Connect with us

THALASSERRY

മലബാറിൽ പദവി ആദ്യത്തേത് : മാഹി പള്ളി ബസലിക്ക പ്രഖ്യാപനം 24ന്

Published

on

Share our post

മാഹി: മലബാറിലെ പ്രഥമ ബസലിക്കയായി മാഹി സെന്റ് തെരേസാസ് പള്ളിയെ ഉയർത്തിയുള്ള പ്രഖ്യാപനവും സമർപ്പണവും 24ന് വൈകിട്ട് മൂന്നിന് നടക്കും. കഴിഞ്ഞ ഡിസംബറിലാണ് ഇതുസംബന്ധിച്ച് ഫ്രാൻസിസ് മാർപാപ്പ മാഹി പള്ളിയെ ബസലിക്കയായി ഉയർത്താനുള്ള പ്രഖ്യാപനം നടത്തിയത്. മാഹിപള്ളിയെ ബസലിക്കയായി ഉയർത്തണമെന്ന കോഴിക്കോട് രൂപതയുടെ അപേക്ഷയിൽ ഇന്ത്യയിലെ എല്ലാ കത്തോലിക്ക മെത്രാന്മാരും ഐക്യകണ്ഠേന ശുപാർശ ചെയ്തതിന്റെ അടിസ്ഥാനത്തിലായിരുന്നു മാർപ്പാപ്പയുടെ ബസലിക്ക പ്രഖ്യാപനം.

ബസലിക്കയുടെ മൂന്ന് അടയാളങ്ങളായ കുട, മണികൾ, പേപ്പൽ കുരിശിന്റെ താക്കോലുകൾ എന്നിവ മാഹി പള്ളിയിൽ പ്രതിഷ്ഠിക്കും. 24ന് വൈകിട്ട് നടക്കുന്ന സാഘോഷ പൊന്തിഫിക്കൽ ദിവ്യബലിക്ക് ഡോ.ജോസഫ് കളത്തിപറമ്പിൽ മുഖ്യ കാർമ്മികത്വം വഹിക്കും. തുടർന്ന് മാഹി ബസലിക്കയുടെ പ്രഖ്യാപനവും സമർപ്പണവും കോഴിക്കോട് രൂപതാ മെത്രാൻ ഡോ. വർഗ്ഗീസ് ചക്കാലക്കൽ നിർവഹിക്കും.

തലശ്ശേരി അതിരൂപതാ മെത്രോപ്പോലീത്ത ഡോ: ജോസഫ് പാംപ്ലാനി വചനപ്രഘോഷണം നടത്തും. വൈകിട്ട് അഞ്ചിന് നടക്കുന്ന പൊതുസമ്മേളനം പുതുച്ചേരി മുഖ്യമന്ത്രി എൻ.രംഗസ്വാമി ഉദ്ഘാടനം ചെയ്യും. കേരള സ്പീക്കർ അഡ്വ.എ.എൻ.ഷംസീർ, പുതുച്ചേരി സ്പീക്കർ ഏമ്പലം ആർ.സെൽവം എന്നിവർ മുഖ്യഭാഷണം നടത്തും.

ബസലിക്കയായി ഉയർത്തപ്പെട്ടതിന്റെ ഭാഗമായി മാഹി ബസലിക്കയെ ദൈവകരങ്ങളിൽ സമർപ്പിച്ചുകൊണ്ടുള്ള കൃതജ്ഞത ബലി 25ന് വൈകിട്ട് നാലിന് കണ്ണൂർ രൂപത മെത്രാൻ ഡോ.അലക്സ് വടക്കുന്തലയുടെ കാർമ്മികത്വത്തിൽ നടക്കും.

വൈകിട്ട് 6ന് വിവിധ കലാപരിപാടികൾ. വാർത്താസമ്മേളനത്തിൽ ഇടവക വികാരി ഡോ: വിൻസന്റ് പുളിക്കൽ, അസി: വികാരി ഫാദർ ഡിലുറാഫേൽ, രാജേഷ് അഗസ്റ്റിൻ, ജോസ് പുളിക്കൽ സംബന്ധിച്ചു.

