അധ്യാപകസമരം കാരണം അഞ്ഞൂറുപേർ തോറ്റു; വിദ്യാർഥികൾ പ്രിന്‍സിപ്പാളിനെ ഓഫീസില്‍ പൂട്ടിയിട്ടു
കോഴിക്കോട്: മുക്കം കെ.എം.സി.ടി പോളിടെക്‌നിക് കോളേജില്‍ വിദ്യാര്‍ഥികളുടെ സമരം തുടരുന്നു. അധ്യാപകരുടെ സമരം കാരണം പരീക്ഷ മുടങ്ങിയ 500 വിദ്യാര്‍ഥികള്‍ തോറ്റതില്‍ പ്രതിഷേധിച്ച് തിങ്കളാഴ്ചയാണ് വിദ്യാര്‍ഥികള്‍ സമരം തുടങ്ങിയത്. സമരക്കാര്‍ പ്രിന്‍സിപ്പാളിനെ ഓഫീസില്‍ പൂട്ടിയിട്ട് ഉപരോധിച്ചു.
തുടര്‍ വിദ്യാഭ്യാസത്തേയും ജോലിയേയും ബാധിക്കുമെന്നതിനാല്‍ സപ്ലിമെന്ററി പരീക്ഷ എഴുതില്ലെന്നും റീ-ടെസ്റ്റ് നടത്തണമെന്നുമാണ് വിദ്യാര്‍ഥികളുടെ ആവശ്യം.
