Connect with us

THALASSERRY

തലശ്ശേരിയിൽ എട്ടര കിലോ കഞ്ചാവ് റോഡരികിൽ ഉപേക്ഷിച്ച് മുങ്ങി; രക്ഷപ്പെട്ടവരെ പറ്റി സൂചന

Published

on

Share our post

തലശ്ശേരി: വഴിയിൽ പരിശോധന നടത്തുകയായിരുന്ന എക്സൈസിനെയും പോലീസിനെയും വെട്ടിക്കാൻ എട്ടര കിലോയോളം ഉണക്കക്കഞ്ചാവ് ദേശീയ പാതയോരത്ത് തള്ളി ലഹരി ഇടപാടുകാർ മുങ്ങി. തിങ്കൾ വൈകിട്ടാണ് സംഭവം. ദേയീയ പാതയിൽ കൊടുവള്ളി ആമൂക്ക പള്ളിക്കടുത്ത കാർ വാഷ് സ്ഥാപനത്തിന് സമീപമാണ് കഞ്ചാവ് ഉപേക്ഷിച്ച നിലയിൽ കണ്ടെത്തിയത്. പരിസരത്തുള്ളവർ നൽകിയ വിവരത്തെ തുടർന്ന് സ്ഥലത്തെത്തിയ എക്സൈസ്, പോലീസ് ഉദ്യോഗസ്ഥർ കഞ്ചാവ് കസ്റ്റഡിയിലെടുക്കുകയായിരുന്നു.

ക്രിസ്മസ്, ന്യൂ ഇയർ ആഘോഷങ്ങൾക്ക് ലഹരി പകരാനായി മലപ്പുറം, കോഴിക്കോട് ഭാഗങ്ങളിൽ നിന്നും തലശ്ശേരിയിലേക്ക് കടത്തിക്കൊണ്ടുവന്ന കഞ്ചാവ് ശേഖരമാണ് പിടിയിലായതെന്നറിയുന്നു. റോഡിൽ എക്സൈസും പോലിസും സംയുക്തമായി വാഹന പരിശോധന നടത്തുന്നത് ശ്രദ്ധയിൽപെട്ടതോടെ കഞ്ചാവ് വഴിയിൽ തള്ളി സംഘം രക്ഷപ്പെടുകയായിരുന്നുവെന്നാണ് അനുമാനിക്കുന്നത്. പരിസരത്തെ കടകളിലുള്ള സി.സി.ടി.വി. പരിശോധിച്ച് ലഹരി കടത്ത് സംഘത്തെ കണ്ടെത്താൻ ഉദ്യോഗസ്ഥർ അന്വേഷണം ആരംഭിച്ചു. ചില സൂചനകൾ ലഭിച്ചതായി വിവരമുണ്ട്.

അസി. എക്സൈസ് ഇൻസ്പക്ടർ സി. സെന്തിൽ കുമാർ, പ്രിവന്റീവ് ഓഫീസർമാരായ ലെനിൻ എഡ് വേർഡ്, ഒ. ലിമേഷ്, പി.പി. ഐശ്വര്യ, പോലീസ് ഇൻസ്പക്ടർ സുനിൽകുമാർ, സീനിയർ സിവിൽ പോലീസ് ഓഫിസർ രാഗേഷ് എന്നിവരാണ് കഞ്ചാവ് കസ്റ്റഡിയിലെടുത്തത്. 

കണ്ടെടുത്ത കഞ്ചാവ് ശേഖരത്തിന് ലഹരി മാർക്കറ്റിൽ ഏതാണ്ട് രണ്ടര ലക്ഷം രൂപ വിലവരും. പ്രതികൾക്ക് പത്ത് വർഷത്തിൽ കുറയാത്ത തടവ് ശിക്ഷയും ലഭിച്ചേക്കാം. 


