ബിരുദധാരികള്ക്ക് പെയ്ഡ് ഇന്റേണ്ഷിപ്പ് ഒരുക്കി അസാപ്പ് കേരള; മാസം 12000 മുതല് 24000 രൂപ വരെ വേതനം
കൊച്ചി: ബിരുദ പഠനം കഴിഞ്ഞ ആദ്യ ജോലിക്കായി തയാറെടുപ്പുകള് നടത്തുന്ന ഉദ്യോഗാര്ഥികള്ക്കായി പെയ്ഡ് ഇന്റേണ്ഷിപ്പ് പദ്ധതിയുമായി ഉന്നത വിദ്യാഭ്യാസ വകുപ്പിനു കീഴിലുള്ള അസാപ് കേരള. സര്ക്കാര്, സ്വകാര്യ സ്ഥാപനങ്ങളിലാണ് ബിരുദധാരികള്ക്കായി ഇന്റേണ്ഷിപ്പ് അവസരം ഒരുക്കിയിരിക്കുന്നത്. സമീപകാലത്ത് ബിരുദം പൂര്ത്തിയാക്കിയവര് ആയിരിക്കണം അപേക്ഷകര്.
നെസ്റ്റ് ഡിജിറ്റലിന്റെ കളമശ്ശേരി കേന്ദ്രത്തില് എന്എപിഎസ് ട്രെയ്നികളുടെ 40 ഒഴിവുകളുണ്ട്. സിവില്, ഇലക്ട്രിക്കല്, ഇലക്ട്രോണിക്സ് ഡിപ്ലോമ/ഐ ടി ഐ പാസായവര്ക്ക് അപേക്ഷിക്കാം. പ്രതിമാസം 12,000 രൂപ സ്റ്റൈപന്ഡ് ലഭിക്കും. ഒരു വര്ഷമാണ് ഇന്റേണ്ഷിപ്പ് കാലാവധി.
ഉദ്യോഗാര്ത്ഥികള് https://asapmis.asapkerala.gov.in/Forms/Student/Common/3/291 എന്ന ലിങ്ക് വഴി രജിസ്റ്റര് ചെയ്യണം. ഫീസ് 500 രൂപ. യോഗ്യത പരിശോധിക്കുന്നതിന് പ്രത്യേക സ്ക്രീനിങ് ഉണ്ടായിരിക്കും. ഏഴുത്തു പരീക്ഷയുടെ അടിസ്ഥാനത്തില് പ്രത്യേക റാങ്ക് ലിസ്റ്റുകള് തയാറാക്കും. അപേക്ഷിക്കേണ്ട അവസാന തീയതി ഡിസംബര് 13.
