശാരീരിക മാനസികാരോഗ്യം ലക്ഷ്യംവച്ച് പ്രവര്‍ത്തിക്കുന്ന പാലന വെല്‍നസിന്റെയും ഹാപ്പിനസ് യൂനിവേഴ്‌സല്‍ മൂവ്‌മെന്റിന്റെയും നേതൃത്വത്തിലുള്ള ഹാപ്പിനെസ് റെജുവനേഷന്‍ സെന്ററാണ് (എച്ച്.ആര്‍.ആസി) ആശമാര്‍ക്കായി ലവ് ടു ആശ പരിപാടി സംഘടിപ്പിച്ചത്.

കാക്കയങ്ങാട്:ഈ വര്‍ഷത്തെ കണ്ണൂര്‍ യൂണിവേഴ്‌സിറ്റി എന്‍.എസ്.എസ് ബെസ്റ്റ് യൂണിറ്റ് , ബെസ്റ്റ് പ്രോഗ്രാം ഓഫീസര്‍ അവാര്‍ഡുകള്‍ എടത്തൊട്ടി ഡീപോള്‍ ആര്‍ട്‌സ് ആന്‍ഡ് സയന്‍സ് കോളേജ് കരസ്ഥമാക്കി.ബെസ്റ്റ് എന്‍.എസ്.എസ് പ്രോഗ്രാം ഓഫീസര്‍ ആയി ജെസ്സി രാജേഷ് (അസിസ്റ്റന്റ് പ്രൊഫസര്‍),ബെസ്റ്റ് യൂണിറ്റ് ആയി എന്‍.എസ്.എസ് യൂണിറ്റ് നമ്പര്‍ 41 ും തിരഞ്ഞെടുക്കപ്പെട്ടു.വര്‍ഷങ്ങളായി എന്‍.എസ്.എസ് യൂണിറ്റിന്റെ നേതൃത്വത്തില്‍ നടത്തി വരുന്ന ഹൗസിംഗ് പ്രോജക്ട്, സ്‌നേഹപാഥേയം എന്ന ഉച്ചഭക്ഷണ വിതരണം , പച്ചതുരുത്ത് ഡിജിറ്റല്‍ സര്‍വേ, ക്ലീനിംഗ് പ്രോജക്ട്, ലഹരി വിരുദ്ധ – ആരോഗ്യ ബോധവല്‍കരണ പരിപാടികള്‍ എന്നിങ്ങനെ വിദ്യാര്‍ത്ഥികളുടെ സമഗ്ര വികസനവും സമൂഹത്തിന്റെ ക്ഷേമവും ഉറപ്പുവരുത്തുന്ന അനേകം പ്രവര്‍ത്തികളാണ് കോളേജിനെ ഈ അവാര്‍ഡിന് അര്‍ഹമാക്കിയത്.മാനേജ്‌മെന്റ്, സ്റ്റാഫ്, പി ടി എ, വിദ്യാര്‍ത്ഥികള്‍ എന്നിവര്‍ പ്രോഗ്രാം ഓഫീസര്‍ ജെസ്സി രാജേഷിനേയും എന്‍.എസ്.എസ് യൂണിറ്റ് അംഗങ്ങളെയും അഭിനന്ദിച്ചു.