 

ബസലിക്ക പദവി

റോമൻ സഭയുമായും മാർപ്പാപ്പയുമായുള്ള പ്രത്യേക ബന്ധത്തെ സൂചിപ്പിക്കുന്ന ഇടവും സജീവവും അജപാലനവും ആയ ആരാധനക്രമത്തിന്റെ കേന്ദ്രം. ആരാധനാക്രമം, കൂദാശകൾ, വലിപ്പം, പ്രശസ്തി, സൗന്ദര്യം, ദൗത്യം, ചരിത്രം, പ്രാചീനത, അന്തസ്സ്, ചരിത്രപരമായ മൂല്യം, വാസ്തുവിദ്യ, കലാപരമായ മൂല്യം, ആരാധനാ കേന്ദ്രങ്ങൾ എന്നിവ പരിഗണിച്ചാണ് മാർപാപ്പ ബസലിക്ക പ്രഖ്യാപനം നടത്തുന്നത്.

 

നൂറ്റാണ്ടുകളുടെ ചരിത്രം

മാഹിയിൽ 1736ൽ സ്ഥാപിക്കപ്പെട്ട ആരാധനാലയം. ഇറ്റാലിയനായ ഫാ.ഡൊമിനിക് ഓഫ് സെന്റ് ജോൺ വടകരയ്ക്കടുത്ത് കടത്തനാട് രാജാവിന്റെ അനുമതിയോടെ 1723ൽ മാഹി മിഷൻ ആരംഭിച്ചു. 1736ൽ ഫ്രഞ്ച്- ബ്രിട്ടീഷ് യുദ്ധത്തിൽ ദേവാലയത്തിനു കേടുപാടു സംഭവിച്ചതിനെ തുടർന്ന് 1788ൽ പുതുക്കിപ്പണിതു. 1956ൽ ദേവാലയം പുതുക്കിപ്പണിതു.

 

മലയാളമണ്ണിലെ ബസലിക്കകൾ

1എറണാകുളം സെന്റ് മേരീസ് കത്തീഡ്രൽ ബസിലിക്ക (നസ്രാണി പള്ളി)

