പരീക്ഷയ്‌ക്കെത്തിയ വിദ്യാര്‍ഥിയെ തെരുവുനായ കടിച്ചു
കൊച്ചി : കൊച്ചിയില്‍ വിദ്യാര്‍ഥിനിയെ തെരുവുനായ കടിച്ചു. പരീക്ഷ എഴുതാനെത്തിയപ്പോഴാണ് പ്ലസ് ടു വിദ്യാര്‍ഥിനിയെ സ്‌കൂളില്‍ വെച്ച് തെരുവുനായ കടിച്ചത്. പറവൂര്‍ ഗവ. ബോയ്‌സ് ഹയര്‍ സെക്കന്‍ഡറി സ്‌കൂളിലാണ് സംഭവം.
ആഴത്തില്‍ മുറിവേറ്റ കുട്ടിയെ ഉടന്‍ ആശുപത്രിയിലെത്തിച്ചു. ഇടതു കയ്യിലാണ് കടിയേറ്റത്. ചികിത്സയ്ക്ക് ശേഷം വിദ്യാര്‍ഥിനി പരീക്ഷയെഴുതി. അതിനുശേഷം കളമശ്ശേരി മെഡിക്കല്‍ കോളജിലെത്തിച്ച് പ്രതിരോധ വാക്സിനുമെടുത്തു.
കഴിഞ്ഞ 28 ന് ദേശീയ പണിമുടക്ക് ദിവസം പെരുമ്പടന്ന ഗവ. എല്‍.പി. സ്‌കൂളിലേക്ക് വന്ന അധ്യാപികയെ പെട്രോള്‍ പമ്പില്‍ വെച്ച് സ്‌കൂട്ടറിലിരിക്കെ തെരുവുനായ കാലില്‍ കടിച്ചു വലിച്ചിരുന്നു.