Share our post

THALASSERRY

നിരീക്ഷണ കാമറകളെത്തി; തലശ്ശേരി കടല്‍ത്തീരത്തെ മാലിന്യം തള്ളല്‍ നിലച്ചു

Published

on

Share our post

തലശ്ശേരി : നിരീക്ഷണ കാമറകള്‍ വന്നതോടെ തലശ്ശേരി കടല്‍ത്തീരത്തെ മാലിന്യം തള്ളലിന് അറുതിയായി. മാർച്ച്‌ 27നാണ് കടല്‍ത്തീരത്ത് അത്യാധുനിക നിരീക്ഷണ കാമറകള്‍ സ്ഥാപിച്ചത്. ഒരു ഓട്ടോമാറ്റിക് നമ്ബർ പ്ലേറ്റ് റീഡിങ്ങ് കാമറ ഉള്‍പ്പെടെ അഞ്ച് കാമറകളാണ് തലശ്ശേരി കടല്‍പ്പാലം മുതല്‍ മത്സ്യമാർക്കറ്റ് വരെയുള്ള പരിധിയില്‍ സ്ഥാപിച്ചത്. മാലിന്യം തളളുന്നവരെ കണ്ടെത്തി പിഴ ഉള്‍പ്പെടെ കർശന നടപടികള്‍ ചുമത്തുന്നതിന് നഗരസഭയാണ് കാമറകള്‍ സ്ഥാപിച്ചത്.കടല്‍പാലം പരിസരത്തെ പൊലീസ് എയ്ഡ് പോസ്റ്റിലാണ് കാമറയിലെ നിരീക്ഷണം നടക്കുന്നത്. വാഹനങ്ങളില്‍ കൊണ്ടുവന്നാണ് കാലങ്ങളായി കടല്‍ത്തീരത്ത് ആളുകള്‍ മാലിന്യം തളളിയിരുന്നത്. അറവുമാലിന്യങ്ങളും ആഴുകിയ പഴവർഗങ്ങളും ഹോട്ടല്‍ മാലിന്യങ്ങളുമടക്കം ഇവിടെ നിക്ഷേപിക്കുന്നത് പതിവായിരുന്നു. ഇക്കാരണത്താല്‍ കടല്‍ത്തീരത്ത് നായ ശല്യവും വ്യാപകമാണ്.കടല്‍ക്കരയില്‍ മാലിന്യം തള്ളുന്നത് പതിവായതോടെയാണ് നിരീക്ഷണ കാമറകള്‍ സ്ഥാപിക്കാൻ നഗരസഭ അധികൃതർ മുന്നോട്ടുവന്നത്. വ്യാപാരികളുടെ സഹകരണത്തോടെയാണ് കാമറകള്‍ സ്ഥാപിച്ചത്. കാമറയില്‍ കുടുങ്ങി പിടിവീഴുമെന്ന് തോന്നിയതോടെ മാലിന്യം തളളുന്നവർ പിറകോട്ടു വലിഞ്ഞു. തമിഴ് നാട്ടില്‍ നിന്നടക്കം മത്സ്യം കയറ്റിയെത്തുന്ന ലോറിയുള്‍പ്പെടെയുള്ള വാഹനങ്ങളില്‍ നിന്നുള്ള മലിന ജലം കടപ്പുറം റോഡില്‍ ഒഴുക്കിവിടുന്നതിനും നിരീക്ഷണ കാമറകള്‍ വന്നതോടെ പരിഹാരമായി. മത്സ്യം കയറ്റിപ്പോകുന്ന വാഹനങ്ങളില്‍ നിന്നുള്ള മലിനജലം പുറത്തേക്കൊഴുക്കുന്നതും ഇവിടെ പതിവായിരുന്നു. മലിനജലം കുത്തിയൊഴുകിയ റോഡുകള്‍ കഴിഞ്ഞ ദിവസം മുതല്‍ ക്ലീനാണ്. പൊലീസിന്റെ സഹായത്തോടെയാണ് കടല്‍തീരത്ത് മാലിന്യം തള്ളുന്നവർക്കെതിരെ നഗരസഭ നടപടി കർശനമാക്കിയത്. ഇക്കാര്യത്തില്‍ ഒരു വിട്ടുവീഴ്ചയും വേണ്ടെന്ന് നിയമസഭ സ്പീക്കർ എ.എൻ. ഷംസീർ പൊലീസിനും നിർദേശം നല്‍കിയിട്ടുണ്ട്.