2.ഫോർട്ട് കൊച്ചി സാന്താ ക്രൂസ് കത്തീഡ്രൽ ബസിലിക്ക

3വല്ലാർപാടം പള്ളി,

4.മഞ്ഞുമാത ബസിലിക്ക,

5തിരുവനന്തപുരം പാളയം സെയിന്റ് മേരി, ക്യൂൻ ഓഫ് പീസ് ബസിലിക്ക,

6.സെന്റ് ജോർജ് ബസിലിക്ക അങ്കമാലി,

7ചമ്പക്കുളം വലിയ പള്ളി,

8അർത്തുങ്കൽ പള്ളി,

9പുത്തൻപള്ളി (മൈനർ ബസലിക്ക)​


Share our post

THALASSERRY

നിരീക്ഷണ കാമറകളെത്തി; തലശ്ശേരി കടല്‍ത്തീരത്തെ മാലിന്യം തള്ളല്‍ നിലച്ചു

Published

on

Share our post

തലശ്ശേരി : നിരീക്ഷണ കാമറകള്‍ വന്നതോടെ തലശ്ശേരി കടല്‍ത്തീരത്തെ മാലിന്യം തള്ളലിന് അറുതിയായി. മാർച്ച്‌ 27നാണ് കടല്‍ത്തീരത്ത് അത്യാധുനിക നിരീക്ഷണ കാമറകള്‍ സ്ഥാപിച്ചത്. ഒരു ഓട്ടോമാറ്റിക് നമ്ബർ പ്ലേറ്റ് റീഡിങ്ങ് കാമറ ഉള്‍പ്പെടെ അഞ്ച് കാമറകളാണ് തലശ്ശേരി കടല്‍പ്പാലം മുതല്‍ മത്സ്യമാർക്കറ്റ് വരെയുള്ള പരിധിയില്‍ സ്ഥാപിച്ചത്. മാലിന്യം തളളുന്നവരെ കണ്ടെത്തി പിഴ ഉള്‍പ്പെടെ കർശന നടപടികള്‍ ചുമത്തുന്നതിന് നഗരസഭയാണ് കാമറകള്‍ സ്ഥാപിച്ചത്.കടല്‍പാലം പരിസരത്തെ പൊലീസ് എയ്ഡ് പോസ്റ്റിലാണ് കാമറയിലെ നിരീക്ഷണം നടക്കുന്നത്. വാഹനങ്ങളില്‍ കൊണ്ടുവന്നാണ് കാലങ്ങളായി കടല്‍ത്തീരത്ത് ആളുകള്‍ മാലിന്യം തളളിയിരുന്നത്. അറവുമാലിന്യങ്ങളും ആഴുകിയ പഴവർഗങ്ങളും ഹോട്ടല്‍ മാലിന്യങ്ങളുമടക്കം ഇവിടെ നിക്ഷേപിക്കുന്നത് പതിവായിരുന്നു. ഇക്കാരണത്താല്‍ കടല്‍ത്തീരത്ത് നായ ശല്യവും വ്യാപകമാണ്.കടല്‍ക്കരയില്‍ മാലിന്യം തള്ളുന്നത് പതിവായതോടെയാണ് നിരീക്ഷണ കാമറകള്‍ സ്ഥാപിക്കാൻ നഗരസഭ അധികൃതർ മുന്നോട്ടുവന്നത്. വ്യാപാരികളുടെ സഹകരണത്തോടെയാണ് കാമറകള്‍ സ്ഥാപിച്ചത്. കാമറയില്‍ കുടുങ്ങി പിടിവീഴുമെന്ന് തോന്നിയതോടെ മാലിന്യം തളളുന്നവർ പിറകോട്ടു വലിഞ്ഞു. തമിഴ് നാട്ടില്‍ നിന്നടക്കം മത്സ്യം കയറ്റിയെത്തുന്ന ലോറിയുള്‍പ്പെടെയുള്ള വാഹനങ്ങളില്‍ നിന്നുള്ള മലിന ജലം കടപ്പുറം റോഡില്‍ ഒഴുക്കിവിടുന്നതിനും നിരീക്ഷണ കാമറകള്‍ വന്നതോടെ പരിഹാരമായി. മത്സ്യം കയറ്റിപ്പോകുന്ന വാഹനങ്ങളില്‍ നിന്നുള്ള മലിനജലം പുറത്തേക്കൊഴുക്കുന്നതും ഇവിടെ പതിവായിരുന്നു. മലിനജലം കുത്തിയൊഴുകിയ റോഡുകള്‍ കഴിഞ്ഞ ദിവസം മുതല്‍ ക്ലീനാണ്. പൊലീസിന്റെ സഹായത്തോടെയാണ് കടല്‍തീരത്ത് മാലിന്യം തള്ളുന്നവർക്കെതിരെ നഗരസഭ നടപടി കർശനമാക്കിയത്. ഇക്കാര്യത്തില്‍ ഒരു വിട്ടുവീഴ്ചയും വേണ്ടെന്ന് നിയമസഭ സ്പീക്കർ എ.എൻ. ഷംസീർ പൊലീസിനും നിർദേശം നല്‍കിയിട്ടുണ്ട്.


