കറണ്ട് ബില്ല് പകുതിയോളം കുറയും; വൈകുന്നേരങ്ങളില് ചില കാര്യങ്ങള് ശ്രദ്ധിച്ചാല് മതിയെന്ന് കെ.എസ്.ഇ.ബി
എങ്ങനെ വൈദ്യുതി ബില് കുറയ്ക്കാമെന്ന അറിയിപ്പുമായി കെ.എസ്.ഇ.ബി. വൈകിട്ട് ആറ് മണിക്ക് ശേഷം ചില വൈദ്യുതോപകരണങ്ങള് പ്രവർത്തിപ്പിക്കാതിരുന്നാല് വൻ തുക ലാഭം നേടാമെന്നും കെ.എസ്.ഇ.ബിയുടെ മുന്നറിയിപ്പില് പറയുന്നു. പമ്ബ് സെറ്റ്, വാട്ടർ ഹീറ്റർ, മിക്സി, ഗ്രൈൻഡർ, വാഷിംഗ് മെഷീൻ, ഇസ്തിരിപ്പെട്ടി തുടങ്ങിയവ ഉയർന്ന തോതില് വൈദ്യുതി ഉപയോഗിക്കുന്ന ഉപകരണങ്ങളാണ്. ഇവ ഉപയോഗിക്കുന്നതും വൈദ്യുത വാഹനങ്ങള് ചാർജ് ചെയ്യുന്നതും വൈകുന്നേരം ആറ് മണിക്ക് ശേഷം പാടില്ല. ഇക്കാര്യങ്ങള് പകല് സമയത്ത് ചെയ്താല് വൈദ്യുതി ബില്ലില് 35 ശതമാനം വരെ ലാഭം നേടാനാകും. പ്രതിമാസം 250 യൂണിറ്റിലധികം ഉപയോഗമുള്ളവർക്ക് വൈകിട്ട് ആറ് മണിക്ക് ശേഷമുള്ള പീക്ക് മണിക്കൂറില് 25 ശതമാനം അധിക നിരക്ക് ബാധകമാണ്.