Share our post
Continue Reading

THALASSERRY

പോക്സോ കേസിൽ മുങ്ങിയ പ്രതി പിടിയിൽ

Published

on

Share our post

ത​ല​ശ്ശേ​രി: പോ​ക്സോ കേ​സി​ലെ പ്ര​തി​യെ ത​മി​ഴ്നാ​ട്ടി​ലെ തി​രു​പ്പൂ​ർ ജി​ല്ല​യി​ലെ ധാ​രാ​പു​രം പൊ​ലീ​സ് സ്റ്റേ​ഷ​ൻ പ​രി​ധി​യി​ൽ നി​ന്ന് പി​ടി​കൂ​ടി. 2016 ൽ ​ത​ല​ശ്ശേ​രി സ്റ്റേ​ഷ​നി​ൽ ര​ജി​സ്റ്റ​ർ ചെ​യ്ത കേ​സി​ലെ പ്ര​തി ത​ല​ശ്ശേ​രി ഗോ​പാ​ല​പേ​ട്ട​യി​ലെ സ​ത്താ​റി​നെ​യാ​ണ് ത​ല​ശ്ശേ​രി പൊ​ലീ​സ് സ്റ്റേ​ഷ​നി​ലെ എ​ൽ.​പി വാ​റ​ന്റ് അ​ന്വേ​ഷി​ക്കു​ന്ന സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ പി. ​റി​ജി​ൽ, സി.​കെ. നി​ധി​ൻ എ​ന്നി​വ​രു​ടെ സ​മ​ർ​ഥ​മാ​യ അ​ന്വേ​ഷ​ണ​ത്തി​ലൂ​ടെ പി​ടി​കൂ​ടി​യ​ത്. കേ​സ് ര​ജി​സ്റ്റ​ർ ചെ​യ്ത​തി​ന് ശേ​ഷം പ്ര​തി​യെ പി​ടി​കൂ​ടാ​നാ​കാ​തെ അ​ബ്സ്കോ​ണ്ടി​ങ് ചാ​ർ​ജ് കൊ​ടു​ത്ത​തി​ന് ശേ​ഷം ഒ​മ്പ​ത് വ​ർ​ഷ​ത്തി​ല​ധി​ക​മാ​യി മു​ങ്ങി ന​ട​ക്കു​ക​യാ​യി​രു​ന്നു പ്ര​തി.പ്ര​തി​യു​ടെ ഒ​രു ഫോ​ട്ടോ പോ​ലും ല​ഭി​ച്ചി​രു​ന്നി​ല്ല. എ​ങ്ങ​നെ​യെ​ങ്കി​ലും പ്ര​തി​യെ ക​ണ്ടെ​ത്ത​ണ​മെ​ന്ന ഉ​റ​ച്ച തീ​രു​മാ​ന​ത്തി​ൽ നി​ര​ന്ത​ര​മാ​യ പ​രി​ശ്ര​മ​ത്തി​ന്റെ ഫ​ല​മാ​യി നൂ​റു​ക​ണ​ക്കി​ന് സ​ത്താ​റു​മാ​രെ ഐ.​സി.​ജെ.​എ​സി​ൽ പ​രി​ശോ​ധി​ച്ച​തി​ൽ​നി​ന്നാ​ണ് ഇ​തേ പേ​രി​ലു​ള്ള ഒ​രാ​ൾ കോ​യ​മ്പ​ത്തൂ​ർ ജ​യി​ലി​ൽ ത​ട​വു​കാ​ര​നാ​യി​രു​ന്ന വി​വ​രം ല​ഭി​ച്ച​ത്.കോ​യ​മ്പ​ത്തൂ​ർ ജ​യി​ലി​ൽ അ​ന്വേ​ഷി​ച്ച​തി​ൽ ത​മി​ഴ്നാ​ട്ടി​ലെ പൊ​ള്ളാ​ച്ചി സി​വി​ൽ സ​പ്ലൈ സി.​ഐ.​ഡി സ്റ്റേ​ഷ​നി​ലെ കേ​സി​ലാ​ണ് ഇ​യാ​ൾ ജ​യി​ലി​ൽ കി​ട​ന്ന​തെ​ന്ന് മ​ന​സ്സി​ലാ​യി. ജ​യി​ലി​ൽ നി​ന്നും പ്ര​തി​യു​ടെ ലോ​ക്ക​ൽ അ​ഡ്ര​സ് ശേ​ഖ​രി​ച്ച് അ​ന്വേ​ഷി​ച്ച​തി​ൽ പൊ​ള്ളാ​ച്ചി സ്റ്റേ​ഷ​നി​ൽ നി​ന്നും ല​ഭി​ച്ച പ്ര​തി​യു​ടെ ഫോ​ട്ടോ നാ​ട്ടി​ലെ വി​ശ്വ​സ്ഥ​രെ കാ​ണി​ച്ച് അ​ന്വേ​ഷ​ണം ന​ട​ത്തി​യ​പ്പോ​ൾ പ്ര​തി​യാ​യ സ​ത്താ​റാ​ണെ​ന്ന് വ്യ​ക്ത​മാ​യി. പൊ​ള്ളാ​ച്ചി സ്റ്റേ​ഷ​നി​ൽ നി​ന്നും ല​ഭി​ച്ച പ്ര​തി​യു​ടെ ഫോ​ൺ ന​മ്പ​റി​ന്റെ ലൊ​ക്കേ​ഷ​ൻ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ലാ​ണ് ഇ​യാ​ൾ പി​ടി​യി​ലാ​യ​ത്. സി​വി​ൽ പൊ​ലീ​സ് ഓ​ഫി​സ​റാ​യ രോ​ഹി​ത്തും സം​ഘ​ത്തി​ലു​ണ്ടാ​യി​രു​ന്നു.


Share our post
Continue Reading

THALASSERRY

തലശ്ശേരിയിൽ കണ്ണവം സ്വദേശിയായ പൊലീസുകാരൻ ട്രെയിൻ തട്ടി മരിച്ചു

Published

on

Share our post

തലശ്ശേരി: പൊലീസുകാരൻ ട്രെയിൻ തട്ടി മരിച്ചു. പാനൂർ പൊലീസ് സ്റ്റേഷൻ സി.പി.ഒ കണ്ണവം സ്വദേശി മുഹമ്മദാണ് മരിച്ചത്. തലശ്ശേരി റെയിൽവേ സ്റ്റേഷന് സമീപം വന്ദേഭാരത് തട്ടിയാണ് മരണം. പൊലീസ് സ്ഥലത്തെത്തി മൃതദേഹം ആസ്പത്രിയിലേക്ക് മാറ്റി. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും.


Share our post
Continue Reading

Trending

error: Content is protected !!