Share our post
Continue Reading

THALASSERRY

പോക്സോ കേസിൽ മുങ്ങിയ പ്രതി പിടിയിൽ

Published

on

Share our post

ത​ല​ശ്ശേ​രി: പോ​ക്സോ കേ​സി​ലെ പ്ര​തി​യെ ത​മി​ഴ്നാ​ട്ടി​ലെ തി​രു​പ്പൂ​ർ ജി​ല്ല​യി​ലെ ധാ​രാ​പു​രം പൊ​ലീ​സ് സ്റ്റേ​ഷ​ൻ പ​രി​ധി​യി​ൽ നി​ന്ന് പി​ടി​കൂ​ടി. 2016 ൽ ​ത​ല​ശ്ശേ​രി സ്റ്റേ​ഷ​നി​ൽ ര​ജി​സ്റ്റ​ർ ചെ​യ്ത കേ​സി​ലെ പ്ര​തി ത​ല​ശ്ശേ​രി ഗോ​പാ​ല​പേ​ട്ട​യി​ലെ സ​ത്താ​റി​നെ​യാ​ണ് ത​ല​ശ്ശേ​രി പൊ​ലീ​സ് സ്റ്റേ​ഷ​നി​ലെ എ​ൽ.​പി വാ​റ​ന്റ് അ​ന്വേ​ഷി​ക്കു​ന്ന സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ പി. ​റി​ജി​ൽ, സി.​കെ. നി​ധി​ൻ എ​ന്നി​വ​രു​ടെ സ​മ​ർ​ഥ​മാ​യ അ​ന്വേ​ഷ​ണ​ത്തി​ലൂ​ടെ പി​ടി​കൂ​ടി​യ​ത്. കേ​സ് ര​ജി​സ്റ്റ​ർ ചെ​യ്ത​തി​ന് ശേ​ഷം പ്ര​തി​യെ പി​ടി​കൂ​ടാ​നാ​കാ​തെ അ​ബ്സ്കോ​ണ്ടി​ങ് ചാ​ർ​ജ് കൊ​ടു​ത്ത​തി​ന് ശേ​ഷം ഒ​മ്പ​ത് വ​ർ​ഷ​ത്തി​ല​ധി​ക​മാ​യി മു​ങ്ങി ന​ട​ക്കു​ക​യാ​യി​രു​ന്നു പ്ര​തി.പ്ര​തി​യു​ടെ ഒ​രു ഫോ​ട്ടോ പോ​ലും ല​ഭി​ച്ചി​രു​ന്നി​ല്ല. എ​ങ്ങ​നെ​യെ​ങ്കി​ലും പ്ര​തി​യെ ക​ണ്ടെ​ത്ത​ണ​മെ​ന്ന ഉ​റ​ച്ച തീ​രു​മാ​ന​ത്തി​ൽ നി​ര​ന്ത​ര​മാ​യ പ​രി​ശ്ര​മ​ത്തി​ന്റെ ഫ​ല​മാ​യി നൂ​റു​ക​ണ​ക്കി​ന് സ​ത്താ​റു​മാ​രെ ഐ.​സി.​ജെ.​എ​സി​ൽ പ​രി​ശോ​ധി​ച്ച​തി​ൽ​നി​ന്നാ​ണ് ഇ​തേ പേ​രി​ലു​ള്ള ഒ​രാ​ൾ കോ​യ​മ്പ​ത്തൂ​ർ ജ​യി​ലി​ൽ ത​ട​വു​കാ​ര​നാ​യി​രു​ന്ന വി​വ​രം ല​ഭി​ച്ച​ത്.കോ​യ​മ്പ​ത്തൂ​ർ ജ​യി​ലി​ൽ അ​ന്വേ​ഷി​ച്ച​തി​ൽ ത​മി​ഴ്നാ​ട്ടി​ലെ പൊ​ള്ളാ​ച്ചി സി​വി​ൽ സ​പ്ലൈ സി.​ഐ.​ഡി സ്റ്റേ​ഷ​നി​ലെ കേ​സി​ലാ​ണ് ഇ​യാ​ൾ ജ​യി​ലി​ൽ കി​ട​ന്ന​തെ​ന്ന് മ​ന​സ്സി​ലാ​യി. ജ​യി​ലി​ൽ നി​ന്നും പ്ര​തി​യു​ടെ ലോ​ക്ക​ൽ അ​ഡ്ര​സ് ശേ​ഖ​രി​ച്ച് അ​ന്വേ​ഷി​ച്ച​തി​ൽ പൊ​ള്ളാ​ച്ചി സ്റ്റേ​ഷ​നി​ൽ നി​ന്നും ല​ഭി​ച്ച പ്ര​തി​യു​ടെ ഫോ​ട്ടോ നാ​ട്ടി​ലെ വി​ശ്വ​സ്ഥ​രെ കാ​ണി​ച്ച് അ​ന്വേ​ഷ​ണം ന​ട​ത്തി​യ​പ്പോ​ൾ പ്ര​തി​യാ​യ സ​ത്താ​റാ​ണെ​ന്ന് വ്യ​ക്ത​മാ​യി. പൊ​ള്ളാ​ച്ചി സ്റ്റേ​ഷ​നി​ൽ നി​ന്നും ല​ഭി​ച്ച പ്ര​തി​യു​ടെ ഫോ​ൺ ന​മ്പ​റി​ന്റെ ലൊ​ക്കേ​ഷ​ൻ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ലാ​ണ് ഇ​യാ​ൾ പി​ടി​യി​ലാ​യ​ത്. സി​വി​ൽ പൊ​ലീ​സ് ഓ​ഫി​സ​റാ​യ രോ​ഹി​ത്തും സം​ഘ​ത്തി​ലു​ണ്ടാ​യി​രു​ന്നു.


Share our post
Continue Reading

THALASSERRY

തലശ്ശേരിയിൽ കണ്ണവം സ്വദേശിയായ പൊലീസുകാരൻ ട്രെയിൻ തട്ടി മരിച്ചു

Published

on

Share our post

തലശ്ശേരി: പൊലീസുകാരൻ ട്രെയിൻ തട്ടി മരിച്ചു. പാനൂർ പൊലീസ് സ്റ്റേഷൻ സി.പി.ഒ കണ്ണവം സ്വദേശി മുഹമ്മദാണ് മരിച്ചത്. തലശ്ശേരി റെയിൽവേ സ്റ്റേഷന് സമീപം വന്ദേഭാരത് തട്ടിയാണ് മരണം. പൊലീസ് സ്ഥലത്തെത്തി മൃതദേഹം ആസ്പത്രിയിലേക്ക് മാറ്റി. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും.


Share our post
Continue Reading

Trending

error: Content is protected !!